العربيه وقفت مره واحده ومش بتدور ده من ايه حد يعرف؟؟؟؟؟؟؟

**gagareen** · 26-09-2009 10:49 PM

الحمد لله الموضوع طلع بسيط

حمد الله على سلامه جينا

تحياتى

**A. Ibrahim** · 26-09-2009 11:43 PM

الف حمدالله علي السلامة و كويس انها حاجة بسيطة

**youry** · 27-09-2009 02:38 PM

انا برضه حصل معايا نفس المشكلة انهارده الصبح _ العربية مش بتدور بتعمل صوت تكة وبس مع ان الانوار كلها شغالة والكلكس كمان ياترى ممكن تكون ايه المشكلة؟
هو انا كنت غسلت العربية امبارح بس ماغسلتش الماتور والعربية دارت بعدها ومشيت بيها !!!

**ahmad alshaaer** · 28-09-2009 04:25 AM

الاستاذ يوري
انا كمان الموضوع ده حصل معايا امبارح

كنت واقف وسبت الكاسيت والنور الصغير شغال لمدة نصف ساعه وجيت ادور اسمع صوت تكتكه ومش راضيه تلقط

انا اعتقد ان ده عيب البطاريه عموما

انا هشوف كده واستفسر ولو عرفت حاجه او انت عرفت اي حاجه بخصوص الموضوع ده ابقى فهمني بليز

تحياتي

**youry** · 28-09-2009 09:01 AM

هي طلعت فعلا البطارية_بعد مارجعت من الشغل امبارح جربت ادور العربية دارت بالعافية مرة تدور وعشرة لا_ ولما صدقت انها دارت رحت طالع بيها وقيست البطارية طلعت فعلا ضعيفة هي كدة بقالها سنتين و3 اشهر والحمد لله غيرتها والعربية قلوأتي تمام والحمد لله

**zaghlol** · 28-09-2009 12:52 PM

السلام عليكم ورحمة الله وبركاتة
بص انا هقولك على حاجة فعلا حصلت معايا
اولاً وانتا قافل الزجاج وتخلى المفتاح فى وضع التشغيل يعنى الوضع اللى قبل التدوير على طول المفروض تسمع صوت مضخة البنزين اللى فى التنك تشتغل حوالى من 2 الى 4 ثانية وتقفل
اذا ما سمعتش صوتها ودة اغلب الظن عندى ان تكون هيا السبب لانها مسؤلة عن امدام الموتور بالبنزين فلو مش واصلها كهرباء بسبب فيوز او السلك بتعها فية حاجة او السوكت مهزوز مش هيوصل بنزين للموتور ودة هيخلية ما يلقتش واما تستنى شوية هتلقية لقط ووقف على طول
ممكن بردة تخبط جامد بكف ايدك على التنك ودة موجود تحت الكنبة يمن وتجرب تانى وعمتا لو طلع فعلا هى دية المشكلة فاهتلاقى بعد ما تشيل الكنبة غطاء بتاع العوامة فكة وبص تحتية على حالة الاسلاك

**youry** · 28-09-2009 03:39 PM

بس في حاجة مهمة_بما ان البطارية ضعفت كدة فجأة والعربية وقفت من غير سابق إنذار يبقى ياترى ايه فائدة لمبة البطارية الموجودة في التابلوه اللي بتنور لما تيجي تدور العربية؟؟؟

**momenhamdy** · 30-09-2009 07:45 PM

المشاركة الأصلية كتبت بواسطة tweety26980

الاستاذ يوري
انا كمان الموضوع ده حصل معايا امبارح

كنت واقف وسبت الكاسيت والنور الصغير شغال لمدة نصف ساعه وجيت ادور اسمع صوت تكتكه ومش راضيه تلقط

انا اعتقد ان ده عيب البطاريه عموما

انا هشوف كده واستفسر ولو عرفت حاجه او انت عرفت اي حاجه بخصوص الموضوع ده ابقى فهمني بليز

تحياتي

الاخ العزيز الاستاذ احمد

حضرتك بتحاول تدور العربيه و مش بيحصل معاك حاجة خالص و لا حتي بتسمع المارش و بعدين بتروح قافل الكونتاكت و تفتحه تاني تقوم العربيه دايره عادي

هو دا الي بيحصل معاك ؟؟؟ برجاء التأكيد

تحياتي ليك يا باشا

**mark_milad_95** · 30-09-2009 09:16 PM

طب و بعدين يعنى , دا عيب البروتون هتشتهر به الفترة اللى جاية ولا ايه .

يعنى الاول قولنا دا عيب نادر اوى و عمره م حصل قبل كده , و اول مرة نشوفه .

دلوقتى اهو حصل مع 3 .

**gagareen** · 30-09-2009 10:29 PM

المشاركة الأصلية كتبت بواسطة mark_milad_95

طب و بعدين يعنى , دا عيب البروتون هتشتهر به الفترة اللى جاية ولا ايه .

يعنى الاول قولنا دا عيب نادر اوى و عمره م حصل قبل كده , و اول مرة نشوفه .

دلوقتى اهو حصل مع 3 .

يا باشا ازاى نعمم الموضوع على بروتون؟

الموضوع الاول طلع تكويد مفتاح
الموضوع الثانى طلعت بطاريه بعد سنتين وكام شهر
الموضوع الثالث بتاع استاذ تويتى لسه ماردش وغالبا بطاريه زى ما بيقول

يعنى حاجات بسيطه
تقبل تحياتى

الموضوع: العربيه وقفت مره واحده ومش بتدور ده من ايه حد يعرف؟؟؟؟؟؟؟

LinkBack

أدوات الموضوع

عرض

-

-

-

-

المواضيع المتشابهه

العربيه وقفت فجاه ومش راضيه تمشى

حد يساعدني... العربيه وقفت

العربيه مش بتدور؟

العربيه وقفت مرة واحدة

العربيه وقفت و اللى ما يشترى اتفرج خلاص

الكلمات الدلالية لهذا الموضوع

المفضلات

المفضلات

ضوابط المشاركة