Cold Air Intake .. VS .. Hot Air Intake

طبعا للي مش عارفين مبدئيا ده عبارة عن تعديل مدخل الهواء اللي داخل الموتور
و المشهور عموما هو الCold air intake .. تجيب ماسورة ستانلس و تخلي الفلتر يبقي يجيب الهوا من بره عند الشبكة مثلا بدل ما يجيبه من حوض الموتور
طب ليه ؟
طبعا ( و فيه ناس كتير عارفه الكلام ده ) لأن كثافة الهوا البارد أعلي مما يعني أن نفس الكمية الداخلة تحتوي علي أكسجين أكتر .. أي إحتراق أفضل .. و أدائ أفضل ( علي ال RPM العالي غير كده مش حتفرق )
الجديد بقي !
فيه ناس كتير في أمريكا بتركب Hot air intake !! و مش بس انه يخلي الهوا ييجي سخن من حوض الموتور .. لأ ده بيركب سخان علي الماسورة اللي رايحة
طب ليه ؟
لأن ( بالذات في العربيات اللي فيها سنسور أوكسجين ) الهوا السخن فيه أكسجين أقل في نفس الكمية و بالتالي تعمل وحدة التحكم علي إدخال هواء أكثر و بنزين أقل فتكون النتيجة أداء أقل قليلا و لكن استهلاك بنزين أقل بكثير
طب مين أحسن ؟
و الله من خلال خبرتي ببلدنا .. الناس عاوزة العربية ما تستهلكش بنزين خالص في الزحمة و لما المرور يفتح تبقي طيارة ..
. يبقي انسي الماسورة دي خالص .. ولا تبرد من بره .. ولا تركب سخان .. و عن خبرة !
* في الزحام الشديد بيبقي الهوا سخن في حوض الموتور و بره الموتور و في الزحمة كلها مما يساعد علي خفض الاستهلاك
* لما العربية تجري الهوا في ثواني حيدخل من فتحة الشبكة و تجدد الهوا اللي جوه الي هوا بارد من غير ماسورة ولا حاجة
* ( فيه ناس فكيكة بتركب الماسورة من بره لحد جوه من غير ما تركبها في الفلتر .. و بكده يسحب الفلتر هوا سخن عالواقف .. و لما تجري الماسورة تسرع لم الهوا البارد من بره و تخليه ( يطس ) في الفلتر
.
أتمني يكون الموضوع عجبكو

الهوا السخن بيقلل من قدرة الموتور.... بالتالى حتضطر تدوس بنزين زيادة لتعويض الفرق فى القدرة

MMamdouh

و الله كنت عارف انك أول واحد حتهتم بالرد علي الموضوع
ياباشا بنقول و انت واقف بيقل استهلاك البنزين جدا لا حتدوس ولا يحزنون
و حتي و الناس اللي مركبه سخان ماشية ثابته علي 100 مثلا استهلاك أقل
بس هو زي مانت قلت الدوسة هي اللي بتفرق .. و بتبقي أحسن مع الهوا البارد
فيه مواضيع كتير و بالأرقام عن القضة دي .. حاول تشوفها
و شكرا لردك علي أي حال

متابع +++

اقتباس:

---

المشاركة الأصلية كتبت بواسطة Hegazio

و بالتالي تعمل وحدة التحكم علي إدخال هواء أكثر و بنزين أقل فتكون النتيجة أداء أقل قليلا و لكن استهلاك بنزين أقل بكثير

---

شكرا على الموضوع اولا وكلامك مظبوط بس الحته دى عايزه تصحيح


شوف حضرتك الكنترول مش بيتحكم فى كميه الهواء اللى داخله للموتور ( انت اللى بتتحكم عن طريق ال Throttle )

اولا

الفكره ورا موضوع WAI or HAI ان انت بتدخل هواء ساخن وبالتالى بيحصل better fuel vaporization للوقود وبالتالى كفاءه الاحتراق بتكون احسن وبالتالى الاداء هايتحسن ككل.

ثانيا

هاتقوللى طيب ما الهواء داخل سخن وبالتالى كثافته قليله وبالتالى مفيش اكسجين بوفره علشان يتحرق هاقولك

افتح ال Throttle اكتر ودخل هواء اكتر ( طيب ده معناه انى هادوس على البدال واحرق بنزين اكثر !!! ) لا مش شرط خالص انت هاتدوس على البدال اكتر طبعا بس مش هاتحرق بنزين اكتر لان انت

عندك O2 سنسور بيتحكم فى ال A/f Ratio , بمعنا افتح ال Throttle زى مانت عايز ( ماعدا ال Wide open Throttle
علشان هنا الاشاره بتاعت ال O2 Sensor بتتلغى تماما علشان يحقق افضل اداء او تسارع بغض النظر عن

استهلاك الوقود ) ومش هايحصل زياده فى حرق الوقود ولا حاجه وخللى بالك انت كل مابتفتح ال Throttle اكتر

بتقلل من حاجه اسمها Throttle losses الناتجه من انك خانق مسار الهواء.



خد بالك معايا من الكلام ده


Some cars' engine control units (ECUs) adjust the air/fuel mixture based partly on readings from the intake air temperature (IAT) sensor. The warmer the air, the leaner the mixture


يعنى فيه Control units بتظبت ال A/f ratio بطريقه جزئيه عن طريق اشاره ال Inake air Temp sensor وبالتالى كل ماهايسخن الهواء ال IAT سنسور هايبعت اشاره للكنترول علشان يخللى الشحنه lean او فقيره وبالتاللى انت كده بتقول للكنترول احقن وقود اقل وبالتالى توفير فى استهلاك الوقود.


الموضوع ده فعلا زى مانت قلت معمول اساسا علشان التوفير فى الاستهلاك يعنى مش علشان ازود ال performance خالص ( مع انه ليه شويه مزايا حلوه )


شكرا ليك على فتح الموضوع ده ولو فيه اى حاجه تانيه قابلتنى هاحطها

:B4_388:Very informative Topic , Keep it up

يا باشا شكرا علي الإضافات و أنا قريت اللي انت كاتبه ده بالإضافة للي أنا كاتبه كوجهات نظر مختلفة بس كنت ميال للتانية
لكن ده لا يمنع منطقية كلامك جدا جدا
بس انت إيه رأيك في حركه الماسورة اللي جايه من بره بس مش قافلة علي الفلتر .. يعني واقف سخن .. بتجري بارد ؟

هى فكرة بس هل الموضوع مجدى للدرجة؟؟

MMamdouh

علي رأي الحكومة .. اللي أوفر فيه .. أنا أولي بيه
( بيقولو 9 % وفر - و كمان حوار الأسيتون ده 12 % وفر و عاوز أجربه هو كمان )

يافندم الفلتر شغال .. بس بالطريقة دي بيكون مخروطي الشكل .. شغال بالماسورة أو من غير
اعتبر بقي الماسورة دي ( بفتحتها اللي بتتعمل واسعة شوية و مواجهة لفتحات الشبكة مباشرة ) كأنها بتوجه تيار من الهواء البارد ( عند تحرك السيارة فقط طبعا . لأن عدم اتصالة مباشرة بالفلتر يلغي قدرة الشفط ) و لو العربية واقفة مش حيعمل حاجة و بالتالي يبقي هوا سخن

متابع جدا للموضوع الرائع ده
لانى عايز اجربه