من فضلكم تسعيراوبترا 2009

**llottfy** · 24-09-2009 02:39 PM

اولا كل سنه وانتم طيبين انا بصراحه متابع المنتدى من فتره لانى ناوى اشترى المهم علشان ما اطولش عليكم انا معروض عليل سياره اوبترا2009 اوتوماتك الون نبيتي مش رشه العداد 45000كم بها فرش جلدوجنوط والمطلوب فيها 77000 وانا بصراحه ماليش خبره خالص كده كتير ولامعقول ارجو ان اصحاب الخبره يدلونى الصح وكيفيه الكشف الصحيح على السياره وشكرا

**محمد أنور** · 24-09-2009 06:47 PM

على فكرة سعرها كويس جدا لأنها جديدة 2009 ب 92 الف تقريبا .. حاول تكشف عليها في التوكيل و ممكن ينزلك كمان في سعرها لأن عداد الكيلومتر عالي اوي .. انا كنت عامل ال 45 الف في 3 سنين.. مش في اقل من سنة !! و ربنا يوفقك

**akram2010** · 24-09-2009 07:57 PM

45000 كم فى سيارة 2009 معنى الكلام دة سيارة مستخدمه اما فى مكاتب تآجير مسافات طويله وعايزين يخلصوا منها . انصحك بلاش لان الكليو دة عالى جدآ فى اقل من سنه

**ahmedsherif81** · 24-09-2009 08:46 PM

نصيحة الكيلو متر مش مقياس لحالة السيارة اكشف عليها كويس واذا كانت حالتة كويسة اشتريها وربنا يوفقق

**ahmad--ezzat** · 24-09-2009 08:53 PM

45 اللف ...امال لو موديل 2007 كان هيبقى كام...على العموم اكشف فى التوكيل لو سليمه توكل على الله

**akram2010** · 25-09-2009 09:37 AM

خلى بالك الاوبترا شفط بنزين وجوة البلد هاتسحب اكثر وغير اقتصاديه فى بنزينها بالمرة وحاجهتها غاليه انصحك تشوف لك لانسر مستعمل نظيف او هيونداى سحب اقل وقطع متوفرة واى ميكانيكى يصلحها وغالبآ قطع غيارها تلاقيها جنبه متوفرة وماتوجع راسك

**llottfy** · 25-09-2009 06:26 PM

هى فى الحقيقه بتاعه صديق صديقى وماشيه 45000لان سفرياته كتير وبصراحه هو صارف عليها حسب كلامه وربنا يسهل ان شاء الله هاكشف عليها فى التوكيل وهاقولكم النتيجه وربنا يوفقنى للى فيه الخير

**ahmedsherif81** · 26-09-2009 11:14 AM

permalink
خلى بالك الاوبترا شفط بنزين وجوة البلد هاتسحب اكثر وغير اقتصاديه فى بنزينها بالمرة وحاجهتها غاليه انصحك تشوف لك لانسر مستعمل نظيف او هيونداى سحب اقل وقطع متوفرة واى ميكانيكى يصلحها وغالبآ قطع غيارها تلاقيها جنبه متوفرة وماتوجع راسك

صحيح استهلكها عالي بس زيها زي النوبيرا اي ميكانيكي يشتغل فيها ولون احسن لاي عربية التوكيل طالما هي مش 128 وعلى العموم حاجتها مش غالية ومتوفرة برة التوكيل دون تحيز هي عربية حلوة وانا مش معايا اوبترا انا معايا تيوتا 2003 وهابيعها لاني متعود على موتور 1600 وكنت بفكر في الاوبترا لان كان معايا واحدة قبل التيوتا مو2007 وكانت جميلة بس استهلاك البنزين هو الي كان عالي لكن قطع الغيار مش غالية وزيها زي النوبيرا والكوري عربية مش صعب صيانتها خالص

**ahmed643** · 27-09-2009 12:24 AM

عربيه موديل 2009 وب 77 ؟ شويه جدا عليها لان العربيه اتوماتك والموديل الجديد تقريبا نزل بقاله شهر بس ده مينزلهاش ل 77 تلعب فى 80 حتى لو كانت عامله 60000 كيلو طالما حالتها كويسه وصيانتها مظببوطه