يا جمااااعـــــة ساعدوووووونـــــي أجيب كيا بيكانتو أو هيونداي i 10 ؟؟؟؟؟

**djslash_2009** · 22-09-2009 02:55 AM

انصحوني أرجوكم عشان أنزل أشتري بإذن الله ؟؟؟

**jow** · 26-09-2009 05:32 AM

kia picanto a7sn wa ashyk
i10 shbabe wa be

**K!ShO** · 26-09-2009 05:34 AM

رأيي بيكانتو
كفايا توكيلها
بس الموضوع دا مكانه المقارنات مش هنا

**Mustang69** · 26-09-2009 07:05 AM

go for picanto

**mero2008** · 27-09-2009 02:56 PM

أنصحك بالـ i 10 الهيونداي عمةً احسن موتورها هادي جداً وناعمه قوي في السوقه وعاليه عن الارض اكتر من البيكانتو وتقفيلها احسن

**kyehia** · 27-09-2009 03:32 PM

Picanto

للمقارنة

http://www.nilemotors.net/Nile/61357-110.html

**masterzmind** · 27-09-2009 04:08 PM

البكانتو احسسسسسسسسسسسسسسسسسسسسسسن بكتييييييييير عن تجربة

**Mohamed.Ramah** · 28-09-2009 12:50 AM

ياجماعة لية دايمن مش بتحطوا فى اختيارتكم غير العربيتين دول فقط بالرغم ان فى الاحسن منهم وبنفس السعر لية مش بتشوفوا السوزوكى سيلاريو عن تجربة افضل من الاتنين

**monmonmon** · 28-09-2009 02:53 AM

المشاركة الأصلية كتبت بواسطة ice_wolf

ياجماعة لية دايمن مش بتحطوا فى اختيارتكم غير العربيتين دول فقط بالرغم ان فى الاحسن منهم وبنفس السعر لية مش بتشوفوا السوزوكى سيلاريو عن تجربة افضل من الاتنين

بص اللى قبلك قال البيكانتو احسن "عن تجربة"

و قولنا ماشى (رغم انه مش كلام صحيح و الا تبقى كل الreviews بتاعت اوروبا هبل)

لكن تيجى تقولى انت عن تجربة... فين التجربة و العربية منزلتش و مش هتنزل قبل نوفمبر؟؟؟

انا معايا i10 و شايف انها ممكن تكون افضل من البيكانتو فى حاجات و البيكانتو افضل فى حاجات و فى الاول و الاخر الاتنين متشابهين مع بعض الفروق لصالح i10 بالاضافة لان النسخة الكامله منها فيها كماليات مش فى البيكانتو الكامله.

**monmonmon** · 28-09-2009 03:24 AM

المشاركة الأصلية كتبت بواسطة djslash_2009

انصحوني أرجوكم عشان أنزل أشتري بإذن الله ؟؟؟

انصحك تنزل تشوف الاتنين و اللى يعجبك هاته

الاتنين 10/10 رغم ان فى ناس كتيير بتشكر فى ال i10 عن البيكانتو فى اوروبا

شوف التقارير الآتيه:

من Top Gear

Hyundai i10 expert car review verdict - BBC Top Gear

Kia Picanto expert car review verdict - BBC Top Gear

الهيونداى اخدت 13/20 لكن الكيا 7/20

من What Car

Hyundai i10 Hatchback - Summary - New Car Review - What Car?

Kia Picanto Hatchback - Summary - New Car Review - What Car?

الاتنين حصلوا على 3 نجوم من 5

من Parkers

New Hyundai i10 Hatchback Car Review - Parker's

New Kia Picanto Car Review - Parker's

الهيونداى حصلت على 4 نجوم و الكيا حصلت على 3.5 نجوم من 5

و فى غيرهم متساويين و ال i10 اعلى بس للاسف معرفتش اجيب اللينكات

انا معايا i10 و عامل بيها 7390 كم فى اقل من 8 شهور و الحمد لله زى الفل

مركبلها كاوتش عريض و رفعتها عن الارض 1.5 سم و عمرها ما حكت فى مطب واحد و انا محمل 5 فى العربية و جنبى الماتريكس و اللانوس بيحكوا و هما فاضيين و العربية بتجرى و تاخد فى غرز و فراملها بتسعف و الباور فيها تحفه لكن موتورها ضعيف شويه بالذات بعد تركيب الكاوتش العريض

استهلاك بنزين خيالى.. اقل استهلاك بنزين لها 262 كم فى الصفيحة مع الحرق 80% من وقت السواقة و تجيب اخر الدواسة و تشغيل التكييف 60-70% من الوقت و الزحام الشديد جداااااااااا و السرعات العاليه على الطرق السريعة و المرة دى كنت عاملها للتجربة و الكاوتش ساعتها كان ضغطه قليل و ده بيتسبب فى رفع استهلاك البنزين

اما احسن استهلاك فوصل حوالى 380 و اكتر فى الصفيحة مع السواقة الهادئه على الطرق السريعه على سرعة 80-90 كم/س و بعض السواقه داخل البلد و فى الزحام

* مفيش غير عيبين فقط فيها

1- الكراسى ناشفه شويه (معرفش البيكانتو نظامها ايه)

2- التكييف فى عز الحر كويس لكن (((مش تلاجه))) انا بسمع ان البيكانتو تكييفها على سرعة 1 و 2 تلاجه!!!!!!! معرفش دى مبالغه و لا ايه

و عرفت ان اسعار قطع غيارها غاليه بس الحمد لله كافينا شر الحوادث له الشكر

انما كونها هندى مش عيب (انا كنت بفضل البيكانتو لأنها كورى و بعد ما ركبت ال i10 مبسوط جدااااا جدااااااا الحمد لله منها و مستعد اجيب هيونداى تانى تقفيل الهند لو كانت معديه ال 100 ألف)

انا طولت عليك علشان فى مشاركات مستفذه و مفهاش اى نوع من المساعده و محدش قال تجربه و كل واحد بيقول عن تجربه,,, و لو فى تجربه ما يقولنا و يفيدنا بدل ما نقول كلمه و نمشى.. حسبى الله و نعم الوكيل

بالتوفيق ان شاء الله