عيوب السيفيك 2008

**bedo13** · 19-09-2009 09:12 PM

محدش قال حاجة بس السعر بالنسبة للكماليات هتلاقيها مش حلوة غير انك تركب الهاي لاين ب 180000

**ahmed_mabrook** · 19-09-2009 09:18 PM

طيب قولى الكماليات الى انت شيفها ناقصة فى العربية

**abf-nassar** · 20-09-2009 02:25 AM

المشاركة الأصلية كتبت بواسطة bedo13

أولا انا بأحب العربية دي جدا بس كانت غالية وكماليتها قليلة بالمقارنة بالمازدا
1‏_ درج التابلوه صغير جدا
2‏_‏ فتحات التكيف في النص مش بتقفل يعني لو مش مشغل تكيف لازم تجيبلك هوا سخن ومينفعش تشغل الزرار الي بيقلب الهوا جوا العربية غير مع التكيف
2‏_‏ السي دي audio‏ فقط وبدون aux‏ أو سماعات خلفية
3‏_‏ تنك البنزين 40 لتر (بس كويس على استهلاكها)
5‏_‏ أرضية الشنطة عالية اوي
6‏_‏ مافيش طفاية سجاير غير المج دة(رخم شوية)
7‏_‏ زجاج السائق فقط أوتو (معظم العربيات الياباني كدة)
8‏_المفتاح واحد فقط ريموت والتاني لأ ومش بيتقفل زي الاسكودا والاوبل والمزدا
9‏_‏ الفوانيس الأمامية عادية مش عدسات
العيب الاهم سعرها غالي شوية بالنسبة ان كماليتها قليلة
انها واطية على الأرض بالنسبة لي مش عيب عشان بيديها ثبات ممتاز
وفي الاخر بردة عربية تحفة

مع كامل احترامي لرأي حضرتك بس تقريبا العيوب اللي سيادتك ذكرتها بناء علي سمع من الاخرين وليست بناء علي تجربة للسيارة
درج التابلوة التابلوة حجمة عادي مش صغير ومثلة مثل التويوتا واللانسر
- فتحات التكييف اللي في النص بتقفل عادي من خلال زر التهوية وده امر اكيد
- التانك 50 لتر
- السماعات الخلفية موجود توصيلاتها ممكن تركبها في اقل من 5 دقائق بأي نوع ( انا ركبتها الاصلية من التوكيل وهي قوية جدا بالذات بعد ما ركبت الدي في دي من التوكيل برضه
-طفاية السجاير موجودة ومستلمها مع العربية واذا كان شكلها شبة المج لانها متنقلة فان ده ميعتبرش عيب لاختلاف الازواق
- معظم السايرات بتنزل بمفتاح واحد ريموت ومفتاح عادي ( امال التوكيلات تكسب ازاي لما يديك مفتاحين ريموت ) وبرضة المفتاح بيتقفل ام لا دي برضه ازواق مش عيب
- انا ردي من خلال تجربتي للعربية من شهر 3 2008 تاريخ الشراء وحتي الان

**bedo13** · 20-09-2009 03:50 AM

والله مجربها بتاعت واحد صاحبي
درج التابلوه صغير جدا بالنسبة للمازدا والفكترا
التنك 40لتر والاخ kemo‏ قال 42
فتحات التكيف مش متأكد جايز جدا تكون بتقفل
العربية الوحيدة الياباني مافيهاش سماعات ورا (وصلاتهم موجودة بس تقريبا ب500جنيه في التوكيل وصوتهم تحفة)

وبعد كدة حط نفسك مكان واحد مش هيدفع اكتر من 140 المازدا الايرو فيها كماليات اكتر من السيفيك بمراحل مع فارق الموتور والفتيس لصالح السيفيك طبعا لو كمل واشترى سيفيك:
500ج سماعات
750‏ طارة مالتي
3000ج جنوط
600ج زينون
400ج ضباب
دة غير فتحة السقف والسي دي يبقى كدة وصلت كام؟
والله كان نفسي فيها بس فرق السعر كبير