ريدراتير 127

**Maged_Samy** · 22-09-2009 08:57 PM

انا على وشك تغيير الريدراتير بتاع العربيه عشان غلبت فيه تسليك وتصليح وهو عمره الافتراضى انتهى لانى كنت جايبة من 8 سنين بتاع المصانع الحربية ، وعاوز اعرف رأيكم النحاس افضل ام الالمونيوم وهل اجيب 3 ماسورة ولا 2 ماسورة وهل فيه مستورد وايه اسعاره وعند مين فى الاسكندرية او القاهرة ؟ وهل يمكن اجراء تعديل عن طريق استخدام ريدراتير خاص بسيارة ماركة تانيه يكون اكبر مثلاً ؟ بصراحة يا جماعة نفسى عربيتى تبقى متلجة علطول والمروحة متشتغلش. للعلم انا الحرارة دلوقتى بتوصل 90 وتعدى وده بيبان اكتر فى الطرق السريعة والسفر والمياه بتغلى وتنقص( وانا لسه مجدد الريدراتير ومغير ثرموثتات حرارة وطلمبه مياه وكوعة مياه وخراطيم المياه و الكوليهات ولسه العربية بتولع ) . شكرأ لسيادتكم واعتذر على الاطالة .

**maka** · 23-09-2009 12:57 AM

هات نحاس ولو العربية بتسخن زى ما بتقولهات 3 ماسورة

**Maged_Samy** · 23-09-2009 01:07 AM

القديم 3 ماسورة ، بس ياريت اللى يعرف يرد على باقى الاستفسارات مع خالص الشكر

**placebo** · 23-09-2009 01:14 AM

زى ما قال العضو الفاضل .. هات نحاس ثلاثة ماسورة .. انا كنت جبت واحد من حوالى 5 شهور وكان بـ 250 بتركيبه .. وابقى ركبله ثرموستات واطى مش عالى بس من نوع نضيف يكون فوق ال 35 جنيه علشان انا ركبت الرخيص ابو 20 كان بيشتغل علطول وميبطلش .
ولو انت مغير الطلمبة والخراطيم ودورة التبريد كلها يبقى تحط مياه خضرا بلاش مياه الحنفية وبكده تنسى موضوع السخونية خالص وتزويد المياه كل شوية.. انا عامل كده عندى والامبير مبيوصلش للـ80 حتى .
بس بأكد تانى اوعى تحط مياه خضرا او حمراء على دورة تبريد قديمة لانها هتاكل الرادياتير لازم يكون كله جديد او على الاقل مغسول كويس ونزلت كل الشوائب والصدأ اللى موجود فى العربية

**Maged_Samy** · 29-09-2009 08:26 PM

الف الف شكر انا جبت ريدراتير جديد ماركة الشيخ نحاس 3 ماسورة ب 350 جم وبعت القديم ب 50 جم وغيرت جوان وش السلندر لانه كان هو السبب الرئيسى للمشكلة وكان كبس البستم بيطلع فى المياه وعشان كدة الخراطيم كانت بتتنفخ والمياه كانت بتخرج من القربة وغطاء الريدراتير - وحطيت مياه زرقاء سعودى وكله تمام دلوقتى ومفيش حرارة زيادة خالص. والف الف شكر لاهتمامكم .

**ziours** · 29-09-2009 10:45 PM

الف مبروك يااستاذ ماجد عقبالي انا ليا سؤالين:
انت عرفت منين ان جوان وش السلندر بايظ وعايز يتغير.
بالنسبة لماركه الشيخ ايه رايك فيها وهل السربنتية فعلا الماني زي مابيقولو
شكرا

**Maged_Samy** · 30-09-2009 03:07 PM

لما يكون غطاء الريدراتير مفتوح ومليان ميه على اخره تيجى تدور العربية تلاقى المياه نطت من الريدراتير مع اول الدوارة لان كبس البستم بيطلع فى الميه ولو قفلت الغطاء ورحت مشوار هتلاقى الخراطيم بتاعت المياه بتتنفخ ده فى حالة لو غطاء الريدراتير محكم لو مش محكم هتطلع المياه منه او من القربه يعنى الكبس هيطلع من اضف حتة ومش شرط على فكرة الزيت يبقى طحينة لان الجوان كان بايظ من ناحية المياه مش الزيت . بالنسبة للشيخ انا شايف انه ممتاز جداً وموضوع المانى ده الله اعلم . وتحياتى .