يا شباب
دى أول مرة أشارك معاكم فى هذا المنتدى الرائع .
ممكن تنصحونى بشركة تأمين كويسة - من ناحية الخدمة و ليس السعر- عن تجربتكم الشخصية
و لكم جزيل الشكر ;) :lol: :eek:
عرض للطباعة
يا شباب
دى أول مرة أشارك معاكم فى هذا المنتدى الرائع .
ممكن تنصحونى بشركة تأمين كويسة - من ناحية الخدمة و ليس السعر- عن تجربتكم الشخصية
و لكم جزيل الشكر ;) :lol: :eek:
في حدود تجربتي - مصر للتأمين خدمتها ممتازة وإن كانت أسعارها زادت مؤخرا.
الشرق للتأمين لا أنصحك بها على الإطلاق - برضه في حدود تجربتي.
بعض الآراء بتشكر في كونتكت وده مخليني أفكر في تجربتها.
ِشكراً يا أخ هشام
ممكن أعرف إيه هى تجربتك مع مصر للتأمين
كونتاكت بيقولوا عليها هايلة بس أسعارها ناااااااااار
أنا مش عارف أعمل إيه ؟؟؟؟
مصر للتأمين بنتعامل معاهم من عام 2004 في سيارتين وخدمتهم ممتازة، المعاينة بتتم خلال يوم أو اتنين بالكتير وبعد ما يتم الإصلاح وتتوجه ليهم بالفاتورة بيتم استخراج الشيك خلال أسبوع لعشرة أيام على الأكثر. وعادة ما يتم تخفيض سعر القسط عند التجديد السنوي إذا لم تقم بإصلاحات مكلفة خلال العام السابق. وطبعا التعامل كله مع التوكيل - ولكن مع ملحوظة إنه بعد مرور خمس سنوات على تاريخ صنع السيارة لا يكونون ملزمين بالإصلاح في التوكيل وده للفت نظر حضرتك فقط - وهو الجزء الذي لم أتعرض له بعد في التعامل معهم ولا أستطيع الحكم عليه.
بس اللي عرفته منهم إن أسعار الاشتراكات الجديدة غليت عندهم من أول 2007 (للأسف معنديش فكرة عن الأسعار الجديدة) فده محسسني إن الفرق في السعر بينهم وبين كونتاكت مبقاش كبير.
فممكن حضرتك تكلم الشركتين وتشوف الأسعار إيه وتقرر.
وكمان في بعض الإخوة هنا ذكر موضوع التأمين التكافلي والبعض شكر فيه ولكن أنا ما جربتوش فحضرتك ممكن تعمل بحث على موضوع التأمين التكافلي على المنتدي وإن شاء الله توصل لقرار بسرعة.
ما قلنا الكلام قبل كده و معجبش...و شهد شاهد من أهلها
http://www.nilemotors.net/Forum/view...ghlight=#97258
http://www.nilemotors.net/Forum/view...er=asc&start=0
أنا أمنت عند كونتكت ناس 10\10 حقيقة
الإبيزا الجديدة ( أما استلمها) هأمن عند كوناكت
أما اليارس فلل اسف كونتكت مش موافقين على التأمينبفكر في الجمعية الاهلية أو غبور
بالمناسبة أنا قرأت موضوعك يا أستاذ صاوي لسة حالا و هفكر في مصر للتامين
أهم حاجة أبعد عن تأمين السويس دول سمعتهم وحشة جدا
يا شباب ....
مفيش حد تانى يقولى تجربته مع التأمين
جزاكم الله خيراً