لأ عبود للحراسة :star1:
عرض للطباعة
واحد صاحبى درب الكلب بتاعه شراسه وطاعه
باذن الله اجيببك رقم المدرب
بس خللى بالك ان التدريب لازم يكون فى سن معينه ونصيحه جيب كلبين ذكر وانثى
وكمان بيبقى فيه تطعيمات بتتعمل للكرب عشان تحصين ضد الامراض
كنت عايز أعرف يا جماعة لو عايز أجيب جولدن ريتريفر سنه صغير يعني يفضل جرو عشان عايز أربيه من و هو صغير
أجيبه سنه قد إيه تقريباَ ؟
سعره في حدود كام ؟
مصاريفه من تدريب و تطعيمات و خلافه في حدود كام؟
لو فيه أي ملاحظات تانية برضه
للرفع للرفع !
و عندك واحد جولدن ريتريفر !
شكرا لجميع الزملاء اللي شرفوني بالمرور او المشاركة
وشكر خاص للزميل محمد عبد العال على المجهود الرائع في موضوع كل شيء عن الكلاب .... فعلا الموضوع ده كان مفيد جدا في رحلة البحث عن الكلب
.......
والآن وبعد طول انتظار ...... وبعد مجهود جبار
اقدم لكم ...... نيرو
جرو بلاك جاكيت ذكر عمر 45 يوم تقريبا
ده اول كلب المسه في حياتي ....
اول كلب ما أخافش منه في حياتي
اول كلب اتعامل معاه في حياتي
...
ده جالي هدية وروحت خدته امبارح وذهبت به مباشرة عند اختي
....
ما تخافش يا نيرو .... ده نايل موتورز
http://i429.photobucket.com/albums/q...1003082804.jpg
http://i429.photobucket.com/albums/q...03082805-1.jpg
انطباعي الاول عنه انه كلب دمه خفيف جدا وبيحب اللعب .... ( وبيعمل حمام كتير أوي ):rfds:
انا حسيت انه مش كلب ... حسيت انه طفل .... وبما اني باحب الاطفال جدا ..... حبيت نيرو خالص وكان صعبان عليا جدا لأنه لسة مفصول عن امه وعمال يدور عليها .... سبحان الله الطفولة هي نفسها في كافة المخلوقات
وبما ان ابن اختي بيحب الحيوانات جدا ... وعند عصافير و ساعات قطط وسمك وحلزونات وحاجات غريبة كدة .... يبقى مش ناقص غير 2 شامبانزي وزرافة ونفتح حديقة حيوانات :verygood:
يا عم الباشا هو دلوقت نيرو .... كلها شهرين تلاتة ويبقى نيرو
الكلاب بتكبر بسرعة جدا ..... ويمكن الرادار يصورها كمان لو كبرت بسرعة اكتر من المسموح بيها
وعلشان دي اول مرة نتعامل فيها مع كلاب لازم يكون صغير ويكبر عندنا علشان نعرف نسيطر عليه
على فكرة نيرو بالايطالي يعني أسود ..... معلش اصل ثقافتي غربي شوية ..... من كفر الزيات غربية بالتحديد يعني :shyy:
ربنا يبارك فيه..اصل انا جارتى عندها واحد كده ماشاء الله طول بعرض ومتوحش بالفطرة
يعنى يبقى ماشى فى الشارع عايز يهجم على اى حد من غير يتفاهم اصلا
غير لو الاسانسير اتفتح نلاقيه عمال يهوهو وهو جوا البيت
لدرجة مرة كان جايلى دليفرى كان حينط جوا شقتنا علشان سمع الهوهو وبعدين الباب اتفتح وكانت جارتى نازلة بيه
طيب متنساش بقى تبقى تكتب كل حاجه عنه سعره وهيتدرب امتى وسعر تدريبه وكل حاجه