polo 2003

**feffonow2206** · 23-09-2009 04:05 PM

السلام عليكم
انا عضو جديد فى المنتدى الجميل ده..وكنت عايز مساعدة من خبراء البولو
أنا قدامى عربية بولو 2003 عيون 1400 سىسى ماشية 72000 كم كاملة..وممكن تخلص على 48000ج
ف كنت احب تفيدونى هل هى عربية كويسة ولا لأ؟
هل قطع غيارها متوفرة فى التوكيل وفى خارج التوكيل؟
هل سعر اعادة البيع جيد ام لا؟
هل السعر اللى صاحبها عارضه كويس ولا لأ؟
وشكرااااااااااااااااااااا ااااااااااااااااااااااااا ااااااااااااااااااااااااا اااا

**karimnet** · 23-09-2009 04:17 PM

برازيلى ؟

**M.Mostafa80** · 23-09-2009 04:21 PM

هو السعر كويس بس يثر الجدل لنها المفروض فر رينج 50000وانت طالع لحد 56 كده
بس المشكله التانيه أن العربيه برازيلى وساعات كتير بعض الحاجات ما بتبقاش موجوده ودا طبعا عيب خطير وتيجى تدور عليها أستيراد ما بتلاقيهاش لأن تجار الأستيراد بيجيبو شغلهم من اوروبا وقليلا من اليابان
فمش هتلاقى حاجتها
أستخير ربنا الأول
وعلى فكره 2000 او 2001 أفضل من 2003

**umoussa** · 23-09-2009 07:51 PM

شوف يا عزيزي أنا حقولك حاجة تعملها وعلى أساسها تقرر

افتح كابوت العربية شوف العربية دي على مباين (4 مباين) ولا على موبينة واحدة و 4 بوجيهات.

لو العربية دي على 4 مباين متاخدش العربية دي حتى لو حيدولك عليها فلوس دا موتور bby ودا أسوء موتور موجود في البولو العيون وحاجة الموتور ده مش موجودة في السوق غير في التوكيل والحاجات الموجودة برة كلها مواصفات أوروبي ومبتشتغلش عليه.

طبعا أنت مش حتعرف تكتشف إذا كان مباين ولا بوجيهات. بص على الكنترول بتاع العربية حتلاقيه في صدر العربية لو أخر حرفين في المنترول ده fl والكنترول تصنيع ماجنيتي ماريللي، إصرف نظر فوراً.

لو الموتور ده على بوجيهات حتلاقي الكنترول تصنيع بوش وأخر 3 أرقام فيه 032 دا بقى تشتريه وانت مطمن.

العربية لو لونها دهبي، وديها عند واحد بتاع صاج واكشف على سقف العربية من ناحية السواق واكشف على حوض العربية علشان أنا عارف عربية بالمنظر ده وعارف مين الي عملها والعربية دي اتباعت بحوالي 35 ألف من حوالي 8 شهور

شكراً ليك يا عزيزي