الموضوع: إحسب القسط صح و ماتخليش حد يضحك عليك

زملائي الأعزاء
من خلال معرفتي بناس كتير بتقسط عربيات ( و أنا باتكلم هنا عن ناس معاها تمن العربية بس تقول خليهم في البنك فائدتهم أعلي من فائدة القسط .. أو في ودايع أو شهادات مقفولة و مش عاوز يفكهم )
فائدة الودائع و الشهادات من 9 - 11 % مثلا و القرض منها بيكون بزيادة 1 - 2 % و يالتالي فوائد القرض من 11 - 13 % شكلها كده كتير !!!
و تقول يا عم ده فيه معارض و توكيلات بتقسط ب 10 % لغاية 6 % كمان
بص بقي الحسبة دي
أولا الفائدة ال 6 % ثابتة علي كامل المبلغ اللي حتقسطه في عدد السنين !!!!
للي مش فاهم حسابات قوي .. يعني لو حتقسط 100 الف علي 5 سنين يبقي حتدفع فوائد 30 الف حوالي 2170 شهريا .. علي الرغم من ان أخر سنة مثلا حيكون باقي عليك 25 الف بس مثلا
في حين البنك العادي لو خدت قرض بضمان الوديعة ام 9 % حيحسب فوائد 11 % .. بس علي المبلغ المتبقي فقط !!
يعني 9.5 الف اول سنة ( مع نفس القسط الشهري )
7.5 الاف تاني سنة
5.5 الاف تالت سنة
3.3 الاف رابع سنة
و تدفع نفس القسط 2170 لمدة 9 شهور من خامس سنة فقط !!
يعني ال 6 % فائدة مركبة متراكمة أعلي من 11 % فائدة بسيطة
و طبعا فيه شركات و معارض بتقسط ب 10 % مركبة .. ال 100 تدفعهم 150 الف .. يعني لو واخد قرض بسيط من البنك يبقي كأن فائدته 19%
و أي خدمة
.
و نقول زي الحكومة ... احسبها صح تعيشها صح