لوجان ام نيو اكسنت

**ahmadalsattar** · 22-09-2009 03:40 PM

محتار بين الاتنين محتاج مقارنة بينهما من حيث تكاليف التشغيل و الصيانة و كفاءة وعمر الموتور و مدى تحمل السياره للسفر و سعر اعادة البيع
و كل عام وانتم بخير

**amr.elsayed** · 22-09-2009 05:42 PM

العربيتين ممتازين بس بيختلفوا عن بعض فى حاجات كتير زى
1- السحب والتسارع من الثبات فى صالح النيو اكسينت 112 حصان اللوجان 90 حصان
2- عوامل الامان فى صالح اللوجان ثبات جيد على السرعات العالية + ( اير باج للسائق ) النيو اكسينت مفيش ايرباج .
3- وسع الصالون فى صالح اللوجان ( اوسع من النيو اكسينت )
4- الشكل ( اذواق )
5- السعر فى صالح اللوجان 11000ج فرق للفول اوبشن
6- السيارتين استهلاكهم فى البنزين جيد جدا بالنسبة لمواتير 1600
ولازم تتفرج على العربيتين كويس واللى ترتاح ليها نفسيا
توكل على الله واشتريها واستخير ربنا قبل اى حاجة
وكل سنة وانت طيب

**samir_smsm** · 22-09-2009 09:28 PM

السلام عليكم
على فكره أنا معايا النيو اكسنت .
ما شاء الله هى سياره ممتازه انا معرفش حاجه عن اللوجن ولكن سألت قبل ما اشترى ووجدت المقارنه تتجه اكثر الى النيو اكسنت و لكن الموضوع فى الأخر نصيب و ربنا يوفقك الى ما هو خير لك

**S.Moustafa** · 22-09-2009 10:09 PM

اللوجان ثابتة و واسعة و عالية عن الارض و البودى بتعها محمل أكتر و بها أير باج و فرشها ممتاز و شنطتها واااسعة جداً 510 لتر .
و سحبها حلو و استهلاكها 8.3 لتر /100 كم .
و اسأل عنها برة و شوف اللى يريحك نفسياً و لازم تجربها قبل ما تشتريها و تجرب النيو أكسنت و هذا رايى .
اللوجان تكسب فى رأيى .

**kliken** · 22-09-2009 10:41 PM

زى ما الشباب قالت لازم تركب العربيتين بس انا راى النيو اكسنت افضل كتير

**Ahmed.TV** · 23-09-2009 01:13 AM

من ناحية قوة الماتور يبقا خاليك فى النيو اكسنت اما من ناحية لو عايز وسائل امان وكماليات اكتر فى العربية خاليك فى اللوجان , بصراحة مقارنة صعبة من ناحية المانيول بس النيو اكسنت فى التسارع تكسب اكيد اذا كنت بتحب التسارع والقوة اما لو مش فارقة معاك موضوع الجرى والتسارع يبا خاليك فى اللوجان وانت احق بالفرق فى السعر

**د.محمد** · 07-10-2009 09:55 PM

الاكسنت موتورها 16 صباب اما اللوجان 8 فقط

**أبو أدم** · 08-10-2009 09:34 AM

المشاركة الأصلية كتبت بواسطة د.محمد

الاكسنت موتورها 16 صباب اما اللوجان 8 فقط

مفيهاش مشكلة ..لما 8 صباب يدوا 90 حصان يبقى كويس اوي

فى حين 16 صباب ادوا 112 حصان..........

والفكرة كلها فى اللوجان علشان يحدو ا من تكاليف الصيانة للعربية و دة ميزة اكيد.............