ارجو المساعده في البحث عن كورولا 2009 مانوال ادفانسد

**desuki** · 21-09-2009 05:05 AM

انا بقالي اسبوع واكتر وانا دايخ على تويوتا كورولا مانوال ادفانسد 2009 زي بتاعت الاستاذ : كريم هشام وسألت في التوكيل وعند بعض الموزعين المعتمدين وقالولي مس موجوده وسألت الاستاذ كريم قالي هاتدور كتير وليه انا دايخ لغيت لما روحت تويوتا مصر للتجاره في شارع الهرم وسالت مسئول المبيعات هناك قالي ان هو له حصه في اي شحنة عربيات وقالي بعد العيد هاشوف لو موجوده ولا لا وانا مستني وبدعي ربنا ومحتاج مساعدتكم لو اي حد يعرف من فين اجبها او ممكن القيها فين او مين ممكن يجيبهالي .
السؤال اللي في بال بعضكم ليه مانوال ادفانسد ؟ مافي اوتوماتيك ادفانسد ؟ وفي مانوال ادفانسد 2010 ؟
الجواب ان والدي معجب جدا بالادفانسد والاوبشنز اللي فيها وهو بيحب المانوال و2009 سعرها حلو جدا بالنسبه لامكانيات بتاعتها والبروفشنال فرق السما والارض وانا ماسادأت انو وافق.
فلو سمحت لو اي حد يقدر يساعدني في الموضوع ده اكون شاكر له جدا
وكل سنه وانتو طيبين وعيد سعيد

**محمد محمد** · 21-09-2009 06:06 AM

المشاركة الأصلية كتبت بواسطة desuki

انا بقالي اسبوع واكتر وانا دايخ على تويوتا كورولا مانوال ادفانسد 2009 زي بتاعت الاستاذ : كريم هشام وسألت في التوكيل وعند بعض الموزعين المعتمدين وقالولي مس موجوده وسألت الاستاذ كريم قالي هاتدور كتير وليه انا دايخ لغيت لما روحت تويوتا مصر للتجاره في شارع الهرم وسالت مسئول المبيعات هناك قالي ان هو له حصه في اي شحنة عربيات وقالي بعد العيد هاشوف لو موجوده ولا لا وانا مستني وبدعي ربنا ومحتاج مساعدتكم لو اي حد يعرف من فين اجبها او ممكن القيها فين او مين ممكن يجيبهالي .
السؤال اللي في بال بعضكم ليه مانوال ادفانسد ؟ مافي اوتوماتيك ادفانسد ؟ وفي مانوال ادفانسد 2010 ؟
الجواب ان والدي معجب جدا بالادفانسد والاوبشنز اللي فيها وهو بيحب المانوال و2009 سعرها حلو جدا بالنسبه لامكانيات بتاعتها والبروفشنال فرق السما والارض وانا ماسادأت انو وافق.
فلو سمحت لو اي حد يقدر يساعدني في الموضوع ده اكون شاكر له جدا
وكل سنه وانتو طيبين وعيد سعيد

طب ما بدال هو بيحب المانيوال خليه يعمل تست درايف للmmt وفيه منها 2009ويحطها كبديل للمانيوال 2009 لغاية منلاقي مانيوال 2009 وانا ان شاء الله هاسألك في تويوتا العبور علي المانيوال2009 بعد العيد ان شاء الله.

**desuki** · 21-09-2009 07:12 AM

شكرا لرد حضرتك يا ابو وليد
المشكله انو عايزه المانوال دي بالسعر ده مش عايز اكتر من كده. :d
شكرا تاني لحضرتك وكل سنه وانت طيب

**feras_elngar** · 21-09-2009 02:02 PM

اختيار ممتاز وربنا يوفقك وتلاقيها و اسمعها كلمة منى ( مجرب ) المانيول تفرق كتير جدا عن ال mmt
سيبك من اللى يقول انها زى بعض

انا بتخنق من ال mmt

**محمد محمد** · 21-09-2009 03:46 PM

المشاركة الأصلية كتبت بواسطة feras_elngar

اختيار ممتاز وربنا يوفقك وتلاقيها و اسمعها كلمة منى ( مجرب ) المانيول تفرق كتير جدا عن ال mmt
سيبك من اللى يقول انها زى بعض

انا بتخنق من ال mmt

طب ممكن اعرف يفرق في ايه وتعمل مقارنة لأني مجربتش المانيوال ومسوقتش مانيوال خالص في حياتي.

**feras_elngar** · 22-09-2009 07:08 AM

المشاركة الأصلية كتبت بواسطة ابو الوليد المصرى

طب ممكن اعرف يفرق في ايه وتعمل مقارنة لأني مجربتش المانيوال ومسوقتش مانيوال خالص في حياتي.

لازم تجرب مانيوال عشان تعرف الفرق
الفرق اللى هو انك اللى بتتحكم فى النقلة بمزاجك وتحرق على النقلة لو عايز

وبعدين الفتيس ال mmt دلوقتى صوت النقلة بتاعته بقت عالية جدا بسمعها جوه العربية وصوتها بره عالى
وانا طالع من الثبات للاول تحس واكنك راكب عربية مانوال ورفعت رجلك من على الدبرياش مرة واحدة تلاقى العربية بتتهز هزة غبية

الكلام ده مش هتحسه قوى لو انك بتمشى على طرق سريعة .... انا بمشى فى اماكن مزروعة مطبات
غير كده العربية كويسه فى كل حاجة

**faroukahafeez** · 22-09-2009 12:31 PM

المشاركة الأصلية كتبت بواسطة feras_elngar

لازم تجرب مانيوال عشان تعرف الفرق
الفرق اللى هو انك اللى بتتحكم فى النقلة بمزاجك وتحرق على النقلة لو عايز

طب ما انت ممكن تعمل كل ده بالــ mmt على اى طريقة سواقة e, es, m من الشيفتات + أو -

انا بسوق مانيوال عادى ومش حاسس باى فرق اذا سوقت MMT على M غير انه أسهل طبعاً علشان بتغير النقلات من + أو - بدل الدبرياج
حتى صوت الموتور قريب من بعض

**desuki** · 24-09-2009 04:35 AM

مافيش جديد يا ابو وليد انا لسه برده بدور

**محمد محمد** · 24-09-2009 06:06 AM

المشاركة الأصلية كتبت بواسطة desuki

مافيش جديد يا ابو وليد انا لسه برده بدور

والله انا رحت النهاردة الصبح لقيتهم واخدين اجازة وهيرجعوا يوم السبت.

**desuki** · 25-09-2009 05:16 AM

شكرا يا ابو وليد وخلاص ماتيتعبش نفسك مافيش انا سالت ولفيت النهارده لغيت ما تعبت انا شكلي هاستقر على البروفيشنال.

شكرا تاني على تعب حضرتك

الموضوع: ارجو المساعده في البحث عن كورولا 2009 مانوال ادفانسد

LinkBack

أدوات الموضوع

عرض

-

-

-

-

المواضيع المتشابهه

استفسار من خبراء كورولا فقط .. كورولا 2008 ام ام تي ادفانسد

كم تسوى تويوتا كورولا 2009 مانوال فل اوبشن

استلام كورولا mmt ادفانسد

الفرق بين تويوتا كورولا ادفانسد و بروفيشنال بالتفصيلذ؟

ارجو المساعده فى تسعيير كيا سيراتو مانوال 2008 عامله 10.000 كلم فابريكة بره وجوه.

الكلمات الدلالية لهذا الموضوع

المفضلات

المفضلات

ضوابط المشاركة