الموضوع: عاوز كلب حراسة ..... مطلوب نصيحة من أهل الخبرة

السلام عليكم ورحمة الله وبركاته
...
انا عاوز اجيب كلب حراسة للفيلا بتاعة اختي ... لأن المنطقة في 6 اكتوبر تعتبر هادية و الفيلا ليها جنينة كبيرة وسورها على مسافة طويلة نسبيا وممكن تكون عرضة للسرقة او ما شابه ذلك
ونظرا لظروف وفاة زوج اختي فأصبحت هي والاولاد بمفردهم في الفيلا ... وانا مهما حاولت فلن استطيع التواجد باستمرار لبعد المسافة ولظروف العمل
....
المطلوب ان الكلب يبقي كلب حراسة ويكون شرس نوعا ما ....( لكن مش من الكلاب اللي شكلهم عجيب زي البوكسر وما شابهه) .. لمنع اي غريب من الاقتراب من المنزل او الحديقة

ناس رشحتلي الولف البلجيكي وقالو انه افضل من الجيرمن شيبرد وأذكى واسهل في التدريب
مطلوب نصيحة حول النوع ... والعمر اللي نجيبه .... والسعر .... وذكر او انثى .... والتطعيمات اللي نعملها .....طريقة تدريبه .... أكله ..... كل ما يتعلق به
ولو حد يعرف مصدر موثوق من جهة السلالة يا ريت يقوللي
.....
اخيرا
انا مش بأحب الكلاب .... بل اني أكرهها .....وبأخاف منها بشدة ( الكلب بالنسبة لي كأنه أسد ) ..... وباتحاشى المرور بقربها لنجاستها ولخوفي منها .... وآخر شيء كنت اتوقعه في حياتي ....هو إني يكون ليا علاقة بكلب بأي شكل من الاشكال
.....
لكن المضطر يركب الصعب
يا ريت لو حد من الزملاء غاوي تربية كلاب او عنده خبرة بيها ينصحني