الموضوع: هيونداي اكسنت

يوجد نقطتين أول حاجة أن زيت الفتيس له نوعين عالى اللزوجه 140 ومنخفض 85 لما تيجى تغير الزيت حط منخفض مش عالى. العالى هيسبب أن الأول وأحيانا الثانى مش هيجوا معاك الصبح وبالذات فى الشتاء

ثانى حاجة الانترا كانت بتعمل معايا كدة بس مش لما العربية تكون باردة بس احيانا كانت بتعملها وانا بأركن فى الجراج

الحل الأمثل:

لو المارشيدير مجاش معاك خاليك دايس بتحاول تجيبة وسيب الدبريج بالراحة خالص وبشويش هتلاقية دخل فى الحارة بتاعتة مع تخفيف دوسة الدبرياج.

ملحوظه هامه: ماتجيبش مارشيدير والعربية لسه بتتحرك للأمام. غلط كبير. أستنى لما تقف خالص عد 3 ثوانى ثم ابدأ جيب مارشيدير.

أتمنى أن الحل ينفع معاك

خلاص كلكم جربوا تغيروا زيت الفتيس بتاع الفابريكة
مفيش حاجة يا جماعة اسمها ان العربيات كلها بتعمل كده
ده العربية السيات الي كانت معايا ما كانتش بتعمل كده

الزيت الي حطيته كان زيت موبيل متعدد الدرجات 80-120 من محطة موبيل الي على اول طريق الاسماعيلية الصحراوي
ياريت تحط الزيت الي نوعه مكتوب في الكتالوج وتظبط سلك الدبرياج .
ممكن كمان يكون سلك الدبرياج بيحشر في الجراب لكن رايي يا اخ مودي لو تسمحلي انك علشان فعلا غيرت زيت الفتيس روح اكشف على سلك الدبرياج ويا ريت تغيره واهو كله في عربيتك وكأنك بتعمل صيانة.
لو الموضوع اتحل يبقى خلاص ولو لاقدر الله لسة نفس المشكلة نبقى نشوف هنعمل ايه
ان شاء الله بسيطة.
8) (مافيش حاجة يا جماعة اسمها ده العادي في الموضوع ده بتوع التوكيلات بيقولوا كده على طول)