الموتور باظ ولا ايه (لادا 2105 ).........!

**ahmedemad15** · 22-09-2009 04:27 AM

السلام عليكم
انا معايا لادا 2105 موديل 83 المهم انا كنت ماشى الصبح بيها ومره واحده وانا ماشى وواخد سرعتى راحت طفت منى بعد ما وقفت حاولت اشغل فيها مش راضيه تدور خالص
المارش شغال ولما فتحت الكبود ودورت تانى لقيت سير الكاتينه مش بيلف وانا بدور العربيه بصيت عليه لقيته فى مكانه ومش مقطوع
حد يفيدنى ارجوكم

**abdoulrhman** · 22-09-2009 11:55 AM

سير الكتينه ؟؟؟؟؟ هو انت شوفته ازاي

**x_gomgom** · 22-09-2009 03:06 PM

هو قصده سير الدينامو غالبا....
هو المفروض لو المارش سليم و بتدور المكنه السير يتحرك عادي. كلامك كدا معناه ان في عطل غالباً داخل المكنه لو المارش سليم....
لازم المكنه تتفك و يتشاف فيها ايه..
و عامه يا ريت معلومات اكتر عن الحاله يعني كانت بتسخن بتاكل زيت... عشان نعرف نفيدك
يا رب اكون افدت

**ahmedemad15** · 24-09-2009 01:51 AM

السلام عليكم
انا متشكر جدا انا جبت ميكانيكى قالى سير الكاتينه اتقطع وعلى فكره هو بيبقى باين فى العربيه قدام الموتور
المهم جبت سير جديد ووش سلندر وغيرت 2 صباب وكلفتنى حوالى 150 بس

**x_gomgom** · 25-09-2009 05:11 AM

الحمد لله ربنا يعطيك خيرها و يكفيك شرها و خلي بالك منها...
ربنا يوفقك

**islambana** · 27-09-2009 06:32 AM

ياجماعه الراجل بيتكلم علي لادا 2105 موديل 83 الكاتينه الكاوتش
والسير ده لو اتقطع يخلي العربيه تاكل صبابات علشان كده لازم تغيره بصفه دوريه كل 35000 كم

**miso8489** · 29-09-2009 10:09 AM

المشاركة الأصلية كتبت بواسطة ahmedemad15

السلام عليكم
انا معايا لادا 2105 موديل 83 المهم انا كنت ماشى الصبح بيها ومره واحده وانا ماشى وواخد سرعتى راحت طفت منى بعد ما وقفت حاولت اشغل فيها مش راضيه تدور خالص
المارش شغال ولما فتحت الكبود ودورت تانى لقيت سير الكاتينه مش بيلف وانا بدور العربيه بصيت عليه لقيته فى مكانه ومش مقطوع
حد يفيدنى ارجوكم

السلام عليكم نفس الحكايه دى حصلت معاى و غلبتنى و مش فاهم السبب و كمان الميكانيكى معرفش السبب و الغريبه انها اتكررت مرتين تقريبا
و بعد شويه ترجع العربيه عاديه خالص و سير الكتينه الميكانيكى بيقول انه كويس

**islambana** · 29-09-2009 10:13 PM

و المشكله دي حصلت تاني حضرتك اعمل الخطوات الاتيه
1- ارمي بنزين في فتحه الكربراتير من فوق لو العربيه اشتغلت يبقي العيب يأما من طرمبه البنزين يالكربراتير لو ما اشتغلتش نفذ رقم 2
2-شيل سلك الكهرباء اللي جاي من البوبينه ورايح ناحيه الاسبراتير (من ناحيه الاسبراتير ) وقربه ناحيه اي حاجه معدنيه ودور لو لقيته بيطلع شرار يبقي البوبينه سليمه لو مابيطلعش يبقي العيب في البوبينه
3-لو لقيت البوبينه سليمه يبقي العيب في شاكوش الاسبراتير
ملحوظه :ممكن تكون البوبينه بايظه واول ما تسخن بتفصل وممكن تعرف كده لو كانت العربيه بتعمل كده لما تسخن وعلشان تتأكد اكتر حط حته قماشه مبلوله علي البوبينه لما تسخن لو اشتغلت يبقي العيب فيها