السلام عليكم ورحمة الله وبركاته،،،
أنا فكرت في الموضوع ده كتير قبل كده ووصلت لنتائج كتير
أول حاجه يا جماعه لازم ناخد بالنا إن مش بس البنت وأهلها هم اللي بيغالوا
برضه الولد بيغالي في طلباته وأنا هنا مش قصدي الطلبات المادية بس.
يعني مثلاً ييجي الولد يقول لأهله أنا لقيت واحده كويسه وبنت ناس، أهله يسألوه ساكنه فين؟ يقولهم إنها ساكنه في حته مش ولا بد، يقولوله لأ دية ما تنفعناش. بس عشان حظ أبوها الإسود إنه سكن في مكان وبعد كام سنه المكان ده تحول إلى منطقه شعبيه مثلاً. أهه ده برضه نوع من المغالاه. وقس على ذلك إشتراط مؤهل معين ومستوى مادي معين وخلافه.
الخلاصه يا جماعه بجد إن إحنا في مصر فاهمين الجواز غلط ...
لو فكرنا في الجواز بصوره مبسطه هانلاقيه عباره عن إقتران إنسانين ببعض، مش كده؟
لكن إحنا الجواز عندنا تحول إلى إقتران حاجات كتير أوي ماديه ومعنويه ومعاهم في السكه كده بالمره يعني الإنسانين اللي هايتجوزوا. وده قمه في الغباء.
المفضلات