متهيألي لازم تعمل صيانه في التوكيل عشان الضمان انا كنت سألت مره في الموضوع ده قالولي لازم في التوكيل
عرض للطباعة
متهيألي لازم تعمل صيانه في التوكيل عشان الضمان انا كنت سألت مره في الموضوع ده قالولي لازم في التوكيل
مواعيد الصيانه كل 5000 كيلو فى حاله استعمال زيت معدنى .
و كل 10000 كيلو فى حاله استعمال زيت تخليقى .
و فى كل سيارات بروتون " الزيرو " ... بيتم عمل اول صيانه عند ال1000 كيلو .. مع تغير الزيت و الفلتر و بعدها ال5000 مع تغير الزيت و الفلتر .
و مع ال10000 حضرتك بتختار يا اما تحط زيت تخليقى و تعمل صياناتك كل 10000 كيلو او زيت معدنى و تعمل صياناتك كل 5000 كيلو .
فى ناس اشترت الزيت من بره و لما راحت التوكيل مهندس الاستقبال رفض رفض قاطع انه يحط زيت او اى منتج او قطعه من بره مخزن التوكيل ...... و الموضوع ده حصل معايا مهندس الاستقبال فى العجوزه رفض انه يحط حتى سائل تبريد الريداتير الى كنت حجيبه و قالى بالحرف ممنوع احط اى حاجه من بره المركز عندنا .... ده الكلام الى سمعته من ناس كتير و الى حصل معايا من 10 شهور تقريبا , مش عارف بقى هل الوضع اتغير ولا فى استثنائات http://www.nilemotors.net/Nile/images/icons/icon7.gif .
فرق السعر فى التوكيل مش كبير لان كده او كده فى مصنعيه الصيانه بتضاف . متهيألى الفرق بيبقى فى ضريبه المبيعات الى التوكيل بيضيفها على سعر الزيت الاساسى .
شل افضل نسبيا و عن تجارب الناس و تجربتى الشخصيه ... لكن مش فرق الكبير و زيوت توتال كويسه جدا و برده عن تجربه .
التوكيل عنده زيت توتال تخليقى بالكامل " اسمه توتال 9000 " متهيالى انه زيت كويس بدليل انهم بيستخدموه مع BMW فى عز العرب .
موبيل 1 مجربتوش فى عربيتى لكن سمعت اراء سلبيه كتير جدا عليه .... خصوصا موضوع انه بينقص بشكل ملحوظ و بيسود , و ده لاحظته فى عربية احد اصدقائى اكتر من مره . و دلوقتى بيحط شل الترا و المشكله اختفت ! .
متشكر جدا يا باشا على الاهتمام. الدنيا كدا وضحت.
فى ناس اشترت الزيت من بره و لما راحت التوكيل مهندس الاستقبال رفض رفض قاطع انه يحط زيت او اى منتج او قطعه من بره مخزن التوكيل ...... و الموضوع ده حصل معايا مهندس الاستقبال فى العجوزه رفض انه يحط حتى سائل تبريد الريداتير الى كنت حجيبه و قالى بالحرف ممنوع احط اى حاجه من بره المركز عندنا .... ده الكلام الى سمعته من ناس كتير و الى حصل معايا من 10 شهور تقريبا , مش عارف بقى هل الوضع اتغير ولا فى استثنائات http://www.nilemotors.net/Nile/images/icons/icon7.gif .
انا سمعت انك ممكن تغير الزيت خارج التوكيل , وفي معاد الصيانة الدورية تقولم ميغيرهوش, والضمان يبقى ساري. الكلام دا مضبوط؟
شكراً جزيلاً على كل المعلومات القيمة دي
ان شاء الله لما ارجع واواح اعمل الصيانة حبقى اسأل م/ محمد صلاح عن رأية وحبقى ابلغكم بالتطورات
الف شكراً مرة تانية
سلام وؤقت
العفو يا دكتور لا شكر على واجب .
* الصراحه معنديش فكره لان عربيتى عدت فتره الضمان و مش بعمل صيانات دوريه فى التوكيل بعملها بره و سايب التوكيل للحاجات المهمه اوى او الى مش موجوده بره .
الله يخليك يا احمد باشا http://www.nilemotors.net/Nile/images/icons/icon7.gif
ترجع بالسلامه يا بشمهندس , ابقى طمنا عملت ايه .
انهارده رحت عملت صيانه ال5 الف
سألت المهندس محمد صلاح على موضوع تغيير الزيت من توتال لشيل وكانت اجابته مفيش مشكلة نهائي وموضوع تحليل الزيت القديم قبل وضع الزيت الجديد قالي ده بيبقى فوق ال10000 كم مش في الاول
وبالنسبة للفلتر قالي كان الاحسن تغيرة بي برضة مفيش مشكله بس نصحني اعمل صيانه ال10000 قيل ميعادها بالف او الفين كم للاضمئنان ان الفلتر مجبش اخرة ...
وكنت سألته لو عاوز اركب فلتر ifam قالي انه مجربش يعمل الموضوع ده قبل كده بس هو شايف انه مينفعش لان شكل الموتور متغير والفلتر مش حيكون قاعد مكانه صح..
كان عندي مشكلة تعليق في الموتور ( يعني الموتور بيعلق على ار بي ام معين) كشف على العربية وقالي انه حينظف كل المراحل..!!
وكتن في مشكلة في الفرامل انها بتوطى لوحدها وانا دايس علي الدواسة
وفعلاً حل المشكلة دي كمان الحمدلله
المهم كنت عاوز انبه على حاجة مهمة تخلوا بالكوا منها |
" امبارح كان في اطفال معايا في العربية وانتم عارفين الجيل الجديد مبيسبش حاجة غير لما يلعب فيها " انا كنت قافل زرار التحكم في الابواب اللي هو فوق الـ4 زراير بتوع الازاز على امل ان الزرار ده مش حيخلي اللوك بتاع الابواب يتفتحل
وكانت المفاجئة ... طفل من الاطفال فتح اللوك وكان على وشك فتح الباب والعربية ماشية .. انا اتخطيت ازاي اللوك بتاع الباب بيتفتح وانا قافل زرار التحكم في الابواب ... طلع ان الزرار ده بيتحكم في الازاز بس من اللوك كمان
بصراحة انا معرفش باقي العربيات نفس النظام ولا لا.. بس قلت انبهكم علشان تخلوا بالكم
اه الصيانه من غير الزيت والفلتر كلفت 107.75 بالظبت ومدنبش ال25 قرش الباقي ... كده انا مداين عز العرب بربع جنية ودي البداية
بالنسبة لمستوى الخدمة انا شايف ان المهندس محمد صلاح ممتاز وفاهم شغله وعنده ضمير وكمان الاستراحة بتاعت المركز اخيراً خلصت وكنت شايف كل حاجة وهي بتحصل في العربية
معلش طولت عليكم
تقبلوا تحياتي
الحمد لله انك اطمنت يا بشمهندس رفيق على موضوع الصيانه و الزيت ..... كده مافيش مشكله ان شاء الله .
موضوع اللوك ... انتا ممكن تقفل فعلا كل الابواب من زرار اللوك الى عندك .... لكن ده مايمنعش ان لو حد حرك زرار اللوك الى فى الباب بتاعه حيتفتح عادى و يقدر يفتح الباب . و ده فى كل العربيات .
لكن فى حل للموضوع ده .... فى خاصيه فى الابواب الخلفيه زرار صغير موجود فى جمب الباب " المنطقه الى فوق داير العجل " الى بيها الابواب الخلفيه ماتفتحش من جوه تحت اى ظرف من الظروف حتى لو اللوك مفتوح .