اوبل كورسا ولا اكسيل

**osker1982** · 17-09-2009 08:18 AM

السلام عليكم و رحمة الله و بركاتة .

اريد المساعدة ضروري
امامي سيرتان اوبل كورسا 2000 1000cc كاملة و هيونداي اكسيل 1998 1500cc كاملة مانيول السيرتان حالتهم 85% جميع الكمليات تعمل و السعر واحد 34000
هنا السؤال بالله عليكم اشتري اي واحد
معلومة انا كل الى عوزة عربية نعمة تكيفها جيد و فيها بور
ارجو الافادة و لو في سيارة اخري بهذا السعر ترشحوهالي

ارجو المساعدة من اهل الخبرة

**albasha** · 17-09-2009 09:51 AM

كورسا جميله بس قطع غيارها أعتقد غاليه انقل موضوعك لقسم المقارنات

**hanykd** · 17-09-2009 10:57 AM

السلام عليكم
مافيش مقارنة أساسا
الكورسا تكسب طبعا

بس إكشف عليها كويس جدا قبل ماتشتريها وياريت تكشف فى التوكيل وتعمل سكان على الموتور بتاع العربية

أخوك فى الله هانى

**aYaBooY** · 17-09-2009 11:24 AM

اولا كل سنة و انت طيب
انت بتقارن بين عربيتين مفيش وجه للمقارنة بينهم الصراحة علشان الكورسا عربية الماني و الهيونداي مصري بس
انت ديه اول عربية ليك ولا ايه هيا سوابق حضرتك مع العربيات
نيجي نقارن التكييف بتاع الهيونداي هاتلاقيه اقوي و صيانتة ارخص من الكورسا علشان تكييف الاكسل كباس واخد سير من الموتور و الكورسا كهرباء
السحب التصميم الاوروبي عادتا بيكون سحبة اقل من التصميم الاسيوي
الصيانة الاكسيل حاجتها ارخص و صيانتها اسهل يعني يوم ما تقف منك اي سواق تاكسي ممكن يصلحها اما الكورسا لازم متخصص اوبل و قطع غيار غالية بس طبعا لازم نقول ان اعطال الكورسا هاتكون اقل من الاكسيل و قطع غيارها عمرها الافتراضي اطول
الثبات طبعا الاكسيل و كل ما يوازيها مفيهوش ثبات اصلا بس برده حجم الكورسا و موتورها الصغير مش هايسمحلك انك تجري بيها اكتر من 140 و الاكسيل خطر انك تمشي بيها اكتر من 130
عموما لو ديه اول عربية ليك يبقي حرام انك تجيب كورسا تتعلم فيها لكن لو انت فاهم كويس في العربيات و حراكاتها و حركات الصنيعية يبقي مفيش مشكلة من الكورسا
الكشف على العربيتين يفضل يكون في التوكيل بالنسبة للاكسيل و لازم يكون في التوكيل بالنسبة للكورسا
السعر انا شايف و الله اعلم ان سعر الكورسا عالي شوية و سعر الاكسيل ممكن ينزل الفين جنيه كمان بس عموما انا مش متابع السوق قوي فممكن اكون غلطان في الموضوع بتاع التسعير

**M.FOUAD** · 17-09-2009 03:46 PM

انا رايي الاكسيل عملية اكثر و اسهل في صيانتها و سوقها شغال
بالنسبة للسعر لو الاكسيل رشة برة تننزل الف او الفين اما لو فابريقة برة يبقى دة السعر العادل ليها اما الكورسا فكثير اوي 34 تعمل لو العربية بحالة الزيرو 30 الف
ممكن تجيب في نفس السعر اكسنت 1300 موديلات 98-99 بس من غير باور بس العربية اصلا خفيفة و مش هتحتاج الباور اوي و ممكن ابيزا بنفس سعر الاوبل

**aYaBooY** · 17-09-2009 04:17 PM

اختلف مع الاخ فؤاد بخصوص الابيزا علشان العربية ديه مشاكل عفشتها كتير قوي

**alzelafy** · 24-09-2009 05:46 AM

اتعب شويه و دور على لانسر عيون صفيه احسن منهم الاتنين و هتكون بنفس السعر انا ركبت الاكسيل فترة و زباله على الطريق و عديمه الامان و الكورسا ضيقه و موتورها على قدة شويه مع الحموله بس احسن كتيير من الاكسيل و الوقتى بدور على عيون صفيه و يا سلام لو لقيت واحدة اوتوماتيك و هتعمل 35 بالكتيير

**Angel_wolf** · 24-09-2009 01:38 PM

وفى حاجة فى الاكسيل غير موفرة بالمرة فى البنزين
علشان 1500 سى سى كاربراتير انا معايا اكسل 98 زى الى انت بتتكلم عليها و بعيط من البنزين

**SAMEH_FOUAD** · 24-09-2009 04:18 PM

الاكسيل كويسة بس حريقة مصاريف ولا ماهتمتش بيها يببقى حتفتح بقها على الاخر ,لكن فى مقابل قطع غيار رخيصة جدا بس غير معمرة
بالنسبة للجرى كويسة وبتجرى ي بس الثبات وحش جدا بعد 120
الكورسا افخم منها واحلى فى الشكل ,بس الكورسا عيوبها ماتور ضعيف ,قطع غيار نار ,اصلا الموديل دة كلة مشاكل فى قطع الغيار
دة غير المساحة الضيقة جدا مقارنة بالاكسيل
التكيف ماجربتش الاتنين بس اللى اعرفة ان التكيف بتاع الاكسيل على قدة