الموضوع: و تمت صيانة الاألف كيلو بسلام و تحياتى لخدمة ما بعد البيع

ايه يا جماعة مافيش حد عنده معلومات عن موضوع الصيانة كل 5000 كيلو ده ؟؟؟؟؟؟؟؟

مبروك يا باشا صيانة الألف :-) أنا عربيتى "مصرية" و بعمل الصيانة كل 10 ألاف. كل 5 ألاف أعتقد مبالغ فيها شوية حتى لو عربيتك "خليجى" الزيت و الفلتر هيتغيروا تانى فى صيانة ال10 ألاف , هيعملوا أيه همه فى ال5 ألاف ؟؟!! أكتر حاجة ممكن تتعمل هى تربيط العفشة فقط لا غير. حضرتك طبعا حر بس ده رأى. حضرتك تابع مستوى السوائل و الزيوت و البطارية كل فترة و أمشى و أنت مطمن و غير الزيت و الفلتر فى صيانة ال10 و دمتم. ربنا يباركلك فيها و يديك خيرها و يبعد عنك شرها.

الله يبارك فيكم يا اخوانى و الف شكر على اهتمامكم الجميل

طبعا كل 10 آلاف وليس 5 !!

50 جنيه مصنعية معقول.. مش كتير

الزيت 215 صح بس لازم يجيب لك باقى الجركن لأنه استهلك 3 أو 3 وربع لتر فقط ، يعنى الباقى من الجركن مرة على مرة هتغير منه مرة ببلاش.

أمير وجوزيف برضه اسمه بوش، وهو مركز جيد جدا وسيارتك فى مجال بصرك ، وهم ليسوا متخصصين فقط فى اليابانى ، بل أساسا فى الأوروبى بالذات ستروين.

وابقى قول لنا دايما آخر أخبارك....

الف شكر يا دوك على اهتمامك .. و هو فعلا معايا الجركن الباقى من الزيت (فكرة حلوة موضوع تحويشه ده 8) )
و ان شاء الله هاخلى الصيانة كل 10000 كيلو بس مش 5000 زى ما المركز بيقول