بشد في شعري

**madoo** · 27-09-2009 04:39 AM

المشاركة الأصلية كتبت بواسطة eslamegm

انا الامس روحت عز العرب و لفت نظري بروتن نيو واجا عربيه محترمة جدا عاليع عن الارض الماتور الجديد الكامبرو ممتاز فيها كل الابشن الي ممكن تتخيلو من مريات ضم ابنوس 2 اير باج ابي اس ايه بي دي و طاره مالتي فنكشن حساسات خلفيه والي حد ما مش ضيقه و لا واسعه اوي من جوه و كل ده 97000 ج

و بعد ما تلعت من عنده قلت اطلع علي توكيل دايهتسو بالمره لقيت هناك العملاقه جراند تيريوس فول اوبشن 4*2 ب 156000 7 راكب
ووجدت الاخت الصغيره تيريوس 4*4 اتوميتيك glx طاره مالتي فنكشن و تكيف تاتش ديجيتال 149000 و فيها زرار فصل 4*4 فسئلت مسئول المبيعات المتواجد بالمعرض في احمد عرابي ايه الفرق بين الاثنين رد و قالي لو انت هاتستخدم 7 راكب يبقي الجراند و لو مش محتاجه يبقي التيريوس اداءها افضل فبقول ازاي قالي في السفاري و الرحالات ( قال يعني كل يوم في سفاري )

المهم انا العربييتين بصراحه عجبوني اوي

و دلوقتي يا جماعه انا بصراحه حصرت المقارنه بين بروتون نيو واجا او تيريوس مستعمله 2008 4*4 علشان السفاري ها ها

افيدوني افادكم الله
سؤال اخير هو في فرق بين تيريوس 2009 و 2008 و 2007 glx

يعنى شوفت التريوس والجراند ومشوفتش الماتيريا

انا زعلان

على العموم ولو خلاص هتقرر بين الواجا والتريوس
يبقى اكيد اكيد التريوس ....كفايه انها يابانى 100%

**M.Mosaad** · 27-09-2009 10:49 AM

المشاركة الأصلية كتبت بواسطة madoo

يعنى شوفت التريوس والجراند ومشوفتش الماتيريا

انا زعلان

على العموم ولو خلاص هتقرر بين الواجا والتريوس
يبقى اكيد اكيد التريوس ....كفايه انها يابانى 100%

علي فكرة انا كمان رايي الماتيريا لانها واسعةةةةةةةةةةة + رياضيه شوية و دة عيب التيريوس انها عائليه
لكن الماتيريا عائليه لانها واسعه و سحبها رائع جدااااا و شكلها تحفةةةةةة و سعرها مناسب اوي و محدش طلع فيها اي عيوب من ساعه مانزلت ماشاء الله

**eslamegm** · 27-09-2009 11:07 AM

المشاركة الأصلية كتبت بواسطة madoo

يعنى شوفت التريوس والجراند ومشوفتش الماتيريا

انا زعلان

على العموم ولو خلاص هتقرر بين الواجا والتريوس
يبقى اكيد اكيد التريوس ....كفايه انها يابانى 100%

انا مايرضنسش زعلك خالص و السبب ان انا متفرجتش علي الماتريا ان اخويا مع ماتريا 2007 فلم اكن في حاجه الي رؤيتها من جديد لاني حفظها و في مشاكل وجهت اخويا منها
اولا: العفشه نشفه جدا جدا جدا جدا كل ظلطه في الارض بتحس بيها و انت جوه العربيه
ثانيا: قطع الغيار مش متوفره في التوكيل باستمرار و اكيد و لا بره التوكيل و مش هاتكلم علي اسعارها لانها زي التيريوس تقريبا علي سبيل المثال تيل الفرامل عايز يتغير بقاله اسبوع و مش موجود تخيلوا
ثالثا : تخيلوا ان المساعد الخلفي يمين جاب زيت و قلولو في التوكيل هم مش موجود و خلال شهر هانكلمك نقولك هو جي و لا لا مع العلم دي صيانه 30 الف مش ال60 و لا 80

رابعا : العربيه ظلمة اوي بليل و انا بخاف من الظلمه
احسن حاجه في العربيه ان توكيلها احسن ما يكون معامله جميله جدا جدا اكل و شرب ببلاش و بلاي

ستيشن و منطقه لعب اطفال و واوي فاي حاجه تخليك تحب تروح التوكيل كل يوم
و شكرا

و ياريت تفيدوني ما الفرق بين الجراند تيريوس 2008 و 2009
و التيريوس 2007 و 2008 و 2009

و رنج اسعارهم في المستعمل في حدود كام

**dodi2** · 27-09-2009 01:28 PM

طب يا اخونا تيدا و لا نيو سيراتو و متقلوش بس علشان يابانىو كورى

**eslamegm** · 28-09-2009 05:32 AM

المشاركة الأصلية كتبت بواسطة dodi2

طب يا اخونا تيدا و لا نيو سيراتو و متقلوش بس علشان يابانىو كورى

شوف البروتن نيو واجا او البيرسونا مدام بتفكر في الفئه دي السيدان

**Ayman_52** · 29-09-2009 07:47 AM

المشاركة الأصلية كتبت بواسطة eslamegm

انا الامس روحت عز العرب و لفت نظري بروتن نيو واجا عربيه محترمة جدا عاليع عن الارض الماتور الجديد الكامبرو ممتاز فيها كل الابشن الي ممكن تتخيلو من مريات ضم ابنوس 2 اير باج ابي اس ايه بي دي و طاره مالتي فنكشن حساسات خلفيه والي حد ما مش ضيقه و لا واسعه اوي من جوه و كل ده 97000 ج

و بعد ما تلعت من عنده قلت اطلع علي توكيل دايهتسو بالمره لقيت هناك العملاقه جراند تيريوس فول اوبشن 4*2 ب 156000 7 راكب
ووجدت الاخت الصغيره تيريوس 4*4 اتوميتيك glx طاره مالتي فنكشن و تكيف تاتش ديجيتال 149000 و فيها زرار فصل 4*4 فسئلت مسئول المبيعات المتواجد بالمعرض في احمد عرابي ايه الفرق بين الاثنين رد و قالي لو انت هاتستخدم 7 راكب يبقي الجراند و لو مش محتاجه يبقي التيريوس اداءها افضل فبقول ازاي قالي في السفاري و الرحالات ( قال يعني كل يوم في سفاري )

المهم انا العربييتين بصراحه عجبوني اوي

و دلوقتي يا جماعه انا بصراحه حصرت المقارنه بين بروتون نيو واجا او تيريوس مستعمله 2008 4*4 علشان السفاري ها ها

افيدوني افادكم الله
سؤال اخير هو في فرق بين تيريوس 2009 و 2008 و 2007 glx

التيريوس ... عربيه عاليه , شكل جميل ... , سمعت ان ثباتها مش اوى ... بالاضافه ان سحبها مش حلو

وملاكها هيفيدوا حضرتك اكتر منى

----

الواجــــا .... موتور كامبرو 110hp , ثبات , كماليات , صاج .....

لمزيد من المعلومــــات ... تفضـــل بزيارتنـــا فى قســم بروتـــون

----

وربنا يوفق حضرتك للاختيار الخير ان شاء الله

واحنــــا تحــت امرك فى اى استفســـــــــار

تحيــــــــاتـــــى

**eslamegm** · 02-10-2009 12:39 AM

انا اسف يا جماعة انا شكلي كده هاخليكوا تشدو في شعركوا معايا ايه رأيكوا في موديل 2002 او 2003 BMW 318i لو حد يعرف حاجه عنها يقولي وايه اخبار التوكيل بتاعه هو ابو الفتوح و لا البفاريه و قطع غيارها اخبارها ايه و بنزينه 90 و لا 92 عموما هي العربيه عامله ايه