الموضوع: دايو اسبيرو عطل يجنن

يعنى انت لما بتدوس فرامل العربية بتبطل حتى لو ماوقفتش ,يعنى مثلا مجرد مابتهدى او تحط رجلك على الفرلمل بتبطل ولا لما بدوس فرامل وبتقف خالص .
*وانت بتلف الدركسيون على الاخر العربية بتبطل
وبتقول غيرت الحساسات ونظفتها ,وبعدين سير الكاتينة مالوش دعوة بالموضوع دة اصلا انت غيرتة لية

طيب كدة انت عندك مشكلة فى السلانسية بتاع العربية وغالبا لو انت عندك مسمار فاكيوم خلى حد يظبطهولك
لان كدة المشكلة كلها عندك فى دة
وممكن حاجة تانية بس انا مستبعدها ان ممكن يكون عندك عيب فى ضفيرة الكهرباء ,عشان كان فية واحد صاحبى كان معاة عربية كل لما يجى يدوس فرامل العربية كانها بتبطل لمبة الدينامو والزيت بينوروا والاربى ام بينزل لعدد لفات 50 واول لما يشيل رجلة من على الفرامل العربية بترجع تانى لوضعها الطبيعى ,واكتشفنا ان عندة عيب فى مكان معين فى ضفيرة الكهرباء تقريبا فى سلك مهزوز
وياريت بردة توافينا بتقرير مفصل اكتر عن المشاكل اللى بتحصل بالظبط فى العربية وفى اى الاحوال

اولا لا شكر على واجب احنا كلنا اخوات ولازم نساعد بعض لحد ان شاء الله مانحل الموضوع
*السلانسية الطبيعى المفروض يبقى على 850 لفة لكن 1400 دة كتير جدا جدا
*مشكلة انها اول لما تلف الدركسيون تبطل دة لان ماكينة الباور المفروض انها بتسحب من الماتور فلما بتحرك الطارة شمال او يمين بتاثر على الماتور وبتخلية يبرجل يبقى بردة انت كدة عندك الماتور مش مظبوط خالص خصوصا حكاية الماتور اللى على 1400 فى السلانسية
* انت المشكلة كلها عندك فى نظام التغذية بتاع العربية سواء وحدة انجيكشن ,او ظبط كهرباء ,وبعدين انت واثق من الميكانيكى اللى بتتعامل معاة ,وعارف انة كويس
عشان لو كدة يبقى هاتتعب شوية وتوديها التوكيل يعملك كشف كامل على ماتور وفتيس السيارة ويطلعلك التقرير ولو فى حاجة يصلحوها ,بردة بعد ماتشوف مسمار الفاكيوم دة
بس بردة خلى بالك ان مافيش عربية بيبقى السلانسية بتاعها 1400 ابدا ,انت كدة مش هتلاقى البنزين وصوت العربية هيبقى عالى على طول
وبردة انا عايز اعرف لما بتهدى العربية بتبطل ولا لأ
وشوف انا عبتلك ايميلى عشان نقدر نتكلم اكتر وان شاء الله نشوف لها حل

ماشى ياباشا كدة انت عندك العيب فى وحدة الكنترول بتاعة الفتيس ياريت تحطها على الاسكانر وان شاء الله الكمبيوتر هايطلعلك اية الحساس اللى بايظ