الموضوع: شارك برأيك: المغالاة فى المهور وارتفاع تكاليف الزواج

الموضوع باختصار مادام بعدنا عن الدين واختيار الانسب والاصلح وبقت المادة هى المحرك الساسى لنا فلاتنتظر غير المشاكل
انت بترتبط بعيلة يعنى البنت واهلها .. معظم الناس بتركز على طرف من الاتنين وتهمل التانى
فى بنات كويسين جدا وللأسف الاهل عكس كدة تماما والنتيجة مشاكل بسبب الاهل ولو العكس الاهل كويسين والبنت لأ فانا عايش مع البنت مش مع الاهل صحيح هيعقلوها لو غلطت فى حاجة بس هيبقى فى مشاكل بردة والكثير من طرق العلاج ممكن متجيبش نتيجة دلوقتى


بالنسبة للموضوع الاساسى المغالاة فى المهور والتكاليف

اولا موضوع المهور والحاجات دي في جملة بتتقال ديما ان قيمتها من قيمة العريس
الكلمة دي سليمة 100%
مشم عناها اللي بيدفع الف قيمته الف ولكن المقصود... ان اللي يقدر يدفع حاجة وميدفعهاش يبقي فعلا انسان مش كويس

للأسف بنات كتير هيتفقوا على الكلمة دى لأن سواء البنات او الولاد كل واحد بيشجع اللى فى صفة بس كل واحد شايف انة هو صح والتانى هو اللى غلط انما مفيش حد بيحس بالطرف التانى ويفكر فية.
هل تقبلى ان جوزك او شريك حياتك تساوية بالفلوس؟؟ هيسوى عندك كام؟؟ يعنى لو واحدة ادتك الفلوس اللى دفعهالك تقبلى تاخدة منك؟؟
فى حاجات كتير غير المهر والشبكة والتجهيز ,مش لازم علشان يتجوز انة يطلع على الحديدة , هتعيشوا ازاى بعد كدة؟؟
ابسط حاجة الفلوس اللى معاة دى بتاعت مين فى الاخر مش انتو الاتنين؟؟
هو لية الناس فى فترة التجهيز بيتعاملو كأنهم مش هيشوفوا بعض تانى وكل واحد عايز ياخد من التانى اللى يقدر علية؟؟
الزوج والزوجة المفروض اصبحوا كيان واحد , شخص واحد مفيش حد يقول انا ولا انت لأن فى الاخر المصلحة مشتركة وحياتهم واحدة

واحدة قريبتي صغيرة جدا فلسن اصغر مني كمان ولما اختارت شخص كانت امكانياته مش ولا بد
مع ان هي مستواها افضل منه بكتير
بس لما سألوا عليه وعلي اهله وشكروا فيه
اهلها شالوا الشيلة زي مبيقولوا واشتروا راجل
والنتيجة
طلاقهم هيكون الاسبوع دا ومع انهم مخلفين ولد

اللى الاهل عملوة عين العقل لأنهم كانو بيشتروا راجل لبنتهم ولا يعيبة ان ظروفة مش اد كدة محدش بيختار ظروفة والغنى النهاردة مش بالضرورة يبقى غنى بكرة ولا فقير النهاردة بالضرورة يفضل فقير , بس مش معنى ان التجربة فشلت ايا كان السبب (الولد , البنت , الاهل) ان اللى عملوة الاهل غلط وان المفروض كان طلعوا عينة علشان يعرف قيمة النعمة اللى فى ايدة لأن ايا كانت التجربة واحداثها فى الاخر لا يصح الا الصحيح

طبعا المغالاة فى الطلبات من ناحية اهل العروسة شىء سىء جدا وتعجيزى بس بصراحة انا اللى لاحظته (احصائيا )من اللى حوليا مع انى مقتنعة بخطاوه ان البنت اللى بتبالغ فى طلباتها وتعيش العريس انها موش ممكن تقبل بيه الا لو جاب وجاب عشان ست الحسن والجمال توافق هى دى اللى بتتجوز جوازة كويسة بجد وعلى فكرة الاحصائية دى انا مكوناها من العرسان قرايبى ىوبشوف تعامل كل واحد اتجوز منهم بيعامل مراته ازاى بعد الجواز من غير زعل اللى خد على دماغه قبل الجواز شايلها فى عينيه واللى اهلها كانو احسن منه ومن اهله (ملاحظة اهله دول عائلتى الكريمة هههههه) وتعملو معاه بمبدا احنا بنشترى راجل خدت على دماغها بعد الجواز

هل تقبلى تبقى جزء من صفقة؟؟ -طبعا انا اسف مقصدش المعنى الحرفى- بس هل تقبلى انتى او بنتك او اختك تبقو حاجة ليها تمن بمعنى انة علشان يوصل لازم يدفع كذا؟؟
هل تقبلى ان حياتك تبقى عبارة عن معاملات تجارية والمادة تحكم كل شئ فبها؟؟
هل تقبلى انك تعيشى مع راجل مش طايقاة علشان الفلوس؟؟ نفس الكلام للراجل مش هيقبل يعيش مع واحدة مش طايقها ايا كانت الفلوس اللى ماسكاها علية زلة !!! وممكن يوصل الست انها تكرة اليوم اللى اتجوزت فية واللى شافتة فية ومن غير طلاق علشان ميدفعش .. هل دى تبقى حياة لما كل واحد واقف متحفز للتانى؟؟!!!


ياريت اهل البنات اللى مبيصدقوا يجيلهم عريس لبنتهم ويجروا يكتبوا لستة الطلبات ولازم يدفع ويطلع عين اهلة علشان يعرف قيمة النعمة اللى هياخدها (كأنها جايبة واحد من الشارع مثلا .. كرامتة من كرامة بنتهم لأنهم اختاروة زوج لها وهتشيل اسمة وتعيش معاة طول حياتها) يفتكرو لما يجو يخطبوا لأبنهم هيبقى اية موقفهم هل هيقبلوا التصرفات دى ولا لأ .. الحياة كما تدين تدان!!


هل اى حد يقبل ان بنتة او اختة تبقى سلعة ليها تمن معروضة للبيع للى يدفع اكتر؟؟!! هل الفلوس او شوية العفش والكراكيب هى دى مصدر سعادتنا والحاجات دى اللى هتأمن سعادة بنتهم وانها تعيش عيشة هادية؟؟!!!
كل واحد يحط نفسة مكان الطرف التانى ويفكر هيقبل التصرفات دى ولا لأ .. لو كل واحد فكر كدة مش هيبقى فية مشاكل.
الفلوس والفرش و ......... كل دى حاجات بنشتريها ونرميها ونغيرها ونشترى غيرها فبلاش نخلى الحاجات دى هى مصدر سعادتنا او تعاستنا وتبقى دى هى المتحكم فى حياتنا لأن الحاجات دى كلها بتروح وتيجى انما اللى باقى واللى بيشترى الحاجات دى وغيرها هو الانسان