الي اصحاب كورولا الملكة من 92 الي 97

**mr_sameh** · 16-01-2010 11:42 AM

علشان كده انت بتعاني من قطع الغيار هوا فعلا اكيد قطع الغيار قليله الحل انك تسقط موتور انجكشن لانك هتعاني كتير

**sherof128** · 29-01-2010 08:58 PM

السلام عليكم جميعا دى اول مشاركة ليا معاكم
تصحيح لابد منه
انا ساكن فى المنوفية وعندى كورولا 1992 وقطع الغيار هنا زيها زى الفيات موجودة كتيير للموتور 1300 كاربيراتير
والعربية سحبها معايا زى الفل وتكييف رعد وبنزين 80 وعيش بارخص الاسعار بس كنت عاوز اسال المساعدين اشترى جديد ولا استيراد السيارة دى انا تانى مالك ليها غير كدا عاوز اعلى العربية اعمل ايه ولكم الشكر يا زملائى فى التويوتا

**mr_sameh** · 29-01-2010 09:59 PM

المشاركة الأصلية كتبت بواسطة sherof128

السلام عليكم جميعا دى اول مشاركة ليا معاكم
تصحيح لابد منه
انا ساكن فى المنوفية وعندى كورولا 1992 وقطع الغيار هنا زيها زى الفيات موجودة كتيير للموتور 1300 كاربيراتير
والعربية سحبها معايا زى الفل وتكييف رعد وبنزين 80 وعيش بارخص الاسعار بس كنت عاوز اسال المساعدين اشترى جديد ولا استيراد السيارة دى انا تانى مالك ليها غير كدا عاوز اعلى العربية اعمل ايه ولكم الشكر يا زملائى فى التويوتا

اول حاجه ربنا يحفظهالك
بالنسبة للمساعدين هقولك الاسعار
المساعدين الامامي الاصلي حوالي 1200 جنيه
المساعدين الياباني حوالي 550 جنية
المساعدين الاستيراد حوالي 300 جنية
وانا عن تجربة بغير استيراد من زمان والحمد لله عايشين معايا زي الفل
بالنسبة للتعلية ممكن تركب ليها جلد تعليه من الخلف بس متعلهاش كتير يعني 5 سم كفايه وده علشان العربية الثبات بتعها مايقلش في الجري
والحل التاني انك تركب كاوتش عالي شوية

**Ahmed Galal** · 29-01-2010 10:53 PM

انا عربيتى موديل 93 مكيفة ما فيهاش بور و لا ازاز كهربا 1300 موتور 2e كاربراتير و مانيوال العربية جبتها فى 2008 اللى فاتت بالظبط فى شهر 8 وديتها عند ميكانيكى يعملها صيانة عادية غيرتلها التالى الاسعار حسب ما اتذكر و كله اصلى :
تيل فرامل امامى 270 خلفى 180 فلتر هوا 80فلتر بنزين 40 بوجيهات 40 فلتر زيت 50
سير كاتينة و بلية 300 ديسكات امامى 700 اسطوانة و دسك و بلية 750 طقم مساعدين امامى 1600 بيض عجل امامى 200 بارات دركسيون 250 و ظبطت تاكيهات و بعدها جبت كربراتير من برة 2000 و علبة دركسيون جديدة 2250 طبعا المصاريف جبارة بس انا العربية حاببها جدا و مستعد اصرف عليها تمنها و الحمد لله العربية ديه تستاهل كل مليم تدفعه فيها صحيح حاجتها غالية جدا بالمقارنة بالعربيات اللى فى سنها او حتى بعديها بس الاصلى بتاعها موجود و معمر جدا و عفشتها ممتازة و تكييفها ممتاز و ثابتة لحد 150 على حسب ما جربت وواسعة صالون و شنطة و اذا اى حد احتاج اى معلومات تانية او كتالوجات او اى بيانات عن الجيل ده انا جاهز هيا اسشمها الكودى E100 و نزل منها مكن 1300 1600 1800 و فى اخر عمرها سنة 1997 تويوتا نزلت منها نسخة رياضية TRD و نسخة فخمة G عليها شعارات مذهبة و فى منها اليابانى و الامريكانى و فى منها بكل الكماليات ازاز كهربا و مرايات كهربا و فتحة سقف و ايرباج و كنب بيفتح على الشنطة و كراسى رياضية باختصار العربية ديه فيها كل حاجة

**yaserbasha2000** · 30-01-2010 07:49 AM

ياه يا جدعان انا حاسس اني قاعد في البيت فييييييييييييييييييييين رفقاء الموديل من زمان

انا مكنتش اعرف اي حاجة عن العربيات ودي اول عربية جبتها عجبني شكلها ومحدش عاب فيها خالص و كمان متوفرة عندنا- انا من المحلة - فقلت اكيد هالاقي صنايعية كتير و قطع غيار متوفرة وطبعا اعادة البيع سهل ولكن ماظنش اني هابيع

العربية 1500 سي سي انجكشن مانيوال كاملة

هي حاجات المكنة 1500 - بيسموها هنا المكنة الكبيرة- مش متوفرة اوي يعني سير الكتينة الاصلي وصيت علية محل قطع غيار جابوا من مصر

العربية زي مخرجت من مصنعها جنوط 13 و عفشة بدون تعليه وساعات بيبقي فيه مطبات عمولة بأحك فيها

كل مافكر اني اعلي واغير جنوط زمايلي يقولي اوعي تغير في تصميم العربية علشان مركز الثقل و الاتزان و حاول تسايس العربية في المطباط انتوا اية رايكوا ؟

**yaserbasha2000** · 30-01-2010 07:53 AM

المشاركة الأصلية كتبت بواسطة agmgranturismo2006

و اذا اى حد احتاج اى معلومات تانية او كتالوجات او اى بيانات عن الجيل ده انا جاهز هيا اسشمها الكودى E100 و نزل منها مكن 1300 1600 1800 و فى اخر عمرها سنة 1997

باشا والله باشا
ياريت owner Manual بتاع العربية دي علشان انا دورت عليه كتير
هي Corolla se-limited 1500 CC MT

**yaserbasha2000** · 30-01-2010 08:11 AM

انا مركب سير كاتينة يا تري بيقعد كام كيلو ؟
اية افضل زيت ماتور؟ انا حاليا باستخدم mobile XHP
قريت الموضوع ده عن زيت الفتيس وقلت اسأل انتوا بتسخدموا زيت فتيس 90 ولا مش فارقة؟
http://www.nilemotors.net/Nile/115073-a.html

**Ahmed Galal** · 30-01-2010 11:45 AM

عندى و حجمه 19 ميجا ابعته لك ازاى؟

**Ahmed Galal** · 30-01-2010 11:46 AM

سير الكاتينة بيقعد حوالى 40 الف كيلو و ما تزودش عنهم هوا ممكن يطول عن كده بس ده امان و الموبيل كويس جدا انا مجربه و شغل تمام و مريح المكنة

**yaserbasha2000** · 30-01-2010 04:23 PM

المشاركة الأصلية كتبت بواسطة agmgranturismo2006

عندى و حجمه 19 ميجا ابعته لك ازاى؟

يا ريت ترفعه علي رابيدشير وتكتب اللينك لتعم الفائدة

والف شكر لمجهودك

الموضوع: الي اصحاب كورولا الملكة من 92 الي 97

LinkBack

أدوات الموضوع

عرض

-

-

-

-

-

-

المواضيع المتشابهه

مطلوب كورولا الملكة

مطلوب كورولا الملكة

تابلوه كورولا الملكة

فيكترا 99 و لا استرا و لا كورولا الملكة

الكلمات الدلالية لهذا الموضوع

المفضلات

المفضلات

ضوابط المشاركة