طيب ممكن سوال اعرف ازاى ان الزيت دة تخليقى او معدنى
انا واحد نصحنى قالى جرب توتال20 - 50 مش عارف انا كنت بحط موبيل اكس اتش بى
فهل كدة غلط ولااية
فهل اسامح اللى قالى اغير ولا اروح اخبطة بالعربية ؟
ههههههههه
عرض للطباعة
طيب ممكن سوال اعرف ازاى ان الزيت دة تخليقى او معدنى
انا واحد نصحنى قالى جرب توتال20 - 50 مش عارف انا كنت بحط موبيل اكس اتش بى
فهل كدة غلط ولااية
فهل اسامح اللى قالى اغير ولا اروح اخبطة بالعربية ؟
ههههههههه
محدش شكر فى التوتال ده خالص مع إن رينو بتنصح بيه!!
حتى واحد جربه فى الماروتى الماتور إتبرجل منه والعربية جديدة..
الموضوع مش مخاطره ولا حاجه هو امر طبيعى
ومش القضيه ان العربيه مصممه على زيوت معدنيه او تخليقيه
لو افترضنا مثلا ان سياره موديل95 زى مابتقول يعنى بقالها 14سنه
اللى بيحصل وطبيعى جدا ان مكان البساتم بيوسع واجزاء بتتأكل داخل الموتور
من الاحتكاك بس طبعا بنسب ضئيله جدا والزيت يبتدى ينقص والموتور شغال وزى الفل
لكن الميكانيكى لو فاهم بينصحك بتغيير الزيت لمعدنى بدل التخليقى
وده لمصلحة ابقاء الموتور بحاله جيده لاطول مده ممكنه
ولو افترضنا ان موتور قديم جدا وعمل عمره جديده ومظبوطه
ممكن يستعمل زيوت تخليقيه لكام سنه
كمان فى حاجه مهمه جدا
مش معنى انه زيت معدنى يعنى وحش
لكن ده بيكون لمصلحة الموتور اولا واخيرا يعنى لما يبتدى الزيت ينقص
مثلا بعد 2000ك يبقى ينصح بالزيت المعدنى ويغير على 1000 او 2000بالكثير
حسب نوع الزيت المستخدم ودرجة لزوجته
كمان لو حسبتها ماديا هتلاقى اللى بيستخدم معدنى بيصرف اكثر من التخليقى
يعنى مثلا لو غيرنا تخليقى 10000ك ب220جنيه
المعدنى 1000ك ب50جنيه فى 10000ك ب500جنيه
بس نرجع ونقول ان حاجة الموتور هى الفيصل فى الموضوع
وربنا يوفقنا جميعا
انا بستخدم موبيل اكس اتش بى وبغيره كل 3000 او 4000 كيلو وعربيتى بولو 99
الزيت التخليقى اى ان كان ماركته دايما سعره فوق ال200جنيه
اما المعدنى بيبدء من 35جنيه الى 100جنيه بالكثير حسب الماركه
ممكن اللى نصحك بالتغيير يكون على حق
وده يرجع لموديل عربيتك سنة كام وحالة الموتور
اذا كان عدى عليه اكثر من 10 سنوات مثلا عادى
ولو كنت ماستخدمتش المعدنى غير مرتين ثلاثه وعاوز ترجع معدنى عادى
لكن لو كنت استخدمته اكثر من كده يبقى خلاص استمر عليه وماترجعش
لو حالة الموتور كويسة ممكن تستخدم زيت تخليقى عشان أفضل للموتور لأن تقريبا الشركة المصنعة عاملة كل حسابتها على زيت بمواصفات معينة لو غيرت فيها ماتسألش عن حاجات كتير منها إستهلاك البنزين وكمان عندك فلتر البيئة الله أعلم بيستحمل نسبة الزيت المعدنى اللى ممكن تتسرب مع العادم وللا لأ!!!
الواحد زهئ من موضوع الزيت ده لو 3000 مريحك إستمر وخلاص..
سيارتى جزلف 3 مو 92 باستخدم مو بيل 1 و بينزل على حوالى 8000 على الأقل و بأزود باقى الجركن على اجزاء لما بألاقى الزيت ناقص شوية و السيارة كان بيتحط فيها معدنى قبل ما اعمل طقم شنبر و لكن الأن زي الفل فى المشى وفى استهلاك البنزين و صوت الموتور بصراحة هو اريح من سنتين .:F_eyeb1[1]:
كل اللى بيستخدموا موبيل 1 بيقولوا بينقص
طيب يا جماعه هو طبيعى ان الزيت ينقص و لا ده عيب فى الزيت و لا ايه
طيب لو عيب فى موبيل ما بتستخدموش ليه شيل اللى كل 10000 كيلو
هو بحوالى 230 جنيه
أنا عندي رسم بياني من شركة إيكسون موبيل بيوضح تواجد موبيل وسط مصنعي السيارت الأوربية تقدر تقول ملهاش وجود
الزيت رقم واحد في أوروبا هو كالتكس
وبالنسبة لكل الفرنساوي هو توتال وساعات كالتكس بحكم العشرة والبلديات
موبيل 1 دا سيء سيء سيء وصوت العربية بيعلى بعد أول 3000 كيلو وبينقص وبيرشح دا حاجة تقرف
شل مش احسن منه كتير بس نص العمى ولا العمى كله