اى رايكم فى الموتوسكل ده ؟؟؟؟؟؟

**KHALED2010** · 23-09-2009 01:16 AM

انا معايا صينى بس محافظ عليها اوى وكنت عايز افرجكم عليها مع العلم انها عامل 16000 كيلو بس انا مجنون سفر ومن ساعت ما اشتريته بتنقل بيه فى جميع انحاء الجمهورية ومبيهمنيش انا شارى صينى ولا يابانى وماشي ومخليها على الله
اصل انا على قدى ومش معايا تمن الريس بس الحمد لله انا راضى با ال ربنا كتبهولى وانشاء الله ربنا يكرمنى واجيب الريس

**kisho55555** · 23-09-2009 02:01 AM

ربنا يبارك لك فيها ... وانشاء الله تجيب الريس قريب ..

بس بلاش السرعة الجنونية على الطريق ... ممكن لو زلطة صغيرة على اطريق ... تعمل مشكلة كبيرة فى غنى عنها ...

يارب متكونش واحد من الناس اللى بيشوفهم راكبين الموتسيكلات الصينى وكانه راكب دبابة ....

تقبل مرورى ...

**KHALED2010** · 23-09-2009 02:26 AM

انا عمرى ما حبيت السرعة بس للاسف الموتوسكل بطبيعته مغرى للسرعة بس انا بحاول بقدر الامكان انى امسك نفسي بس فى بعض الاحيان بيجيلى حالة مش عارف هيا ايه بلاقينى بجرى بشكل غير طبيعى وبعدها بلحظات الوم نفسي بجد عموما تشرفنا واشكرك على ردك الجميل .........
هوا حضرتك معاك موتوسكل ايه ؟؟؟؟؟؟؟؟........

**kisho55555** · 23-09-2009 02:30 AM

لا انا مش معايا موتوسيكل يا باشا ... انا معايا عربية ..

بس ايز اجيب واحد ... بصراحة نفسى تركب عربية وتكون ماشى على 80 ولا 100 وخايوف ومرة واحدة تلاقى واحد راكب موتوسيكل صينى وماشى على 120 ولا 140 ... متتخيلش الخوف اللى انا بكون فيه ...

ربنا يكرمك ويحميك ...اتشرفت بمعرفتك استاذ خالد

**magna** · 23-09-2009 02:46 AM

يديك خيره ويكفيك شره ولو عايز راي

متجبش ريس مصاريف على الفاضي

الميزه في الصيني ان تكاليفه رخيصه

حكاية السرعه ديه طبيعي اي حد راكب موتوسيكل

لازم يطير هههههههههههههه صعب تمسك نفسك

بس شكلك ياخالد مش بتلبس خوذه واتحداك تلاقيك بتلبسها

لما تلاقي كمين هههههههه الخوذه مهمه جدا

**KHALED2010** · 23-09-2009 03:26 AM

انا فعلا مش بلبسها خالص لا كمين ولا غيره اصلى ليا ضابط معرفه فى المرور بيخلصلى كل حاجة وابن خالتى ضابط شرطة واخويا طالب فى كليه الشرطة بس فعلا الخوذه امان

**KHALED2010** · 23-09-2009 03:31 AM

انا ال اتشرفت بيك جدا جدا والعربية ال معاك نوعها ايه وموديل كام

**kisho55555** · 23-09-2009 05:53 PM

504 1979 ... عربية ركبها من اول الروئساء لغاية عامة الشعب ...

**KHALED2010** · 24-09-2009 01:48 AM

نقول 128 مثلا

**HOTSHOT** · 24-09-2009 10:47 AM

يا عم خالد . الخوذة مش علشان تحميك من المرور و اللجان . الخوذة علشان تحمي راسك من اي صدمة لا قدر الله لو ووقعت . المخ اول حاجة ممكن تضرب . ساعتها لا حينفعك قريبك ولا اخوك و لا حتى رئيس الجمهورية بتاعتنا . فرجاء لكل الناس . الخوذة مش شطارة و لا شياكة و لا حمل كبير بنشيلو على راسنا . دة حماية لك و لعمرك . و بتشيل بلاوي من عليك و من علي اولادك و عيلتك. اصابات الراس ممكن تؤدي الي جلطة شلل نصفي او كلي و الموت . الخوذة ثم الخوذة ثم الخوذة .