الموضوع: كورولا 2010 اوتوماتيك - هل من مجيب ؟؟؟

انا ملاحظ ان حضرتك قلقان جامد و عملت مواضيع كتير عن الكورولا .. حضرتك لازم تعرف ان الكورولا هتريحك فى كل حاجة انت عايزها و مفيش حد ممكن يشترى عربية من تويوتا و يندم ..

من تسارع و ثبات و اداء لقطع غيار و اعادة بيع لتقفيل نظيف و جودة خامات و اوبشنز كتير ..

انا قلت فى التقييم بتاعى ان العربية بتديك كل حاجة بس مش بامتياز ..

يعنى مثلا السيفيك بتديك اداء ممتاز .. بس قطع غيارها غالية و سعر اعادة بيعها مش زاى الكورولا .. فهمتنى ؟؟

عامة انا بردو هرد على اسألتك عشان تبقى مطمن %100 و عارف انت بتشترى ايه

1-فى الفئة دى السيفيك هى الافضل فى الاداء و الثبات و تأتى بعدها الكورولا على طول

2-ثبات يخليك مطمن بس مش زاى السيفيك لان السيفيك اوطى على الارض

3-معنديش فكرة الحقيقة

4-مفيش

5-الزينون واطى بس

6-طبعا قوى واضح

7-مش فاهم

8-مركبتش جيتا قبل كدة بس مقارنتا باللانسر فهى ممتازة و مفيش رجرجة كتير


ارجو انى اكون افدتك و ربنا يوفقك فى الاختيار

المشاركة الأصلية كتبت بواسطة kareemhisham

انا قلت فى التقييم بتاعى ان العربية بتديك كل حاجة بس مش بامتياز ..

عجباني اوي الجملة دي .

المشاركة الأصلية كتبت بواسطة ابو الوليد المصرى

عجباني اوي الجملة دي .

احنا ناس جامدين اوى بردو

من الحاجات المعروفة عن الكورولا ان عفشتها ناعمة و سهلة ..

اما موضوع الفرامل و التيل فدة ممكن يفيدك فيه ابو وليد او ابو سمرة او الاستاذ فاروق لانهم معاهم العربية بقالها فترة كبيرة ..

المشاركة الأصلية كتبت بواسطة zinc

اشكرك ---
معلش انا بتعبك معايا

ولا تعب ولا حاجة ..

انا حاسس ان انت التعبان من الحيرة

المشاركة الأصلية كتبت بواسطة zinc

اشكركم لردودكم القيمه --
انا عملت الموضوع ده بعد ما لاحظت ان فيه اكتر من واحد جرب الكورولا الاوتو فقلت اشوف برده وجهات نظرهم -
و تاني حاجه المشكله اللي انا بسأل عليها في اخر سؤال ( العفشه )-خاصه ان انا سمعت ان العفشه الياباني كلها كده
و برده كل شويه اكتشف ان فيه حاجه ناقصه فيها - زي وحدات رفع الزجاج
و في حاجه كمان لاحظتها في الكورولا 2003 ان فراملها بتضعف كل شويه-
ولكني بسمع ان الالماني بتفضل قويه لاخر يوم ( يعني التيل بيوقف العربيه لحد اخر حته فيه ) --
فمش عارف كل شويه تطلعلي حاجه - و خاصه اني مش هشتري قبل شهر

الفرامل عندي في الكورولا يتديك نفس الأداء لغاية اخر حتة في التيل بشرط المحافظة علي الصيانة لأن في كل صيانة بيتم عمل رجلاش للفرامل.
الحيرة اللي حضرتك فيها سببها ان حضرتك مش محدد احتياجاتك من السيارة لأن كل الناس عايزة لما تشتري عربية يكون فيها كل حاجة هما محتاجنها (سعر معقول-قطع غيار متوفرة ورخيصة-ثبات بدرجة ممتاز-احساس بالراحة-معمرة-اي حد يعرف يصلحها-سعر اعادة بيع ممتاز-كماليات كتير-متانة-شكل حلو-خامات جيدة-تقفيل ممتاز-نعومة عفشة-فتيس بيعمل كل حاجة يبقي بتاع شد وجري ويكون في نفس الوقت ناعم-عوامل امان-مصاريف تشغيل قليلة-توكيل محترم-مناسبة للطرق بتاعتنا-موتور قوي-رفاهية وفخامة)
دول حوالي 20 حاجة من الصعب جدا ان هم يجتمعوا في عربية واحدة فحضرتك تشوف اهم الأشياء من الحاجات دى بالنسبة ليك وتحب ان هي تكون في عربيتك.