العربية متفولة يا فندم هو حضرتك دخلت البنزينة ليه؟؟؟؟

اول ما سمعت الكلمة دي قلت والله اصيلة يا دينا
اصل انا لسه مستلمها من عند السمكري وكان فاكك تنك البنزين
كان بيعمل مرمه ورا التنك

الراجل كان في عين شمس وانا في التجمع يعني حوالي خمسة وعشرين كيلو

لما دخلت بنزينه وقلت للولد فول
راح البنزين ضارب في وشه ولقيته بيقولي ان العربية متفولة

امبارح رحت المعادي عند حمايا كل سنة وانتم طيبين
وبعدين لفيت شوية
وانا راجع التجمع بحط بنزين بعد حوالي 100 كيلو لقيت البنزين ضارب في وش الولد وقالي العربية متفولة يا فندم انت ليه عايز بنزين ثاني؟؟؟

انا فهمت اللي حصل
فيه مصيبة حصلت في التنك وهو بيفكه
الولد قالي ان ممكن يكون الكوع الكاوتش اللي بين التانك وفتحة التانك ملوي ومش قابل اي حاجه


كانت حاجه مضحكة لما بيحط في الخرم حوالي نص لتر
وبعدين انا اهز العربية كاني بملا بطرمان سكر

وقعدت اهزهز في العربية لغاية ما عرفنا نحط 8 لتر بالعافية هو يحط ربع لتر وانا امرجح العربية يمين وشمال كاني بزغط بطه لحاد مستوى البنزين ما يقل

انا دلوقتي خايف انزل بيها عشان حاسس انها حتقطع بنزين والنهارده ثاني يوم العيد مش عارف اعمل ايه ؟؟؟؟
ايه رايكم؟؟؟