الموضوع: مولد عملاق مصرى جديد

بسم الله

عايز اخد رأيكم فى فكرة جميلة اوى !

1 نعمل موضوع تعارف باسم كل محافظة فى مصر
يشترك فية كل اعضاء المنتدى فى المحافظة دى
ويقولو كامل بيانتهم العملية والشخصية

2 ثم يختارو مدير ونائب ومساعد عن طريق الاقتراع
ذى بالظبط اى شركة او توكيل سيارات

3 المدير اللى هيختارة اعضاء كل محافظة هيبقى مندوب المنتدى فى المحافظة دى ومسئول عن شئون الاعضاء فى المحافظة هتكون مهامة
(1) المساعدة فى المواقف الحرجة
(2) محاولة حل مشاكل الاعضاء
(3) تجهيز كارنيهات العضوية
(4) توزيع استيكارات المنتدى على الاعضاء فقط
(5) مساعدة وارشاد اعضاء المنتدى الزائرين لمحافظتة
(6) تجميع بيانات (عناوين , ارقام تليفونات ) التوكيلات وورش الصيانة ومحلات قطع الغيار والاكسسوار المميزة فى محافظتة من خلال تجارب الاعضاء ووضعها فى مواضيع مثبتة خاصة بكل محافظة لتعميم الفائدة وتوفير وقت وفلوس الاعضاء من الضياع فى تجارب ضاره
(7) الحصول من هذة الاماكن على تخفيضات فعلية لاعضاء المنتدى مقابل الدعاية المجانية
(8) تحذير الاعضاء من التوكيلات والورش وقطع الغيار السيئة
(9 ,10 ) متروك لاقتراحات الاعضاء

4 المركز الرئيسى هيكون طبعا فى القاهرة

5 هيتعمل كارنيهات عضوية + استيكارات المنتدى اللى هتلصق على سيارات الاعضاء لتمييزهم

6 نمر تليفونات مندوبى المحافظات هتبقى فى موضوع مثبت على المنتدى

7 هيكون فى اجتماع شهرى لممثلى المحافظات يناقش فية المستجدات من افكار ومشكلات خاصة بالاعضاء بصفة خاصة وبالسيارات ومتعلاقاتها بصفة عامة

9,8 ,10 متروكين لاقتراحات الاعضاء

بالفكرة دى المنتدى هيتحول من قوة فى العالم الافتراضى لقوة حقيقية لها كيان مادى منظم له وزنه وقوته المؤثرة عل سوق السيارات فى مصر عامة

وبكدة هيكون اتولد عملاق جديد فى مصر



[



ودا رقمى 01006898520

اخوكم عصام غنايم [/size]