من يومين بعت الانوس حبيبتى اللى هى سبب معرفتى بكل حبايبى هنا فى المنتدى و لكن الحمد لله و عقبالكم جميعا جبت تويوتا كورولا مو 2005 بحالة الزيرو بس بصراحة من اول ما حطيت رجلى فيها حسيت انى قبل كدة كنت راكب توك توك مع احترامى للانوس و اللانوسيين حبايبى طبعا بس فعلا اصعب لحظة ساعة لما المشترى اخد معشوقتى اللانوس و بيتحرك من قدامى و ماشى حسيت ان روحى بتطلع منى يالا الحمد لله ربنا يبارك له فيها و يكفيه شرها و عقبالكم جميعا لما ربنا يكرمكم بحتة احسن من اللى انا جبتها و كل سنة و انتم طيبين
الف مليون مبروك. بس برده ماتقولش علي اللانوس تكتك.

لكن معذرة ياباشا لانوس مش توك توك
وكان يجب عليك عدم ذكر هذه الجملة فى موضوعك
ماتزعلش نفسك يا ابو طه.
هو طبعآ الاخ أبو اليزيد مايقصدش إهانه لمعشوقته ومعشوقتنا اللانوس... ومع ذلك انا زعلت من الكلمه غير المقصورده.
وبرده انا لو معاي اركب لامبورجيني او bmw حاركبها ومافيش وجه مقارنه بينها وبين اللانوس.

يا جماعه للمره الألف. اللانوس أفضل السيارات الإعتماديه والاقتصاديه في فئتها. ويعيبها الفرامل والعزل وتأثير التكييف علي السحب(كعادة الكوري)...

لكن ماينفعش نقارنها بكامري او bmw او لامبورجيني 2009 مثلآ.

انا عن نفسي سوقت الاتنين وبصراحه زعلت لما نزلت من الكرولا. واقتنيت اللانوس.

العزل في الكرولا مالوش حل. والعافشه باسم الله ما شاء الله مانتش حاسس ان العربيه ماشيه علي الأرض (أيآ كانت طبيعتها حتي لو كسر طوب). عافشه ناعمه جدآ جدآ جدآ. بالاضافه ان مستوي القياده أعلي من اللانوس (الكرولا من العربيات العاليه). وتسارع باسم الله ما شاء الله. وتكييف ثلاجه ولا يؤثر علي السحب وماتحسش انك مشغله (عادة الياباني).