بس هى يابانى يبقى اكيد قطع الغيار غالية و عادتا العربيات دى بتبقى عالية عن الارض و بالتالى الثبات مش قد كدة مقارنة بالسيارات الملاكى
MMamdouh
عرض للطباعة
بس هى يابانى يبقى اكيد قطع الغيار غالية و عادتا العربيات دى بتبقى عالية عن الارض و بالتالى الثبات مش قد كدة مقارنة بالسيارات الملاكى
MMamdouh
هو العربيات ال 4*4 مش كلها زي بعض يعني الفيتارا و التريوس عربيات ناعمه و مريحه, عفشتها طرية و خفيفة و مواتيرها صغيرة مش حريقة بنزين و كويسة قوي جوة البلد, و زي ما الاستاذ محمد ممدوح قاللك مش بتاعه رمل و جبل, بس مش بتستهلك بنزين و مش ناشفة في قعدتها, بس برضة مش واسعه من جوة
عربيات زي الشيروكي مثلا, متينة و قوية كصاج و شاسية و و موتور قوي 6 سلندر 4000 او 3700 سي سي و منها 4 سلندر 2500 سي سي, بتاكل بنزين قوي بس تنفع في الرمل و الجبل و عربية متينة و مايتخافش عليها عالطريق, بس ثباتها زفت في المبلفات عالسرعات العالية, ملف جامد على 90 يجيبها على جنبها بسهولة, بس خللي بالك عفشتها ناشفة قوي و غير مريحة في الجلوس بتاتا و بالذات في السفر , و الشيروكيي القديم تكييفه وحش قوي
فية عربيات مسكت العصاية من النص زي الفرونتيرا و الباجيرو و اللاند كروزر
العربيات دي بقى متينة قوي و مواتيرها قوية و شاسيهاتها زي القطر, و استهلاك البنزين فيها عالي بس اقل من السيروكي و الجراند, بس ناعمه و مريحه جدا و تسافر فيها مرتاح قوي لأن عفشتها طرية و ناعمه قوي, و الثبات فيها احسن من الشيروكيي بكتير كمان
بس العربيات القوية من ال 4*4 بتبقى مواتيرها فعلا تخليها تشد جامد, انا مجرب مع اوبل استرا و كوروللا و عربيات مختلفة و فرق قوة و تسارع العربية اعلى بكتير و عن تجربة
رساله الى كريم منير الاخ صاحب الموضوع ده مشترك بعضويتين المشاركه الاولى له باسم electroman و المشاركه الخامسه فى الموضوع لنفس العضو و لكن باسم Abu Aly و اعتقد ان ده مخالف للشروط
ولكم جزيل الشكر
:twisted: :twisted: :twisted:كود:لو عايز عربيه للبهدله اعتقد اللادا و البيجو الـ 405 اللي معاك تقوم بالواجب و ملهاش لازمه الماتريكس
و الله يا حضرة مش عارف ارد عليك اقول ؟ عيب و الله .. و عرفت منين سيادتك ؟ و لو قريت مداخلتى اعلاه ستفهم الحكاية من غير ما تعمل شرلوك هولمز و تدى ذنب ..اقتباس:
رساله الى كريم منير الاخ صاحب الموضوع ده مشترك بعضويتين المشاركه الاولى له باسم electroman و المشاركه الخامسه فى الموضوع لنفس العضو و لكن باسم Abu Aly و اعتقد ان ده مخالف للشروط
ولكم جزيل الشكر
و انا لو عملت زيك ممكن استغرب ان سيادتك بتعرف نفسك بأسم Eng/Muhamad .. تقصد سيادتك
Eng.Mohamed ؟ و بتعرف نفسك بأنك بمهندس و انت نفسك يتقول سنك 18 سنه ؟؟!!! .. و لا حتى اينشتين
ممكن ياخد بكالوريوس الهندسة فى سن حضرتك :mrgreen: :mrgreen: :mrgreen: ..
ارفض التعليق
والله كلنا شايفين ان حضرتك كتبت الموضوع بأسم و بعدين رديت شكرت عالتعليقات بأسم تاني, زي مانت شايفاقتباس:
المشاركة الأصلية كتبت بواسطة electroman
و التانياقتباس:
electroman ارسل: الاثنين 5 نوفمبر 2007 20:38 موضوع الرسالة: 4X4
سلام لشباب احلى منتدى .. انا عضو جديد بعد ماسمعت عنه و عملت عضوية النهارده ..
ياريت حد من الخبرا يقوللنا ايه باظبط الفرق بين العربيات العادية و العربيات 4x4 و مميزات و عيوب
الدفع الرباعى و هل هى مناسبة للسواقة جوه البلد و الا مناسبة للسفر فقط ؟ و هل استهلاك البنزين جامد و الا عادى ؟ ..
اقتباس:
Abu Aly ارسل: الاثنين 5 نوفمبر 2007 21:59 موضوع الرسالة:
شكرا يا جماعة .. انا المهم عندى اولا عاوز عربيه عالية شوية مش لازم ضرورى 4 فى 4 ..و كمان معظم استخدامى
جوه البلد ..سئوالى كان عشان عرفت ان التريوس عاليه و كمان 4 فى 4 و معنديش فكرة بصراحة عن عربيات الدفع
الرباعى .. يعنى لو كانت ليها ميزة كبيرة يبقى افضل تكون عاليه و 4 4 فى نفس الوقت و شكر لكل الردود ..
وكان يكون أكرم انك تقول انك مسجل بأسمين و ماتعرفش انة ممنوع الواحد يبقالة كذا اسم في المنتدى, و دي مش حاجة عيب, و على فكرة انا كمان ماكنتش اعرف انة ممنوع التسجيل في المنتدى بأكثر من أسم, بس انا ماعنديش الا أسم واحد, بدل ماتهاجم الراجل و تقول مهندس و مش وهندس و عندة كام سنة, مافيش قاعده في المنتدى بتقول ان طالب كلية الهندسة مايسميش نفسة مهندس او ان عضو المنتدى لازم يكتب سنة الحقيقي
و أخيرا الموضوع بسيط يا جماعه و مش محتاج لكدة
في الآخر دة منتدى و كلنا بنخش هنا علشان معلومات تفيدنا و استشارات و نقضي و قت كويس و بس, و مش مجال للعراك و الزعل
1000+اقتباس:
المشاركة الأصلية كتبت بواسطة Adham
MMamdouh
الاستاذين ادهم و ممدوح ..
انا اسمى محمود يسرى و ابو على يبقى جوز اختى و احنا ساكنين فى نفس العمارة شقتين فوق بعض و عيلة واحدة و انا عندهم و هما عندى كل يوم وانا سمعت عن المنتدى منه و هو كان عندى و جلس على الكمبيوتر بتاعى يورينى ال site و لقيت فيه
موضوعات مفيدة و قررت عمل عضوية فيه رغم ان رأيه سلبى جدا فى حاجات موجوده فى المنتدى .. رغم ذلك ورانى
ازاى اعمل عضوية و اللى حصل انه كان عندى وفتح ال account بتاعه و بعد شويه فتحت انا برضه ال site
بعد ما جه e-mail لى على صندوق بريدى الخاص على هوت ميل يخبرنى بوجود رد لى على الموضوع اللى
فتحته .. عملت click فأنفتحت نافذه تانية للمنتدى و انا عادة بيبقى عندى 4 او 5 Windows طول الوقت مفتوحه و
اللى حصل انى لما جيت ارد على رسالة الاخ 628فهد لم انتبه انى استعملت الويندو بتاعة ابو على قبل ما يمشى ..
و عليه جاء الرد بأسمه و ليس بأسمى ... اظن واضح سبب اللبس .
فوجئت بعد ذلك برسالة الاخ محمود الغريبة و المستفزه .. واحد عاوز يضرب زومبه فى زميل ليه بلا سبب و لموضوع لا
يستاهل ذلك بصرف النظر عن انه من غير الممكن اثبات ذلك .. و كان ممكن حتى يبعت رسالة خاصة للاخ منير بدل من استفزازى بهذا الشكل العلنى .. و انا تعمدت اقوله عيب و تعمدت ابين ليه انهى جايب سيرة الناس و هو بيزور فى بياناته الخاصة و انه بيدعى انه مهندس مع ان سنه يوضح استحالة ذلك .. تعمدت ذلك كى يفهم ان بيته من قزاز و ان اللى عاوز يغلس
على الناس ممكن الناس تغلس عليه و انا لم اكن لاكتب عن حكاية الهندسة ديه لولا انه بدأ ذلك .. يعنى انا لم اكن البادئ بالاستفزاز و جر الشكل كده من الباب للطاق و لواحد انا فى سن ابوه و انا مندهش للعدوانية اللى بقت عند الناس الايام ...
انا فعلا مصدوم و انا لسه عضو جديد اكتشف ان فيه نفوس وحشه بالشكل ده و تأكدت دلوقتى ان ابو على كان عنده حق يبطل
يشارك فى المنتدى ..
على ايه ده كله ؟؟ يا ساده يا كرام يظهر افضل ان الواحد يقف على كده و تمنياتى بالتوفيق ..
اما حكاية ان طالب الهندسة يقدر يكتب عن نفسه مهندس .. فأسمحوا لى ! .. حتى لو كان ناس كتير بتعمل كده فهو خطأ
لا يجوز قبوله .. ثم ان قيمة الانسان بما يقوله او يفعله و ليس بالالقاب التى يمنحها لنفسه .. ممكن حد ينادي لاخر يا دكتور او يا باشمهندس لكن لا يصح ان يقول انسان على نفسه كده .. و جايز تجاوزا ان الطالب فى نهائى طب او هندسه يقول كده
بعد ان حصل جزء كبير من العلم و المعرفة انما لما الواحد يكون لسه كتكوت ( 18 سنه ده لسه سن ثانوية عامة او سنه اولى
هندسه يعنى بدءالدراسة من شهرين بس !! ) .. و من مشاكل هذا البلد حكاية الالقاب اللى مالهاش مثيل فى العالم ! .. اى واحد لابس افندى بقى دكتور .. و اى سباك ممكن يبقى مهندس و اى صول فى المرور يبقى باشا ..!! فوضى القاب .. و فوضى مرور و فوضى فى الاخلاق و فى المستشفيات و المكاتب و عيشتنا كلها فوضى فى فوضى .. يارب ارحمنا .
اهدو شويه يا جماعه فى سوء فهم