تخيلوا لانوس 2005 بالسعر دا

**lada2010** · 22-09-2009 05:08 PM

عربية لانوس موديل 2005 جنوط وزجاج رفع وانذار على 40 الف وكان عرضها يوم الاحد اتصلت بة الاتنين قال اتبعت كل دا لدواعى السفر

**thegoodhacker** · 22-09-2009 05:25 PM

السعر ده مش منطقي خالص بالنسبة لموديل 2005 فلو فعلا العربية اتباعت علي السعر ده يبقي اكيد العربية معيوبة يا اما ورقها مش مظبوط

**ابو فرح** · 22-09-2009 10:57 PM

يا جماعه انا اتصلت بالراجل صاحب الاعلان اول يوم العيد وقالى انه ده مقلب معمول فيه

**lada2010** · 22-09-2009 11:02 PM

بس انا اتصلت بة امبارح وقال اتبعت ورقمة يبدا 012

**dr-mohamed** · 23-09-2009 09:09 AM

دي حركة غبية عاملها صاحب الاعلان
عرفتها من واحد صاحبي قالي انه هو نفسه عملها
كان عايز يشتري عربية ماركة معينة موديل معين فضل حوالى شهر ينزل اعلانات بيع لعربية بمواصفات مختلفة بس كلها نفس الماركة ونفس موديل السنة وكلها باسعار مضروبة اقل من السعر الحقيقي للعربية ب10 و15 الف ولما قلت له طب ليه عملت كدة وانت اصلا مش معاك العربية وعايز تشتريها قالى انا عملت كدة علشان اي واحد عنده العربية دي يحس ان العربية بقت واقعة وان سوقها نزل فلما افاصل فيه يوافق على سعر كويس ولو قال ان العربية تجيب اكتر اقوله ما الاعلانات مالية السوق وبالسعر الفلاني