trick: اظهار بيانات/معلومات على شاشة التكيف - Volkswagen Climatronic Diagnostics

**amrhady** · 21-09-2009 05:36 PM

كنت لقيت موضوع كدة بالصدفة معرفش هو معروف ولا لأ, ممكن يعجب الناس العندها التكييف 2-zone الفيه شاشتين.
في طريقه تخليك تظهر شوية معلومات في العربية, زي السرعة(digital - kph/mph) , سرعة المحرك (rpm) , درجة الحرارة الداخلية والخارجية, الرطوبه, وحاجات تانية كتير انا مش فاهمها كلها بس ممكن تكون مفيده او حتى good to know

علشان تطلع الكلام ده تدوس على زرار AC (او زرار ECON) و"الزرار العليه السهم ضارب في وش الراجل" (الجمب زرار recirculation) لحد اما الأرقام تقلب 00 - بعد كده تقلب من البكرتين لتغيير رقم القناة (كل قناة بتمثل حاجة)

على سبيل المثال 19-0 هي السرعة kph , و 19-1 السرعة ب mph

انا جربت عندي شغال.

المصدر:
Volkswagen Climatronic Diagnostics | my-gti.com

**islamaboelnaga** · 21-09-2009 08:33 PM

عربيه ايه ياباشا ؟

**islamaboelnaga** · 21-09-2009 09:52 PM

انا جربتها فى جيتا دوست على الزرارين طلعت شاشه غريبه فى مكان درجات الحراره و بعدين مفيش حاجه ظهرت على الكاسيت و معرفتش اقلب الارقام اللى بتقول عليها ؟؟؟؟

**amrhady** · 22-09-2009 12:11 AM

[QUOTE=islamaboelnaga;]عربيه ايه ياباشا ؟
اي عربية vw فيها تكييف 2-zone(درجة حرارة مختلفة للسائق والراكب)

المشاركة الأصلية كتبت بواسطة islamaboelnaga

انا جربتها فى جيتا دوست على الزرارين طلعت شاشه غريبه فى مكان درجات الحراره و بعدين مفيش حاجه ظهرت على الكاسيت و معرفتش اقلب الارقام اللى بتقول عليها ؟؟؟؟

ملهاش علاقة بالكاسيت - انت بتقلب من البكرتين بتوع درجات الحرارة. البكرة ال على الشمال تختار منها رقم القناة (diagonistic channel) والبكرة ال على اليمين تختار منها القيم المختلفه المتعلقة بالقناه دي.

مثلا لو البكرة الشمال عليها 19, تقلب البكرة اليميين علشان تديلك معلومات مختلفة عن السرعة

**islamaboelnaga** · 22-09-2009 03:54 AM

طب و السرعه بتبان فيين ؟ و الحاجات اللى على الكاسيت (اسم الاغنيه ) مش بتبان ؟؟

**amrhady** · 22-09-2009 07:37 AM

المشاركة الأصلية كتبت بواسطة islamaboelnaga

طب و السرعه بتبان فيين ؟ و الحاجات اللى على الكاسيت (اسم الاغنيه ) مش بتبان ؟؟

المعلومات بتبان على شاشتين التكييف الشمال واليميين. بالنسبة للسرعة لو الشاشة الشمال عليها رقم 19 (speed channel) الشاشة اليميين هيظهر عليها السرعة ال انت ماشي عليها ديجيتال (زي الهوندا)

جربها شوية, وقلب بكرتيين التكييف هتبان ليك اكتر