تقييم الماتركس بعد 100000كم-2006 عادة خليجي

ربنا يباركلك فيها يا باشا و الف شكر
انا معايا 2007 عامله 71000 كم
الحمد لله العربية زى الفل
و اول تغيير لفلتر الهواء و البنزين و البوجيهات و التيل و السيور عملته عند 60,000 كم عند الميكانيكى
و الحمد لله ميكانيكة العربية سليمه حتى الان
بس كان لى استفسار من حضرتك.. العربية عفشتها مفيهاش كلام ممتازه تجمع بين الراحة و المتانة و تحمل الاهانة :ma: و انا مبهدلها غرز و عمرها ما خذلتنى بس انا مش من هواة السرعة

انا اخدت مطب على سرعة 80 كم/س جوا البلد و العربية محكتش و لا حسيت بتأثر رهيب و كان معايا شخص اخر استغرب جداااا يمكن لان المطب مكنش عالى اوى!!!!!..
لكن العربية اترزعت منى على سرعة 40-50 على مطبات كبيره
و الحمد لله اكصدام العربية سليم تماما و عتب العربية سليم و مفيش اى مشاكل نهائيا

سؤالى الان هل حضرتك تعرضت لاى موقف مثلى؟؟ و هل حدث شىء للعربية؟؟؟؟

علشان كلامى ده الناس مش راضيه تصدقه و بيكذبونى

و اخرها حتى بال i10 واخد بلاعه كبيره على 60-70 و العربية اتنطرت و خبطت فى الارض و مفيش مشاكل و مشيت بعدها 200 كم او اكتر

نسيت اقول لحضرتك انى عمرى ما ربطت عفشة العربية ولا مسمار و لما رحت عند 60,000 كم الميكانيكى معرفش يربط على اى مسمار!!!!!

و انا بالصدفة قريت امبارح تقييم ليها بيقول ان من مميزاتها Durable Mechanicals يعنى الاجزاء الميكانيكية معمره رغم انهم اعطوا العربية فى التقييم الكلى 2 من 5 بأعتبار ان فى عربيات مينى فان افضل و الجدير بالذكر ان السيات التيا هى كمان واخده 2 من 5 :w6266d

و على فكره موتور العربية عندى بقى افضل من الاول من حيث الاداء 0-100 اصبحت فى 11.4 الى 11.8 ثانية.. ايام ما كانت زيرو كان تسارعها 12.7 ثانيه و ده بيأكد كلام حضرتك بجانب انها بتسد مع السيفيك القديمة ال 130 حصان لحد 80-90 لكن بعد كده الهوندا بتركب جناحات :120105~352:

تحياتى

مش عارف حاسس انكم بتتكلموا على عربية تانية و لا يمكن الكورى غير التركى و لا اية انا معايا 2008 عاملة 40000 حتى اليوم و استعمالى عادى جدا يعنى و لا أرص و لا اى حاجة اوفر و العربية عرة جدا يمكن علشان كنت راكب كرولا قبلها و الله اعلم
على فكرة تيل الفرامل الامامى ب 325 جم فى التوكيل و ب 225 برة التوكيل مش عارف الاسعار الى حضرتك قلت عليها دى فين دلنى

اقتباس:

---

المشاركة الأصلية كتبت بواسطة abooyassin

مش عارف حاسس انكم بتتكلموا على عربية تانية و لا يمكن الكورى غير التركى و لا اية انا معايا 2008 عاملة 40000 حتى اليوم و استعمالى عادى جدا يعنى و لا أرص و لا اى حاجة اوفر و العربية عرة جدا يمكن علشان كنت راكب كرولا قبلها و الله اعلم
على فكرة تيل الفرامل الامامى ب 325 جم فى التوكيل و ب 225 برة التوكيل مش عارف الاسعار الى حضرتك قلت عليها دى فين دلنى

---

طيب يا باشا انا واحد صاحبى معاه كورولا 1300 و هوندا سيفيك

جرب عربيتى و قالى عفشتها مريحه بسم الله ما شاء الله و جرب يقرص على الموتور و قالى سحبها حلو (رغم انه كان ناسى و مشغل التكييف) و كذلك التكييف انطاعه انه ممتاز

لكن الحاجه الوحيده اللى عقب عليها ان الكورولا انعم كموتور و اعلى عن الارض لكن ثباتها فى الضياع
انا عربيتى كورى فعلا بس معتقدش هتبقى فى فروق.. و بالنسبة لتيل الفرامل انا شايف انه حتى لو ب 300 جنيه اجيبه لانى مش هغيره قبل سنه او 2 على الاقل و ممكن يقعد 60,000 كم.. احسن ما اشترى تيل ب 70 جنيه و اوفر و لو 200 جنيه يضيعوا لى الطنابير!! و التيل اكيد عمره الافتراضى قصير

بالنسبة للتيل هو كوري وليس اصلي وسعرة الا وصل 60 جنيها
والخلفي هو تيل الفيرنا ب70 جنيها كوري ايضا
والزجاج الأمامي غيرتة للمرة الثانية وسعرة الأن 350 جنيها
وبالنسبة للطنابير الاصلي غالية جدا في التوكيل تصل ال 600 ج للفردة بالتركيب وليس لها لازمة فالطنابير الكوري تكفي وتتغير ممكن كل 100000 كم للاستخدام العادي
والسيارة الكوري فعلا تفرق عن التركي في الآداء كما رأيت ولكن لا استطيع التعميم ولكن السيارة الآن لها معي بالضبط 4 سنوات ونصف ولسة جديدة تقريبا
ولم اربط فيها حاجة في العفشة وكانت مرة حكت بعنف في بيارة صرف ولكن لا تغيير في اي شئ
بالنسبة للذين يشككون اود ان اقول لكم انها لن تكون آخر سيارة فانا اود شراء سيارة هوندا سيفك لمطلب واحد هو السرعة والأمان وطول فترة الضمان 125 الف كم
هي عيبها بس في الامان وهذا ليس هينا حيث لا يوجد فيها abs او air bag او غيره وهذا ما يجعلني فقط افكر في التغيير وكنها سيارة عملية جدا وان احترمها