اقتباس:
المشاركة الأصلية كتبت بواسطة ashouhdy
انا جييت
نورت البيت
اقتباس:
المهم
انتوا طلعتوا عيوب الدنيا فى الفيرنا و الانوس اللى بقالهم اكتر من 8سنيين بيلفوا ع ارضك يا مصر
فى الشوارع الزبالة و الحفر و المدقات و الكركبة واللى انتوا عارفينوا
اللوجان لسة مكملتش سنة فى البلد منين حاكمتوا ان عفشتها و موتورها و كل فتفوتة فيها تضرب الانوس و الفيرنا بالجذمة !!! مش واسعة شوية
ولا واسعة ولا حاجة عايز اقول لحضرتك بس شيل اللانوس من الموضوع عشان دى عربية محترمة
انما لو حنتكلم على الفيرنا فهى من اسؤ ما رأيت من سيارات فى حياتى ولا انصح بها اى حد الا لو كانت حماتى هههههه
اقتباس:
و كفاية اوى ان اى لانوس او فيرنا بقالها 6 او 7 سنين بتلف فى مصر تعلم ع اللوجان الزيرو رايح جاى !!!
مش فاهم يعنى ايه تعلم على العموم احنا لو اتكلمنا على اللوجان والفيرنا يبقى الكلام عليهم وهم زيرو
اقتباس:
انا مش بهاجم اللوجان بس شايف انكم حكمتم بدرى اوى
مع انى شايف هجوم واضح وصريح على العربية على العموم اهلا بيك وانا متعود على كدة خلاص اخدت مناعة
اقتباس:
مع انى شايف فيها عيوب برضة و مميزات
و ميزاتها اليتيمة الحجم غير كدة مالهاش ولا ميزة تانية حجمها كبير عشان تشيل عيلة حلوة كدة مصرية وعالية عشان متحكش
يبقى فاضل لحضرتك انك تاخد جولة فى قسم رينو عشان تعرف بعض من مميزاتها
وعلى العموم حضرتك شوفت ميزة واحدة فى اللوجان مع انى ما شوفتش ولا ميزة فى الفيرنا ههههههه
اقتباس:
حد جرب يجرى بيها ع 160 او 170 و يشوف ثباتها مع الرتفاعها دة عامل اية !! مفيش ! دة الكليو الاوطى منها مش ثابتة
هههههههههههههههههههههههه يا راجل بلاش موضوع الثبات دة عشان اخر عربية ممكن نتكلم على ثباتها هى الفيرنا ههههههه
وسبق وقولت لحضرتك ما ينفعش نتكلم وخلاص لازم نجرب الاول عشان نحكم وانا بحكم على الفيرنا عشان انا جربتها باستفاضة
لكن السؤال هنا هل حضرتك جربت اللوجان عشان تحكم عليها و تعرف مميزاتها وعيوبها ؟
اقتباس:
يبقى الحكم بتاعكوا سابق أوانة صح ولا غلط
زى ماقلتلك احنا لو حنقارن اللوجان يبقى حنقارنها بعربيات زيرو زيها
وبعدين حنقارن ايه هو فى عربية اول ماجيبها زيرو اروح اجنطها عشان الثبات ولا اشتريها
وانا عارف انى حغير الطنابير على ال 10000 كيلو
بجد اتمنالك كل خير مع الفيرنا الجميلة وربنا يباركلك فيها