انا عايز اشترى واحد ومش عارف اسعارهم اية
وياترى ال جى لسة كويس ولا اية؟؟
وشكرا مقدما
عرض للطباعة
انا عايز اشترى واحد ومش عارف اسعارهم اية
وياترى ال جى لسة كويس ولا اية؟؟
وشكرا مقدما
معتقدش لسة فيه سي دي رايتر لوحده
دلوقتي بقى جهاز واحد دي في دي و دي في دي رايتر و سي دي ريد و رايت
تقريبا ب 160 الي 200 جنيه حسب الماركة .
كلهم تقريبا حاجة وحادة من جوه يا سوني يا توشيبا .. فمتوجعش دماغط و هات الارخص طالما ماركة معروفة .
( LG - SAMSUNG - SONY - ACER - ASUS - Lite-ON - Aopen - Benq - IMATION - etc etc )
لسة جايب دى فى دى رايتر سامسونج من كام يوم ب 125 جنية
MMamdouh
هى جت على الرايتر وبس
عندك الشاشات والهاردات والرامات والبروسيسورات والمازر بورد والطابعات والاسكانرات زمان كانت بأسعار غريبة
كان فيه واحد قايلى إن الهارد 80 جيجا عامل حوالى ألف جنيه ، الكلام ده سنة 2000
والشاشات الــ 21 بوصة والـــ19 بوصة والــــ 17 بوصة كانت بأسعار غريبة
دلوقتى
الهارد 320 جيجا مش مكمل 250 جنيه
الهارد الــ 1 تيرا = 1024 جيجا بايت مش مكمل 500 جنيه
الشاشة الــ 14 بوصة الفيو سونيك أول ما كانت نازلة فى الأسواق كانت عاملة حكاية كبيرة الناس كلها بقت بتشترى فيو سونيك
كانت بحوالى 450 جنيه فى سنة 2001
دلوقتى المستعملة منها متكملش100 جنيه بالعافية
جبته في 98 4 X
انا جبت ال 1 اكس اتش بي ب 2500 جنية
وكانت بلانكة ال سي دي ب 120 جنية
وبنعلق علية من بليل للصبح في النسخ
ولما رخصت بقت ب 65 جنية من باب اللوق TDK and SKC
ولما بقت 25 جنية ظهرت السوني والايسر
ايام
فكرتني بالبلو راي حاليا ب 25 جنية وحدش عايز يجبها
asus is best
هتلاقيها صينى بس ما تقلقش
لان كل الاسوس من حوالى عشر سنوات اوو اكتر صينى
أنا فاكر أيام زمان
كان فيه واحد بتاع صيانة كان ييجى يشتغل على الكمبيوتر يعمل سكان ديسك على الهارد ويصطب ويندوز 98 على الكمبيوتر والناس
تبقى حواليه مش عارفة هو بيعمل إيه وبياخد اللى فيه النصيب
الشاشة دي فعلا جبتها الوقت ده....فيو سونيك 14 بوصة...و كانت إعجاز...توكيلها كان شركة الوادي في الدقي..و مازالت عندي مركونة في البلكونة
كنت ساعتها الطالب الغني في المدرسة...كل يوم خميس يجوا العيال عندي و نلعب gta 1 لحد الساعة 9 باليل...و بعدها كل واحد يروح لحاله:)
كانت حدوتة
اللينوكس كان بالسمع بس محدش اشتغل بيه
ياااااااه على أيام زمان
دلوقتى الناس بتصطب ويندوز فيستا وسيفين زى المحترفين بالظبط
انت كنت قاعد معايا شكلك...
الراجل ده كان بالنسبة لي الساحر أو الحاوي...
الكومبيوتر كان بيبقى مليان بلاوي زرقاء من اللي كنت بعمله فيه...أي ملف dll أشوفه...أقول إيه البتاع ده؟....إمسح:pointi~2[2]:
كان تخيلي ان الجيمز هي الحاجة الوحيدة اللي المفروض تتحط على الجهاز... درايف الc كان نصه ممسوح :)
زمان ايام الكلان اللى عندة هارد 4.3 جيجا و سى دى كريتف 32 اكس كان برنس.... لحد ما ظهر شاب من الاثرياء كان عندة 3 هارد فى الكيسة و كان بيتفاخر ان عندة 13 جيجا فاضيين فى جهازة
MMamdouh
سنة 98 كنت شارى الكمبيوتر بسعر 4 اجهزة دلوقتى :)
و كان عندى فيفا 98 و كنت بلعب كاس العالم يوميا :)
و كان واحد يلعب بالماوس وواحد بالكى بورد , و الدخول على النت بسرعة لا تذكر كان بيسبب فاتورة مهولة :)
و كان اللى عنده كمبيوتر اساسا فى الوقت ده و الله كان ممكن يتشهر بسببه .
أحلى حاجة فاكرها السى درايف ( الكرييتف ) كان بييجى معاه الريموت كنترول ( كان حدوتة )
كامل الأوصاف يعلى الصوت ويخفض الصوت ويفتح الباب ويقفل الباب ويقدم ويأخر بالريموت كنترول
كان نفسى ينزل تانى - وكان فيه فترة الناس كلها كانت بتسأل على الدرايف ده
أكتر حاجة لسة فاكرها قوى
كروت الشاشة اللى احنا كنا شغالين بيها
كارت الشاشة الذاكرة بتاعته كانت 1 ميجا وكان نوعه S3
كان مشكلة كبيرة كان بيعرف يشغل لعبة Need for speed 2
وكان فيه كارت صوت نوعه als4000 صوته كان مشكلة ، مكانش مكمل 35 جنيه
و لعبة Gta 2 دى كان رجل صغير كده بيمشي يضرب بالنار و يركب المترو و مهمات تفطس من الضحك :)
LG is Good price is 120 LE
الأجهزة البانتيوم 4 أول ما نزلت كانوا بيجمعوها على مازر بورد Built In vga + sound + lan وكانوا بيركبوا البرسيسور 1.7 جيجا هرتز على المازر بورد دى ويحطوا عليها رامات 256 ميجا بايت إس دى رام مثل رامات الأجهزة البانتيوم 3
والفيديو صورته كانت بتقطع
قعدنا نحاول كل المحاولات وكلها باءت بالفشل الذريع
والفيديو فضل يقطع برده
انتو بتتكلموا جد
انا اخر رايتر جيباه ب 85 جنيه
ياااااه فكرتونى بالذى مضى
سنة 2001 كنت بحلم بالسى دى رايتر ده ، كنت شايفاه حاجة كده خيال علمى ، يعنى ايه اشترى سى دى فاضى و يتحط عليه حاجات و تفضل موجودة !!!
كان عندى كمبيوتر مسخرة ، بنتيوم 3 800 ميجاهرتز ، الهارد 30 جيجا و اياميها كان معجزة فعلا
و مكنتش بلعب غير need for speed 2 SE
دلوقتى لسه منزلة need for speed shift ، و ايام الديال اب ، لما كنت افتح صفحة على النت ، و اروح اشرب كوباية شاى و ارجع تكون يادوب هتفتح ، و يا سلام بقه لو هنزل حاجة ، مأساة
يلا بس كانت ايام حلوة :D
فعلا كاااااااااااااااااااااااا اااانت ايام
ده الرايتر زمان كان مشروع لوحده وبيكسب دهب يعنى من الاخر اللى كان عنده رايتر كان بيزنس مان اد الدنيا هههههههههههههه
ماتستفزونيش فى موضوع الاسعار القديمة لحس هعقدكم ( او انا اللى هتعقد ) بحكم السن
لان اول كمبيوتر جبته كان فيه اختراع جديد ايامها ( سنة 1987 )اسمه فلوبى دسك 3.5 بوصة جبت علبة البلانك 10 قطع ب 120 ج
الماوس كان ب 110 ج
كارت ال فاكس ( اللى بتسموه مودم دلوقتى ) سرعة 9600 ب 1500 ج
اول هارد دسك جبته كان ب 2000 ج وكان سعته ضخمه جدا 20 ميجا !!!!!
وغيره كتير
كان اول كمبيوتر جبته فيه 2 فلوبى دريف 5.25 انش علشان نحمل منهم ال دوس ونبدأ نشتغل على الكمبيوتر , ماكانش فيه حاجة اسمها هارد دسك لسه
انا اسه جايب lg بـ 130
وهو اللى منتشر فى السوق بطريقة شديدة
اخوكم يوسف