السلام عليكم
ازيكو يا جماعة وكل سنة وانتو طيبين
أنا عايز افرش البيت عندي سفرة وأنتريه بمبلغ بسيط وكنت عايز أعرف اماكن بتبيع عفش مش غالي
وهل الصيني الموجود كويس ولا مضروب وبيتباع فين وايه الاسعار
أرجو مساعدتي في هذا الموضوع
1000 شكر مقدما
عرض للطباعة
السلام عليكم
ازيكو يا جماعة وكل سنة وانتو طيبين
أنا عايز افرش البيت عندي سفرة وأنتريه بمبلغ بسيط وكنت عايز أعرف اماكن بتبيع عفش مش غالي
وهل الصيني الموجود كويس ولا مضروب وبيتباع فين وايه الاسعار
أرجو مساعدتي في هذا الموضوع
1000 شكر مقدما
قولنا الميزانيه ايه واحنا نقدر نساعدك
على العموم لو قدرت تنزل دمياط يبقى احسن
لان فيها جميع الاسعار وحاجات بتبقى حلوة
والبضاعه ذات الجودة العاليه والتقفيل الممتاز فى الغالب بتبقى فى المعارض الكبيره وبتبقى غاليه الثمن نوعا ما
ولكن هناك ورش بتقدم عفش جيد مشابه وباسعار منافسه جدا
واحد صاحبى نزل دمياط النهارده يجيب عفش جوازه ( الله يرحمه كان روش وصغنن )
اول مايرجع هاقوللك ايه النظام هناك والاسعار عامله ايه
بس قبل مايروح كان فى ناس اصحابنا قاعدين معاه وفطموه ان الحاجه ام عشرين الف تبدأ انت فيها من 5 وتطلع واحده واحده هتاخدها ب 7 او 8 بالكتير
واوعى تمشى وتخليهم يحملولك العفش تانى يوم
تاخده وانت واقف عشان ماحدش يبدله
بص ياباشا عليك وعلي دمياط في كل اللي انت عاوزه بص فاصل جاااااااااااااااامد وخلي بالك هما بغيرو الحاجات يعني ممكن تلاقي نفسك اشتريت حاجة غير اللي اتفاقت عليها عموما انت ميزانيتك كام بالنسبة للانتريهات بتبدا من 3000 جنية وطبعا في اقل بس ورق وبالنسبة للسفرة من 5000 الي كتيييييييييييييير وربنا يوفقك
نصيحه لو مش بتفهم في الخشب بلاش دمياط لان هيضحك عليك حيضحك عليك و لو بتفهم فيه و شوفت حاجة عجبتك شيلها و انت واقف متبعدشي عينك عنها لحد ماتحملها في عربيه
لو عاوز تريح نفسك في معرض تحفةةة انا جايب منه العفش بتاعي كله اسمه المضيفه هو مش عالي و لا رخيص بس بيعمل اللي انت عاوزة يعني عندهم كاتلوجات حاجات تحفةةة و شيك جدا و افكار جميله اوي المعرض هتلاقيه في ارض المعارض في معرض دايم هناك بتاع صناع الاثاث اسال عنه هناك و في كمان واحد تاني جنب توكيل بيجو شارع النزهه و المصنع قبل القناطر في حته اسمها ابو الغيط بس مش هفيدك لاني نسيت المكان ممكن تنزل هناك و تسال
انا اعرف ان ميت غمر فيها برده معارض موبيليا
فى بلد اسمها طنان فى قليوب اول الطريق الزراعى
عامله زى دمياط كده محلات وعمارات كل ادوارها عفش واسعارها كويسه
الميزه انها قريبه ممكن تروح تشوف
والمناصرة كمان