الموضوع: جنوط 16 وفوانيس وفتحة سقف السيفيك 92

ازيكم يا شباب عاملين ايه .

انا زى مانتو عارفين ان انا جبت سيفيك si موديل 92 وعايز اعمل شوية حاجات كدة عشان اظبط الشكل طبعاً بمساعدكم .
1- هى فيها جنوط 14 وكاوتش جديد عايز اغيرهم ب 16 ياترى صح على على العربية ولا بلاش ولا تنصحونى باية ولو هاغير فى حاجة بتركب على المساعدين والطنابير عشان التغيير دا ولا لأ وفين بس يكون السعر حنين انش الله يكون مستعمل من عند واحد نضيف .

2- فتحة السقف عندى الزجاج بتاعها كان انكسر واتغير بس شكلة مش حلة عشان الكاوتش الى حولينه فى حته مقطوعة وانا خايف مع غسيل العربية وكدة الميه تدخل وتعمل بارومة وتسبب مشاكل الواحد فى غنا عنها مع العلم ان الفتحة شغالة كويس جداً بالكهرباء فى الفتح والغلق . دا اعملة فين وبكام .

3- بشوف عربيات هوندا جامدة أوى لو هاينفع هاحطلكوا الصور بتاعتها بتبقى عاملة الفانوس الامامى مع الاشارة حتة واحدة مفيش فرق بينهم دا غير الينسز والرينجات والفانوس الخلفى بيبقى عامل زى الكريستال كدة ياترى دا بيتعمل فين بأقل التكلفة بعيداً عن الحوارت والاشتغالات الى فى الحرفيين وعايز اركب نور ابيض شديد زى الزينون ايه افضل نوع لمبة وكام وات واجيبها منين وبكام ( مش عايز زينون لأنه غالى على الفاضى ) عايزين حاجات كدة فى اللذيذ .

مستنى ردودكم يا شباب