مفيش لوجان 1500 115 حصان
MMamdouh
عرض للطباعة
القصة مش استنكار... القصة توضيح للى فى الفيديو و بيتقال علية "اداء"... انا ليا واحد صاحبى مرضاش يجرى معيا من ثبات بالرغم من انة معاه BMW 535... وضع طبيعى لعربية وزنها قرب يبقى ضعف وزن عربيتى انها تتقطع من الثبات طالما بتجرى مع عربية خفيفة و فيها مكنة ضخمة و فتيس النسب بتاعتة طويلة (التالت اخرة 180 عندة و دة اخر عربيتى كلها على بعضها)
دة كدة عامل زى ما تجيب لقطة من ماتش و فرقة درجة تالتة بتجيب جون فى الاهلى و تقول ان الفرقة دى جامدة عشان جابت جون... فى حين ان النتيجة ساعة الهدف كانت 10 صفر للاهلى
:B4_388: :B4_388: :B4_388:
MMamdouh
لانوس 1500 8 صباب... من صفر الى 100 فى 10 ثوانى... راجع فيديو اللوجان و احسب الوقت حتلاقيهم 11 ثانية... اذا التفوق للانوس
http://www.youtube.com/watch?v=hJj3VpVvvEk
MMamdouh
والله العظيم انا بقالى اربع ايام معايا عربية فيرنا 2009
بجد العربية الفيرنا لا تقارن ولا تدخل فى مقارنة مع اللوجان
العربية سواقتها متعبة جدا سواء من كراسى و الدواسات عالية جدا
اول مرة فى حياتى اسوق عربية رجلى توجعنى منها حاجة غريبة
العزل سيئ وانعدام امان واحساسك بسرعة العربية مهما كنت ماشى على سرعات واطية
عفشة متعبة جدا وبتحس بجميع تفاصيل الطريق
الميزة الوحيدة اللى فى الفيرنا هو ماتورها القوى اللى مش متناسب اصلا مع حجم السيارة
العربية مش قوة ماتور وبس
الكلام على تسارع و سرعة قصوى مش مقارنة تفصيلية بين الفيرنا و اللوجان
لأن الفيرنا تاكل اللوجان اكل كدة وتلف عليها مرتيين لو فى سباق كمان !!!
الفيرنا 1600 2كامة 106حصان 16صباب عزم 143نيوتن على 3200لفة فقط !
اللوجان 1600 1كامة 90حصان 8 صباب
انا مش فاهم الناس اللى بتقول اللوجان اقوى جابت الكلام دة منيين !!
ركبت الفيرنا كتير مع اصدقائى وصعبوا على جدا .. مع كل مطب يهدى على الآخر وياخد المطب بالورب علشان ما تخبطش من تحت ونفس الحال مع اللانوس .
لا خلاف على ان ماتور الفيرنا قوى جدا ولكن ده مش ميزة بل على العكس عيب وعيب صارخ فى تصميم السيارة لانه زى ما الكل عارف لا يتناسب مع وزن السيارة ولا ثباتها ولاعفشتها ولا نظام تعليقها .. وبتوع الهيونداى نفسهم بيسموها العبيطة علشان بتجرى بسرعة وخلاص ..
وعلى العكس اللانوس ماتورها ضعيف .. مرة كنت رايح اكتوبر بيها مع صاحبى وكان مشغل التكييف .. التكييف كان سيىء جداً والسحب اسوأ رغم انها كانت موديل السنة !! مش عارف ليه فيه ناس بتشكر فيها .. والصاج بتاعها عبارة عن علب صفيح سمن روابى لو ضغطت عليه جامد هيطبق ( جرب بنفسك) غير صعوبة استعداله لانه عامل زى البلونة المنفوخة ..والطريف انك اول ما تركب العربية تحس انك قاعد على الأرض ..
وانا شايف ان ظهور اللوجان لطمة قوية لهذا وذاك ..يعنى اللوجان ظبطت كل انحرافات الفيرنا واللانوس ..قوة الماتور والصاج والارتفاع والشاسية والعفشة ونظام التعليق والثبات والأمان حتى الكاوتش .. وده ببساطة لانها رينو التى لا تترك شىء للصدفة ( كامل الأوصاف يا قلبى )
ومن الظلم اننا نقارنها بالفيرنا واللانوس لان اللوجان تصنف مع الفئات الأعلى من ذلك ..
تقبلوا تحياتى وآسف على التطويل
مش موتور اللوجان 90 حصان برضة ولا بيعمل اكتر من كدة؟؟؟؟... اصل لو 86 حصان ضعيف يبقى 90 ايه؟؟؟ خصوصا اننا بنتكلم فى مكنة 1600 مش 1500
لو صاحبك كان بيحسس على المكنة اثناء التليين يبقى دة طبيعى... و لما تحب تجرى باللانوس و التكييف شغال دوس الدواسة للارض... اذا كان صاحبك ميعرفش المعلومة دى تبقى المشكلة فى طريقة سواقتة مش العربيةاقتباس:
.. مرة كنت رايح اكتوبر بيها مع صاحبى وكان مشغل التكييف .. التكييف كان سيىء جداً والسحب اسوأ رغم انها كانت موديل السنة !! مش عارف ليه فيه ناس بتشكر فيها
دا على اساس ان اللوجان مصنعة من التايتينوم؟؟اقتباس:
.. والصاج بتاعها عبارة عن علب صفيح سمن روابى لو ضغطت عليه جامد هيطبق ( جرب بنفسك)
دى مشكلة سمكرىاقتباس:
غير صعوبة استعداله لانه عامل زى البلونة المنفوخة
مش احسن ما احس انى قاعد فى ميكروباص؟؟... و لو اللانوس بتحس انك قاعد على الارض امال لما بتركب اللانسر الكريستالة بنحس باية؟اقتباس:
..والطريف انك اول ما تركب العربية تحس انك قاعد على الأرض ..
دة رايك الشخصى...اقتباس:
وانا شايف ان ظهور اللوجان لطمة قوية لهذا وذاك
قوة الموتور؟؟؟؟ يعنى ال4 حصان بتوع مكنة اللوجان هما اللى ضبطوا "انحراف" اللانوس؟؟؟... طيب و اللوجان تروح فين مع الفرنا؟؟؟؟اقتباس:
..يعنى اللوجان ظبطت كل انحرافات الفيرنا واللانوس ..قوة الماتور
مش مقتنع اصلا ان دى مشكلة فى اللانوس ولا الفرنا و مش شايف ان اللوجان فيها اختراع بالنسبة للنقطة دىاقتباس:
والصاج
انا مبحسش ان اللانوس واطية... و ارتفاع اللوجان الزائد بياثر بالسلب على ثباتها و توازنها فى المناوراتاقتباس:
والارتفاع
مالة الشاسية؟؟؟ على فكرة اللانوس شاسيها اصلا بتاع اوبل استرا يعنى بنتكلم فى تصميم المانى فى الاساس... شاسية اللوجان ايه فيه مميز؟؟؟؟اقتباس:
والشاسية
نفس التعليق من النقطة السابقةاقتباس:
والعفشة ونظام التعليق
اذاى ثبات و انت بنفسك لسة قايل انها عالية؟؟؟اقتباس:
والثبات
مقدرش اقول حاجة... اللوجان تتفوق تماما فى النقطة دىاقتباس:
والأمان
اعرض ب 1 سنتى عن اللانوس و الفرنا.... فرق كبير جدا فعلااقتباس:
حتى الكاوتش
هو انت ماخدش بالك من شكل اللوجان؟؟؟... دا الفرنا اللى بنقول شكلها وحش احلى من اللوجان... و ماخدش بالك من الكلاكس اللى فى دراع الاشارة و زراير الزجاج الكهربا اللى مرمية ورا؟؟اقتباس:
.. وده ببساطة لانها رينو التى لا تترك شىء للصدفة ( كامل الأوصاف يا قلبى )
فعلا من الظلم اننا نقارن عربية صناعة رومانى و من شركة صغيرة زى داتشيا بعملاق الصناعة الكورية هيونداى او باكبر شركة سيارات فى العالم GMاقتباس:
ومن الظلم اننا نقارنها بالفيرنا واللانوس لان اللوجان تصنف مع الفئات الأعلى من ذلك ..
اللوجان ببساطة تحمل اسم شركة اكبر بكتير من الاب الشرعى للسيارة - داتشيا - و بتعامل فى صيانتها و قطع معاملة السيارات الاوروبية
MMamdouh