الموضوع: التصميم الكهربائى لكذا شقة

شوف حد كهربائى هو اللى يعمل ليك التقسيم بتاعتك وانت تتعلم منه برضه علشان متعملش حاجة تبوظ الدنيا واهو برده هتتعلم منه

والله انت ابن حلال انا كنت عايز اسأل بنفس الخصوص
عندي شقتين مفتوحين علي بعض بعداج واحد
لما بنفتح التكييف بيعمل قفلة فياريت لو حد يعرف حل الموضوع ده ايه؟
وكل سنة وانتم طيبين

المشاركة الأصلية كتبت بواسطة شريف

شوف عدادك كام امبير كحد اقصى 20-40 او 80
و خلى كهربائى يشوف ال circuit breaker كام امبير و يستحسن يتغير فى كل الحالات

10-40 امبير
السؤال لو غيرته بواحد اكبر هل هتعامل تجاري او الشريحة بتاعتي سعرها هيزيد؟
وايه ال circuit breaker وازاي اعرفه؟

المشاركة الأصلية كتبت بواسطة شريف

لو ليك حد فى شركة الكهرباء ممكن يغيرة بواحد بولندى من القدام دول
و الشريحة مش هتتغير الا لو ركبت 3 فيز
انت روح شركة الكهرباء و اشتكى ممكن يعملة حاجة او ممكن يعملولك صاعد جديد
و ال circuit breaker دة قبل العداد فى حالة عشان يحمى من زيادة او نقصان الفولت
و فى اللى واصل بالتكييف بص كام امبير بردة

معلش هعترض مع حضرتك فى كام نقطة

1- العدادت القديمة زى البولندى والتشيكى متفرقش حاجة عن الجديد زى بتاع السويدى

2- من غير ما تشتكى انت بتقدم طلب بتغيير العداد لاكبر وبتدفع رسوم تغيير وبيجى واحد يركبلك عداد جديد بكرتونته ويرفع القديم

3- ال main circuit breaker اللى فى شققنا كلنا للحماية من سحب تيار اعلى سواء حمل زايد او قفلة و ليس له علاقة بالفولت

المشاركة الأصلية كتبت بواسطة tabeb

والله انت ابن حلال انا كنت عايز اسأل بنفس الخصوص
عندي شقتين مفتوحين علي بعض بعداج واحد
لما بنفتح التكييف بيعمل قفلة فياريت لو حد يعرف حل الموضوع ده ايه؟
وكل سنة وانتم طيبين

قفلة ولا حمل زايد؟؟؟

يعنى اول ما بتشغله المفتاح بيرد ولا بيشتغل شوية ويرد و لا التكييف بيشتغل عادى ونور الشقة كله بيطفى

المشاركة الأصلية كتبت بواسطة maka

قفلة ولا حمل زايد؟؟؟

يعنى اول ما بتشغله المفتاح بيرد ولا بيشتغل شوية ويرد و لا التكييف بيشتغل عادى ونور الشقة كله بيطفى

بعد لما بنشغل التكييف لمدة 5 دقايق كهربة الشقة كلها بتطفي ولقينا المفتاح العمومي محروق