هل يمكن تركيب زجاج كهرباء و سنتر و انذار للفرنا هاف اوبشن فى التوكيل؟

**SAMEHNOSHI** · 19-09-2009 09:33 AM

اولا احب انبة كل واحد ناوى على فرنا انة يجبها فول اوبشن مش هاف علشان الفرق مش كبير , الفرق 3000 جنية فقط فبلاش تسترخص و تعالى على نفسك فيهم.

المهم انا معايا فرنا هاف اوبشن و اتخنئت زى ناس كتير بعد مجبتها من قلة الاوبشن و عايز اسال

فى حد ركب انذار و سنتر للهاف فى مراكز الخدمة اللى تبع التوكيل و كلفوا كام؟ وهل لو ركبتة عند عشم نوار اللى فى شارع دمشق دفيرة الكهربا حتطلع برة الضمان؟ ولا عشم نوار معتمد منهم زى محاول يقنعنى؟
فى حد ركب ازاز كهربا للهاف اوبشن فى التوكيل بحيث تبقى زى الفول اوبشن, يعنى غير فرش الباب و اشترى مكن الازاز و المفاتيح اللى موجودة فى الفول اوبشن و كلفوا كام؟

مفيش حد جاب هاف اوبشن و زود الاوبشن دية يقدر يفيدنا عملها ازاى و كلفتة كام؟ و هل فى امكانية اساسا ولا لا؟

**mohamed_mohsen** · 20-09-2009 02:19 PM

هو ينفع...بس هتدفع مبلغ هلامي
(اخوك برضه ماعندوش اوبشن خالص)

**SAMEHNOSHI** · 20-09-2009 03:46 PM

ياااااة......اخيرا حد رد عليا!!!! متشكر يا باشا على الرد.
اعتقد اللى حيكلف جامد الازاز الكهربا لانة بالاضافة لمكن الكهربا و الزراير حيغير فرش البيابان كمان.
طب مفيش حد ركب الانزار و السنتر بس فى التوكيل يقلنا تكلفتهم كام؟؟

**M.Osman** · 20-09-2009 05:25 PM

كل سنة و انت طيب يا باشا...
انا برضه زيك .. زيرو اوبشن!
بس انا ركبت انذار و سنتر عند كهربائي .
(من زمان و مش فاكر التكلفة بصراحة)
انا مرة سمعت هنا عن مبلغ فظيع عشان تحول العربية فل اوبشن في التوكيل... بس بصراحة عمري ما سألت في التوكيل .. بس نفسي اعمل الأزاز كهرباء... و في نفس الوقت مش عايز افك الفرش تاني ..

**SAMEHNOSHI** · 20-09-2009 07:27 PM

يا باشا وانت طيب
انا بسال على تركيبة فى التوكيل علشان دفيرة الكهربا متطلعشى برة الضمان... على فكرة انا سالت عند عشم نوار فى شارع دمشق عن تكلفة الانزار و السنتر و قالى 500 جنية و قالى انهم معتمدين من غبور على كلامة... بس انا خايف يطلع كلامة مش صح...علشان كدة بسال
على العموم متشكر لكل اللى ردوا عليا