ياخوانا التيريوس عربيه جميله ولذيذه بس هي مش عربيه شد وجري
دي موتورها 1500 يا جماعه يعني متجيش تشد مع سيريون ولا لانسر ولا اي عربيه سيدان وتقول دي سحبها ضعيف لانها مش عربيه سحب جري اصلا ّ!!! هي العربيه كده العيب مش فيها
عرض للطباعة
ياخوانا التيريوس عربيه جميله ولذيذه بس هي مش عربيه شد وجري
دي موتورها 1500 يا جماعه يعني متجيش تشد مع سيريون ولا لانسر ولا اي عربيه سيدان وتقول دي سحبها ضعيف لانها مش عربيه سحب جري اصلا ّ!!! هي العربيه كده العيب مش فيها
ياباشا انت لسة متعرفشي استاذ اكرم صدقني لو الاخ اللي عامل الموضوع بيقول ان سحب الهامر وحش هتلاقي استاذ اكرم يقوله الفيرنا لا يعلي عليها خفيفه و سريعه - يا جماعه الاستاذ دة مبيتقيش ربنا في نصيحته يعني مفيش اي دين قالك لما حد يطلب منك نصيحه تتوهه لان كلمه الواحد دي امانه في ناس بتسمعها و تمشي عليها يعني ربنا هيحاسبة حساب عسير علي الكذب اللي بيقوله فمتتعبشي نفسك و ترد عليه سيبه لربنا
بالنسبة للاخ صاحب الموضوع التيريوس عربيه عائليه طبيعي انها مش بتاعه شد و حرق و غرز و كدة هي عاوزة سواقه هاديه و مريحه معاك عيلتك و ماشيين براحتكم انا مجربتهاش بس دة من ملاحظلاتي في الشارع يعني متتقارنشي باللانسر ال 1600 او الكورولا هي عربيه عاليه عن الارض مناسبة للبلد المقرفه بتاعتنا اللي مليانه مطبات مريحه في السواقه استايل شيك واسعه و شنطة حلوة و لو عيله كبيرة ال 7 راكب برضة مش وحشة بس مش جرايه طبعا بس برضة ممكن يكون حضرتك عندك مشكله فالاحسن تروح التوكيل تكشف عليها
التسارع واستهلاك البنزين سىء فى التيريوس ...دا شىء حقيقى ...
بس عادى يعنى مش قصة برده ...
تسارع في التيريوس هو مش التيريوس 4*4 برده فيه حد بيعيب علي عربيه 4*4 انها تسارع بتاعها تعبان
كل عربيه ولها مجالها واستخدامها لكن في مصر كل هم الناس التسارع والجري مع ان شوارع وطرقات مصر لا تشجع علي الاطلااااااااااااق !!!!!!!!!!!!
فعلا معاك حق يا شريف باشا فى كل اللى قولته
كل عربية ليها استخداماتها وكل واحد بيشوف العربية الى تناسب سعره واحتياجاته
احنا بنتباهى بالسرعات فى بلدنا والعداد بيجيب لحد كام220 ولا 240
مع انك لو حسبتها حتلاقى اى حد بيجيب 120بالعافية مش عشان امكانيات السيارة ولكن عشان طرقنا الجميلةولو جبت 150ده بيكون للحظات صغيرة وفى طريق معين يعنى اوبشن مش بنستخدمه اصلا وربنا يكفيكو ويكفينا شر الطريق
هاني باشا كل سنه وانت طيب
اللي بيضايق في الموضوع انه بيقولك تسارع ضعيف وسحب بطيئ وكلام غير منطقي انا جايب عربيه زي التيريوس 4*4 وعاليه وتقيله علي موتورها يعني من الاخر مش بتاعت جري وسحب خالص
هي تجيب سرعات عادي بس براحتها لكن متجيش تشد وتحرق وتقولي اصل العربيه سحبها بطيئ وتجميعها مش حلو
والمفروض كل واحد يبقي عارف غرض العربيه دي ايييييه اي عربيه 4*4 وعاليه مش بتاعت انك تجري بيها بس زي ماقلنا هنا في مصر كل واحد جايب عربيه جديده اي كان نوعها كل همه يطلع يقفل العداد ويقولك قفلت العداد او العربيه ليه مش بتقفل العداد
ده الادهي من كده ادخل اي ققسم ميتسوبيشي مازدا تيوتا هوندا سوبارو اوبل اي نوع لازم هتلاقي موضوع ايه اعلي سرعه جبتها بعربيتك
او واحد يا يعيني عليه بيعاني من مشكله وتلاقيه عامل الفيس الحزين:N_no[1]: وكاتبلك عنوان الحقوني يارجااااااااااله العربيه بتجيب 200 بس ومش راضيه تجيب 220 او هو ليه العربيه عندي اخرها 190 ؟؟ والعداد اخره 220 وواحد مش عجبه سحب العربيه وعايز يزود البيرفورمنس بتاعها عشان بتجيب 190 بس
بجد ببقي هشد في شعرييييي من الناس دي :dontudear:
الواحد بيمشي 120 وبحس انه طاير في معظم الطرق المصريه الظريفه
الخلاصه يعني ان المفروض الواحد يبقي عارف العربيه اللي جايبه امكانيتها اييييه ويبقي هو نفسه قبل ما يشتري العربيه عارف هو عايز ايه من العربيه
ولو عايز جري وتقفل العداد عيني عينك ووفر فلوسك وهات فيرنا ب 60 الف جنيه وهتقفل معاك العداد:B4_048:
وربنا يسترها علينا
مهو ياباشا مع الاعتذار وكل الاحترام لماكي هذه السياره
الفيرنا عياره عن موتور فقط لا غير وفعلا بتقفل العداد بكل سهوووووله
فانا بقول يعني اللي عايز جري بقه ودماغه في الشد وكده يريح دماغه ويوفر اكتر من نصف تمن التيريوس ويجيب فيرنا ب 65000 تقريبا ويجري بقه ويسحب ويجمع ويشد وكل اللي نفسه فيه
عزيزى الفاضل
دى حاجة طبيعية لأن الموتور 1500 سى سى ضعيف على جسم العربية اللى كبر عن الجيل السابق ووزنه العالى والعربية فاضية
فما بالك لو راكب معاك حد او محمل شنط وغيره وهى اساسا بتنزل بمواتير اعلى برة بس انت عارف عشان الجمارك
وكمان الاوتوماتيك عامة استجابته بطيئة من المانيوال
ونصيحتى ليك ماتقرصش على العربية جامد فى التليين لحد اما توصل 10000 كم او خدها واحدة واحدة على كل نسبة من الفتيس وماتشبعش الغيار
وانشالله تبقى كويسة معاك