استفتاء كل الفولكسويه عن زيت الموتور

**chester16583** · 19-09-2009 10:26 PM

أولا السلام عليكم و رحمة الله و بركاته:

كل عام و انتم بخير بمناسبة عيد الفطر المبارك
شباب ايه رايكم نعمل استفتاء عن زيت الموتور كل واحد يكتب نوع سيارته و نوع زيت الموتور اللى بتستخدمه و كام كيلو؟؟ و بارجو من الاداره انها ترفق مع الموضوع الاستفتاء الجاهز عن نوع زيت الموتور المفضل لديك مش عارف هل فيه استفتاء اتعمل قبل كده زى ده و لا لأ ؟؟

و انا هبدأ بنفسى
بولو فوكس 95
موبيل اتش اكس بى
3000 كيلو

**umoussa** · 20-09-2009 06:27 AM

يا سولوم العربيات من سنة 95 محتاجة زيت تخليقي مش زيت معدني

عن نفسي بستخدم:

شل هيلكس ألترا وبغيره كل 5000 - 6000 كم

ومبستعملش موبيل 1 لأنه بيتبخر

على فكرة الزيت الوحيد المعتمد من فولكس هو كاسترول بس ده غالي اللتر بيعمل حوالي 20 يورو

**necromancor** · 20-09-2009 07:38 AM

يعني نغير يا اسامه الزيت ولا ايه انا برضه بحط زيت شيل العلبه الصفرا بيتغير كل 3000 وده معدني بلاش منه ولا ايه
وينفع احط زيت تخليقي علي طوول بعد المعدني

**chester16583** · 20-09-2009 08:26 AM

المشاركة الأصلية كتبت بواسطة umoussa

يا سولوم العربيات من سنة 95 محتاجة زيت تخليقي مش زيت معدني

عن نفسي بستخدم:

شل هيلكس ألترا وبغيره كل 5000 - 6000 كم

ومبستعملش موبيل 1 لأنه بيتبخر

على فكرة الزيت الوحيد المعتمد من فولكس هو كاسترول بس ده غالي اللتر بيعمل حوالي 20 يورو

انا مش عارف يا اسامة الموبيل اتش اكس بى ده تخليقى و لا معدنى بصراحه

طيب و الشيل هيلكس الترا ده الجركن بتاعه لونه ايه ؟ ؟ ؟ و بكام ؟؟
و ايه رايك فى الموبيل اللى كل 10.000 كيلو
الجركن بحوالى 230 جنيه و تخليقى

**ابوهاشم** · 20-09-2009 09:17 AM

السلام عليكم ورحمة الله وبركاته
ازيكم ياشباب الفولكس
كل عام وانتم بخير
انا عربيتى بيتل موديل 65
بستعمل زيت
التعاون (سوبريكس10000) جركن برتقالى
وبغير على 1000ك
وعلى فكره
ماينفعش تغير من زيت معدنى لزيت تخليقى
لان ده فيه مخاطره على الموتور
لكن العكس هو اللى ينفع

**chester16583** · 20-09-2009 02:13 PM

شكرا يا ابو هاشم
يعنى انا لو باستخدم زيت معدنى و انا مش واخد بالى يبقى انكتب عليا استخدمة طول عمر السياره و هى معايا؟

**original** · 20-09-2009 03:12 PM

بولو 98
موبيل 1 وفعلا بيتبخر حوالى نصف لتر فى 10000 بس أنا بزوده لحد ماينزل على 10000
كنت شاريها من واحد بيستعمل زيت معدنى بس طبعا كنت محتاج أحافظ على حالة الموتور وفعلا الموتور بقى أحسن وأنضف من الداخل لأن التخليقى مش بيعمل ترسيبات زى الشحم على أجزاء المحرك الداخلية..
الزيت بيحتاج متابعة..
الزيت التخليقى لو حطيته فى أى وقت بيحافظ فى حالة الموتور أيا كانت حتى لو مفوت بس المشكلة إنه غالى ومحدش طبعا هيزود بزيت تخليقى سعر اللتر 65 جنيه مع إن الزيت التقيل اللى بيتحط والموتور مفوت بيقضى على الجزء السليم فى المحرك..

**umoussa** · 20-09-2009 05:58 PM

الزيت التخليقي اخف من الزيت العادي المعدني

حبيبات "جزيئات" الزيت التخليقي زي الرمل صغيرة ومتساوية الشكل والحجم وبتقلل التأكل لأبعد حد

حبيبات "جزيئات" الزيت المعدني زي الزلط مختلفة الشكل والحجم ولا تحمي المحرك بل بتسرع من تأكل الأجزاء الداخلية

طبعاً كلام محمد منطقي الي بيشتري جركان ب 60 جنيه مش حيجرب يدفع 230

المخاطرة هي عكس كلام الاستاذ هاشم هي تغير من زيت تخليقي لزيت معدني

ممكن التغيير لزيت تخليقي طالما كبس الموتور عالي ومفيش دخنة ومفيش صوت خشانة في الموتور

**ابوهاشم** · 21-09-2009 12:22 AM

استاذ اسامه
اسمحلى اختلف معاك فى الرأى
واختلاف الرأى لايفسد للود قضيه
الموضوع له ابعاد ميكانيكيه مهمه جدا فى الحسبان
عند استخدامك لزيت معدنى الزيت ده بيكون تقيل
واللى بيحصل مع الاحتكاك من تقل الزيت ده
انه بيوسع مكان البساتم وبيكون رواسب كربونيه
مكان فتحة البساتم لتصبح ملائمه لوسع الاحتكاك
طبعا الكلام ده مع تكرار استعماله
المشكله هنا بقى لو غيرنا لزيت تخليقى
لان الزيت التخليقى بطبيعته خفيف
ومش بس كده ده كمان بيغسل الموتور من اى رواسب
كربونيه حوالين البساتم والموتور كله
وبالتالى هيشيل الرواسب الكربونيه الى جمعها الزيت المعدنى
من فتحات دفع البساتم وتبقى واسعه والموتور يفوت
علشان كده بينصح استعمال الزيت التخليقى للمواتير الحديثه
الزيرو او ممكن لمواتير اتعملها عمره جديده بس تكون مظبوطه
اما المواتير القديمه ينصح لها باستخدام زيوت معدنيه
وعلشان كده انا قولت ان ممكن جدا تغير من تخليقى لمعدنى
لكن العكس غلط على الموتور
وكل عام وانتم بخير

**umoussa** · 21-09-2009 09:07 AM

هو مفيش اختلاف خالص في الموضوع أنا مكنتش بتكلم على العربيات القديمة لأن العربيات القديمة وقتها مكنوش لسه اخترعوا الويت التخليقي.

أنا بتكلم على العربيات الجديدة بداية من 95 مثلاً وممكن 93 كمان ودي نازلة بمواصفات زيت تخليقي والي بيحصل إن الزيت المعدني بيعمل الآثار السلبية بتاعة التوسيع ده والي بيخلي الكبس بتاع الموتور يهرب وكمان الموتور بيعمل دخنة.

ودا السبب إن قلت ام المخاطرة عند التغيير من تخليقي لمعدني بس وقعت كلمتين "العربيات الحديثة"

آسف على السهو
وعيد سعيد

الموضوع: استفتاء كل الفولكسويه عن زيت الموتور

LinkBack

أدوات الموضوع

عرض

استفتاء كل الفولكسويه عن زيت الموتور - انشر الموضوع فى :

-

-

-

-

-

-

-

-

-

المواضيع المتشابهه

استفتاء في معدل استهلاك زيت الموتور

الحل السحري لحماية الموتور الجديد و لتجديد الموتور بدون عمره

برجاء تعرييف الفرق بين الموتور الأسود و الموتور الكاربيرتير

الموتور بيطلع دخنه بيضه عايز اغير الموتور

ما سبب تأخير او عدم بدء تشغيل الموتور (دوارة الموتور) صباحا؟

الكلمات الدلالية لهذا الموضوع

المفضلات

المفضلات

ضوابط المشاركة