سقف السيارة كيف نحميه؟

**bondjames** · 24-09-2009 03:45 PM

غطيت العربية حتى أحميها من الخدوش فإذا بالكلاب تبات فوق السقف وأنزل كل يوم ألاقيه متطبق - مش مفروض ده ليه عضم تحته؟ - حد فك فرش السقف قبل كده؟ حد قابلته نفس المشكلة ؟ وياترى عمل فيها إيه؟ وضع شبكة يشوه شكل السقف! - حد ركب Roof Rack زى بتاع الماتريكس مثلا ؟ يا ريت إقتراحتكم الجميلة

**bondjames** · 24-09-2009 03:58 PM

نسيت أقولكم إن سيارتى نوبيرا 2

**N.a.j.d** · 24-09-2009 04:03 PM

لو لقيت السقف مطبق بامكانك تردو من جوا حاول كده وبعدين حكايه الخدوش دي احسن حاجاه بتعملها انك تغطي العربيه في اي مكان بتركن في العربيه كده بتريح دماغك
خلي بالك من حكايه الكلاب دي ايش معنى عربيتك انتا تنام بيها الكلاب دي
ربنا يحميلك عربيتك

**zocor742** · 24-09-2009 04:28 PM

للأسف كل كام يوم كدة انزل الاقى السقف مطبق اقوم مخبط من تحت من عند فرش السقف ويرد تانى بس من كتر ما عملت ىالحكاية دية وحاسس ان الصاج بقى فية تعريجة مكان التطبيق بتبان مع ضوء الشمس او تحت كشاف فقط
الغريبة بقى ان الكلب ابن الكلب دة انة بينام فى نفس المكان بالملى ولا بيروح يمين سنتى ولا شمال سنتى هيا هيا التطبيقة بتاعت كل مرة

**N.a.j.d** · 24-09-2009 04:37 PM

دا بجد ابن كلب ههههه
شفلك جراج وركن عربيتك بي اكيد كلب يروحلو حته تانيه او يموووووت هههه

**waleed_home** · 24-09-2009 04:39 PM

حاول تركن بعيد عن صناديق الزبالة ولو اتخنقت قوى سم الكلاب وريح دماغك

**elwad_crazy** · 24-09-2009 04:46 PM

الحل هوه
انت غطيها وكله تمام

واطلع وسيب العربيه
وراقب الكلب ده
وانزل ومعاك حد وخلى معاكوا شومه

وانزلوا على الكلب ضرب وهوه هيحرم ومتقلقش طالما انت ليك حق الكلب مش هيقدر يفتح بقه

**bondjames** · 24-09-2009 04:47 PM

تصدقوا الكلاب دى مربيها سايس جراج على بعد 300 متر عن العربية - و لا يوجد صناديق زبالة لكن انتم عارفين ناس كتير بترمى شنط زبالة فى الشارع باكرا جدا وهم رايحين أشغالهم - النكتة المبكية إن العربية مركونة فى ال Park قدام العمارة - منتظر إقتراحاتكم

**bondjames** · 24-09-2009 04:48 PM

المشاركة الأصلية كتبت بواسطة elwad_crazy

الحل هوه
انت غطيها وكله تمام

واطلع وسيب العربيه
وراقب الكلب ده
وانزل ومعاك حد وخلى معاكوا شومه

وانزلوا على الكلب ضرب وهوه هيحرم ومتقلقش طالما انت ليك حق الكلب مش هيقدر يفتح بقه

طيب ما تعرفش أشترى الشومة من عند مين؟ :pointi~2[2]:

**bondjames** · 24-09-2009 04:51 PM

المشاركة الأصلية كتبت بواسطة waleed_home

حاول تركن بعيد عن صناديق الزبالة ولو اتخنقت قوى سم الكلاب وريح دماغك

والله إقتراح كويس بس تخيل لو حد أخذ العضمة المسمومة دى و عمل عليها شوربة أنا اللى هاروح فى داهية:pointi~2[2]:

الموضوع: سقف السيارة كيف نحميه؟

LinkBack

أدوات الموضوع

عرض

-

-

-

-

-

المواضيع المتشابهه

فيديو تعديل زجاج السيارة (ترويش السيارة)

السيارة بتكون مكتومة استجابتها للبنزين بطيئة عند تفويل السيارة للاخر بالبنزين

خطوات شراء سيارة مستعملة + نقل السيارة من مرور لأخر و السيارة رخصتها فى فترة السماح

Gm بتمنح عملائها 60 يوم لتجربة السيارة لضمان الرضاء عن السيارة (مش في مصر!!)

لماذا تعمل مروحة السيارة بعد ايقاف تشغيل السيارة؟

الكلمات الدلالية لهذا الموضوع

المفضلات

المفضلات

ضوابط المشاركة