الموضوع: كنت هموت انا و خمسه اصحابى

السلام عليكم
اول حاجه و قبل كل شئ الحمد لله ربنا نجانا من الموت باعجوبه الحمد لله ربنا كبير يا جماعه

الكلام اللى هحكيه ده حصل من 3 ساعات

طبعا وقفه العيد و كل سنه و انتوا طيبين

المهم

اتقابلت انا و اصحابى

و هما مش اصحابى بس دول اكتر من اخواتى

كان معانا متسوبيشى لانسر بومه 2007

قضينا طبعا اليوم و انبسطنا جامد اوى اوى اوى

جينا بقى مروحين بيوتنا على الساعه 9.00 كده بعد سهره جميله اوى اوى ( سهره محترمه على فكره مكنش فى شرب ولا اى حاجه )

المهم احنا ماشيين فى شارع الهرم كنا على سرعه 80

و طريقنا فاضى و جميل و كله تمام

و حصلت المفاجاه

عربيه فيها شباب بتاخد غرزه من ورانا قام ناتش عربيتنا يعنى خبطها من الجنب و احنا ماشيين على 80 الشباب دول طبعا كانت سهرتهم مش محترمه اكيد

المهم هما خبطونا من هنا و حسيت انى فى فيلم tokyo drift

العربيه معانا عملت خمسات بالهبل و مشيت على عجلتين بس ايوه عجلتين بس و بعد كده نزلت على 4 عجلات قامت خبطه فى عمود نور عمود النور خلاها ردت تانى و كملت خمسات و الزجاج الخلفى بيتكسر يعنى كان فيلم رعب رعب رعب و انت شايف الموت قدامك شوفت الموت قدامى و الله

و فى الاخر لبسنا فى رصيف زى الفل

المهم نزلنا قبل ما نبص على العربيه كل واحد اطمن على صاحبه عشان احنا بنحب بعض اووى بجد بعد ما اطمنا على بعض

بصينا على العربيه و يا ريتنا ما بصينا

العربيه بنبص عليها متدمره من وره بمعنى كلمه متدمره

و كل الزيت اللى فيعا نزل منها و الاربع عجلات مينفعوش تانى و المساعدين و المقصات مبقوش مساعدين ولا مقصات

و الاكصدام ورا جبته من على الجنب التانى للشارع و الازاز اللى ورانا اتكسر كله و العربيه بتخمس

و العربيه تبص عليها من وارا متعرفش انها لانسر اللى انا بكرهها من ساعه ما نزلت
و المفاجاه الاكبر العربيه ايـــــــــــــــــــــــ ـجـــــــــــــــــــــــ ــار

اهل صحبى اللى كان سايق اجروها لمده شهر عشان هما مش قاعدين فى مصر

فى الاخر احب اقووووول !!! و محدش يزعل منى

شكرا يا متسوبيشى على الورق اللى انتى عامله منه العربيه و شكرا على عوامل الامان اللى خارج السياره

زى مانع تزحلق و كده !!!
انا معايا ال octavia a5 2009 والله و الله واخد بيها غرز على 160 و 170 و عمرهاالعجل ما عمل صووووووت انا لحد دلوقتى لسه شامم رائحه العجل و هو بيسيح بس طبعا كله بتاع ربنا و كل حاجه بتاعت ربنا

على العموم من راى الشخصى i hate you mittsubishi

الحــــــــــــــمـــــــ ــــد للـــــــــــــــــــــــ ـــــــــــــــــــــــــ ــه