الموضوع: صناعه السيارات فى مصر. تانى وتالت ورابع وعاشر

يا جماعه اللى هيدخل فى مشروع زى مش واحد نصاب عمال يسرق فى الشعب بمشاريعه وعمال يقلب فينا لان ده ببساطه عايز يخطف ويجرى
اللى ممكن يشارك واحد من كبار رجال الاعمال اللى بيحبوا البلد وعاملين مشاريع نافعه البلد مستشفيات مدارس جامعات خاصه
وغيرها وبعدين قلنا مالك المصنع مش بيبقى واحد بس طب ماقطر مشاركه فى بورش والامارات برضه مشاركه مش فاكر فى ايه
شوفوا سوريا مصنع سيامكو الجديد بتاعها شوفوا كام شريك فيه
وزاره الصناعه 35% من المشروع
شركه السلطان التجاريه 25% من المشروع
شركه ايران خودرو 40% من المشروع
غير اسهم رجال الاعمال
ياريت بلاش احبااااط عايزين نصحى شويه من الجو ده

مجرد ملحوظة على موضوع سوريا وليبيا والامارات

سوريا بتدعى انها بتصنع سيارة اسمها شام، هذة السيارة هى ببساطة السيارة سمند الايرانية يتم تصدير اجزائها بالكامل الى سوريا حيث يتم تجميعها هناك والشعب السورى اساسا مش مقبل عليها لمشاكل تقفيلها واستهلاكها العالى للبنزين، يعنى ببساطة سوريا النهاردة بتعمل اللى احنا كنا بنعمله سنة 1960
اما بالنسبة لليبيا فاذا كنت تسمى الاضحوكة المسماة صاروخ الجماهيرية التى صنعت منها بعض النسخ الاختبارية على سبيل الدعاية لنظام القذافى، اذا كنت ستسمى هذة صناعة سيارات فاعتقد اننا فى هذة الحالة فى مصر نبقى بالمقارنة بنصنع سفن فضاء
اما الامارات فبعض رجال العمال هناك جابو عربية صينى وبيجمعوها وهو ما لا يختلف عما يحدث فى اى واحد من مصانع تجميع السيارات فى مصر

اعتقد اننا لما نحلم مجتاجين اننا نختار حلم صح، مثل تركيا او ايران او ماليزيا لأن دول اللى فعلا سابقيننا بعدة خطوات فى هذا المجال، واكرر انها عدة خطوات لا اكثر، حيث ان كل منهم كان فى مرحلتنا الحالية منذ عشرة سنوات مثلا، لكن هم خدو الحظوة التالية وهى قيام شركات وطنية بشراء موديلات قديمة من تلك التى كانوا ينتجونها بالفعل، حطوا اسماء وطنية عليها ثم طوروها الى موديلات خاصة بهم، كما انهم استطاعوا التغلب على المعوقات الادارية والضريبية ومن ثم التصدير، وده اللى احنا محتاجينه، اهم من اننا نحط اسمنا على عربية مصرية، اننا نقدر نصدر عربية مصنعة فى مصر حتى انشاللا يا رب يكون اسمها ديفيد بن جوريون، يعنى تركيا لحد النهاردة معندهاش عربية بتاعتها وحتى شكة توفاش التى كانت تصنع الشاهين انتهت الى تصنيع موديلات فيات الجديدة، لكن مع كدة تركيا مغرقة ربع دول العالم عربيات فيات ورينو وهوندا وهيونداى وفورد وماركات تانية

المشاركة الأصلية كتبت بواسطة a_taamer

مرة سمعت عادل حمود بيقول كلمتينى خلانى اقتنعت ان فى عيب كبير فى مصر
الراجل قال:
هو انا لو معايا 50 مليون جنية او دولار هروح اعمل بيهم مصنع
عشان يجى موظف صغير يقولى المصنع غير مطابق للمواصفات عشان فى نمل ودبان
ويقوم مشمع المصنع ولا واحد مسئول يقرفنى فى الشغل وادخل فى صراعات

المذيعة :طيب تعمل اية

اشترى حطة ارض وانام جنبها سنتين تلاتة من غير وجع دماغ وبعد كدة ابعها وسلمى على المصنع
المكسب هيكون اكتر من المصنع بكتيييييييييييييييييييير ولا وجع دماغ وارف



بس انا ليا راى فى موضوع تصنبع السيارت
ان مصر تفكر انها تصنع سيارة شى مش مستحيل بس صعب جدا وممكن نخسر فيه كتير وكتير جدا
لكن فكرة انك تصنع المتصنع هو دة احسن حاليا وممكن يجذب رؤس اموال بتبحث عن الربح
ايه هو بقى تصنيع المتصنع
ابعد عن البحث العلمى والافكار الجيدة الى بتحتاج وقت طويلللللللللللللل ومجهود لن يصبر عليها راس المال

لكن دور على الى خلاص خلص واتصنع
يعنى بالعربى كدة شوف اجزاء السيارة مكون من مئات من الاجزاء شوف مصر ليها ميزة نسبيه فى اية
واشتغل علية ومش لازم يكون فى مصانع كبيرة
ممكن فى ورش كبيرة محترمة فاهمة بتعمل اية
مثال على ذلك
امسك مثلا الزجاج
بفرض ان مصر ليها ميزة فى الزجاج
1- رخيص فى مصر
2- كثرة العماله فيه
3- لها خبرات كتيرة فى العمل به
وهكذة دى تبقى ميزة فى مصر

خلاص اتفقنا على الزجاج
الحكومة والافراد واصحاب الورش الى ممكن يكونا انا وانت وغيرنا (مش لازم يكون احمد عز يعنى)
توضع خطة يتم بها عمل دراسات جدوى وابحاث تسويق وليس انتاج
للسيطرة على صناعة الزجاج فى السيارت بنسبة معينة
يعنى لو مصانع السيارت بتسهلك مثلا 100 مليون جنيه فى الزجاج على مستوى العالم (دة رقم اهبل طبعا)
انتى حصتك هتكون كام من الصناعهعلى مستوى العالم لمدة خمس سنوات
10 % مثلا ول 20%
خطط طموحة وقوية بعد ذلك لرفع هذة النسب
بعد كدة استفيد من خبرة الزجاج وطور نفسك فى حاجات تانية
ادخل على الفوانيس ادخل على الاطارات

بس لازم يكون لك ميزة نسبيه فى التصنيع عشان تعرف تصدر
وتتغلب على الصين وامثلها

بعد كدة صدقنى هتكتشف ان تصنيع اليارت مش شى عبقرى
دة هيجى لوحدة شكر

طارق عامر

احييك فعلا والراجل اللى اتكلمت عليه ده كل همه انه يجمع الملايين وخلاص مش مهم ازاى ولا منين ولايهمه نفع البلد واللى فيها وفى غيره كتير يهمهم النقطه دى
بالنسبه لموضوع تصنيع المصنع او التجميع ده ممكن يبقى مشروع اولى للتدريب واكتساب الخبره وتوفير رأس المال المطلوب مع انه موجود بالفعل لكن فكره كويسه برضه

المشاركة الأصلية كتبت بواسطة evoo90

كويس قوى قوى ادى اول فكره شركه النصر للسيارات موجوده ومجهزه بخطوط انتاج كامله وحديثه
دلوقتى نفكر مين ممكن يشترى المصنع ده مش ناقص غير المخ ورأس المال اللى طبعا هيقل عن 60 مليون دولار بكتير مع وجود المصنع جاهز مجرد شويه تعديلات وتحسينات وشويه اضافات على المصنع وكله يبقى تمام

أنا أشتريها ... بس يدونى 100 مليون أظبط بيهم ...

أيوة كل حاجة جاهزة ... بس مين بقى يبدأ؟؟

المشكلة رجال الأعمال يفضلوا يلموا و يحوشوا شواء بالطرق المشروعة أو غير المشروعة لحد ما يموتوا ... و مقتنعين بكده و فى الأخر محدش يستفيد بالأرصدة فى البنوك ...

هل يا ترى فى حد عايز يعمل لأخرته و لوطنه حاجة؟؟!!

مش المهم هنقلد ولا نطور
المهم نعمل حاجه
نفسى ارجع اشوف تانى كلمة(صنع فى مصر)
انا نسيت الكلمه دى خلاص