يا جماعة أنا محتار ما بين الأتنين و البيكانتو عجباني لكن مضوع إن الفيرنا1600 cc مغري جدامع سعرها ده....تنصحوني ب إيه؟؟؟؟؟
عرض للطباعة
يا جماعة أنا محتار ما بين الأتنين و البيكانتو عجباني لكن مضوع إن الفيرنا1600 cc مغري جدامع سعرها ده....تنصحوني ب إيه؟؟؟؟؟
انا عن نفسى فضلت i10 عن الفيرنا و كنت اصلا ناوى على بيكانتو لكن غيرت رأيى علشان مكنتش متاحه
و بصراحه مع البيكانتو هتخسر الآتى
سحب اقل و عفشه انشف شويه و بالتالى هتقتص من الراحة و كذلك الشنطة اصغر
لكن فى المقابل هتتمتع بالآتى
استهلاك بنزين رائع (لكن مع الحرق الاستهلاك بيزيد علشان الموتور صغير)
باور كهرباء افضل بكتيييييييييييييييييييييي يييير و ناعم جداااااااااا و ثابت على السرعات العاليه
شكل و تابلوه جمييييييييل (انا عن نفسى فضلت ال i10 علشان شكلها الجديد و احلى من الفيرنا كتييييييير)
ثبات العربية جيد جداااا
المساحة الداخلية مش اقل من الفيرنا يعنى قريبه منها جدااااااا (لكن ال i10 اوسع من البيكانتو بفارق بسيط و افضل من الفيرنا فى الوسع بشهادة اللى بيركبوا معايا و ركبوا فيرنا)
اعتقد من حيث قطع الغيار الفيرنا تكسب لان اسعار قطع غيارها منخفضة جداااااا و مرطرطه
بالتوفيق ان شاء الله
شكراااااااااااااااا جداااااا على الإفادة
بيكانتو افضل من الفيرنا فى رأى
اي تن ايه اللي احسن من البيكانتو :3mla: جبت الكلام ده منيين :mahf(5): وبور كهرباء ايه اللي مش في البيكانتو .....البيكانتو فيها بور كهرباء وموتور ايه برده اللي ضعيف ومش بتاع سحب ماهو 1100 سي سي زي الاي تن :fdsa:وبعدين الاي تن مش واسعة قوي من جوه وشنطتها كبيرة زي مانت بتقول ......يا راجل كفاية انها تقفيل هندي وشوية وهيحطولها كاوتشات سكوتر :POINTI~2[2]:اقتباس:
المشاركة الأصلية كتبت بواسطة monmonmon
kia picanto tksb tab3n
اقتباس:
المشاركة الأصلية كتبت بواسطة mohammedsamirabdeen
على فكره ردى كان مقارنه بين البيكانتو و الفيرنا مش ال i10 انا ذكرتها لتقاربها مع البيكانتو و لانى امتلكها
و بلاش السخريه و الكلام اللى ملوش لزمه و انت اصلا * * * * *و كلامك * * * * * و عامل زى * * * * *
___________________
انذار لمخالفة مباشرة للقاعدة 13 من قواعد المنتدى
تم وقف العضو أسبوع
مشرف عام .4
اساسا مفيش مقارنة بين البيكانتو الفيرنا , و لكن قول احتياجاتك للعربية ايه و عايز مواصفات ايه فى دماغك و ان شاء الله ربنا يوفقك .
بالمنطق..
لو بتسافر كتير يبقى عايز محرك اقوى يبقى فيرنا
لو معظم تحركاتك داخل المدينة يبقى البيكانتو (او الـi10)
(البيكانتوا و الـi10 محركهم واحد يا جماعة 1100 سي سي من انتاج هيونداي .. لأن هيونداي و كيا اصبحوا واحد الفروق بتكون في التصميم و التوكيل,إلخ + أما بخصوص ان الـi10 متصنعة في الهند فدا حقيقي و الـi20 كمان هتكون هندي لأن هيونداي عندها مصانع في الهند و ليس ورش تقفيل زي غبور افندي)
اقتباس:
المشاركة الأصلية كتبت بواسطة SuccessCre8or
يا باشا ما انا بقول للاخ صاحب الموضوع ان البيكانتو محركها ضعيف فى السحب مقارنة بالفيرنا 1600 سى سى و دى مش محتاجه كلام نهائيا... و اكيد موتور البيكانتو و ال آى تن واحد و ده باين من خلال تساوى compression ratio , bore/stroke, displacement volume مع اختلاف طفيف فى العزم و القدرة لصالح الهيونداى آى تن
لكن فى واحد داخل مش فاهم انا بتكلم فى ايه و قلب الموضوع انه مقارنة بين الهيونداى (التوكتوك الهندى) و الكيا (البيكانتو اللى هي عنده و مفكرش يرد على الراجل وداخل يتريق على الناس)
و فعلا الفروق كلها من ناحيه الشكل الخارجى و التابلوه و العربية من جوه كقعده.. و اللى يدل ان الاتنين واحد و ان i10 كل حته فيها كورى بأن اتفه قطعه ممكن تفكها فى العربية عليها ختم هيونداى و كيا من فلتر الهواء الى الكونسول اللى فى المنتصف و ساعة العربية ...........
و فهلا مصنع هيونداى فى الهند ده زيه زى كوريا مش مصر طبعا :_Alshmokh08[1]: و كفايه انه بينتج عربيه زى ال i20 تحففففففففففففففففففففه
انا افضل البيكانتو لكن زي ما احد الاعضاء قال البيكانتو فئة و الفرنا فئة تانية ماينفعش نقارنهم ببعض فاشوف حضرتك عايز ايه من العربية
الفيرنا محرك قوى 1600 ومفيش وجه مقارنه مع البيكانتو
الفيرنا مع احترامى متتحطش مع البيكانتو نهائيا دى الفيرنا 1600 cc
106 حصان بيكانتو 1100 ازاى البيكانتو احسن يا جماعه حسب الاستخدام ولو هنقارن يبقى عربيه قريبه منها فى الموتور
يا جماعة، الرجل بيسأل فيرنا 1600cc ولا بيكانتو 1100cc مش عشان العربيتن يتكرنو ببعض.....بس فرق السعر بينهم مستفز جداً ويخلي الواحد فعلاً لم يجي يشتري يفكر ديه ولا ديه.
الفيرنا 1600cc مانوال فول اوبشن ==> 68,000
الفيرنا 1600cc مانوال تكيف + باور + كاسيت ==> 65,000
البيكانتو 1100cc مانوال فول اوبشن ==> 63,000
البيكانتو 1100cc مانوال تكيف + باور ===> 60,000
ففرق السعر بينهم فعلاً يخلي إلي هيشتري يحط الاتنين في تفكير
طيب ليه مافكرتش فى اللوجان؟
نفس سعر الفيرنا و موتور 1600 و توكيل انضف
بس الكماليات فى الفيرنا تكسب