الموضوع: موضوع للسؤال عن أي شئ في اللينكس

المشاركة الأصلية كتبت بواسطة e_farid

السلام عليكم ورحمة الله وبركاته

موضوع جميل، جزاكم الله خيرا كثيرا،

أنا من مستخدمي اللينكس من فترة طويله وجربت توزيعات كتيره ،

مؤخرا استقريت على اتنين، اوبنتوا وفيدورا !!

وقبل ما حد يعلن الحرب على فيدورا، فهو ملائم أكتر للي عايز ياخد كورسات ريدهات، ولايمكن أن ننكر ان ريدهات من أفضل الأمثلة الحالية في توزيعات اللينكس الخاصة بالسيرفرات،

ممكن فيدورا يكون مزعج في الإستخدام العادي لأن التطوير فيه سريع جدا كما أنه موجه أكثر لمن يريد كل شئ ومدرك بالخطوط العامة للينكس.

وعلى الرغم من ذلك فأغلب البرامج تصدر حزم ار بي ام ومستخدمي فيدورا في العالم كثير جدا الا ان الكثير منهم من المحترفين خاصة انه يواكب آخر صيحات التكنولوجيا بسرعة شديدة جدا.

أما اوبونتوا فهو بسيط وأقرب الى المستخدم ومن السهل جدا التعرف اليه والتعامل معه بدون خبرة كبيرة مسبقة، ونظام ال apt-get ربما يكون ايسر للمستخدم من حزم rpm ، لذا انا اعمل عليه في البيت، لكن حين استخدم لابتوب خاص فأحب تركيب فيدورا لأنه يدفعني لتعلم الكثير.

كلمة أخيره أحب أضيفها،

اللينكس او البرامج المفتوحة عامة هي خط انقاذ لدول العالم الثالث كما يسمونها،
وأنا أستخدم اللينكس من دافع أنني أصلا أتمنى تحقيق نهضه علمية في مجال كهذا، مفتوح وليس عليه قيود.

ربنا يوفقنا جميعا الى ما يحب ويرضى.

متفق معاك 100% :) الايمان بمبادئ المصادر المفتوحه اهم من استخدام لينكس :)

هي مشكله فيدورا انها updated علطول بطريقه غريبه فا حاجات كتير بتبقي bleeding edge

غير كدا هو لو حد عرف يتعامل مع المشكله دي عموما حتبقي فيدورا بالنسباله اختيار ممتاز

علي فكره انا بذاكر عشان اخد RHCE بس شغال علي سينتوس !! و ساينتيفيك :)

لينكس مينت.. اوبونتو كما يجب ان يكون
اخر حاجة جربتها مينت 7 ..

بس انا ليا رأي يا جماعة في موضوع لينكس او ويندوز
طبعا محدش ينكر ان لينكس بيخلي المستخدم بتاعه More professional
ودة اكيد بعكس ويندوز
بس السؤال بأى .. هل اي مستخدم كمبيوتر لازم يكون محترف ؟؟
الاجابة لا
اللي انا شايفه بأى ان ويندوز بتوفر بيئة ملائمة لكل واحد في مجاله
يعني مصمم الجرافيكس مش مطلوب منه غير انه يبأى محترف في الجرافيكس و مش مطلوب منه انه يحترف اي لغة برمجة هو مش محتاجها او مش هتفيده في شغله
مثلا .. devloper بيكتب asp.net مثلا .. برضو مش مطلوب منه يعرف حاجة غير اللغة دي لو مش محتاجها ..

لكن اللينكس لازم عشان استعمل gimp مثلا اكون ملم بالنظام نوعا ما اعرف كام سطر اوامر واتعامل مع الترمنال و هكذا ..

جيت متأخر بس مشوفتش الموضوع من اوله ..
دمتم بخير..