ملك المغرب يرسل سيارته لاصلاحها في بريطانيا على متن طائرة عسكرية

عرض للطباعة

عرض 40 مشاركات من هذا الموضوع لكل صفحة

24-09-2009, 08:46 PM
Dr Zezo

ملك المغرب يرسل سيارته لاصلاحها في بريطانيا على متن طائرة عسكرية

ملك المغرب يرسل سيارته لاصلاحها في بريطانيا على متن طائرة عسكرية

قام محمد السادس ملك المغرب بنقل سيارته - وهي من فئة استون مارتن - إلى بريطانيا للقيام بإصلاحها مستخدما احدى طائرات النقل العسكرية التابعة للجيش المغربي.وأشارت صحيفة ذا صن البريطانية إلى أن سيارة الملك المغربي قطعت مسافة قدرها 1300 ميل من مدينة الرباط إلى بريطانيا في حين كان من الممكن أن تقطع مسافة قدرها 140 ميل فقط لإصلاحها في ماربيلا باسبانيا.
ونعتت الصحيفة الانجليزية الملك محمد السادس بأنه "مجنون سيارات".
من ناحية أخرى، وصف أصدقاء البيئة هذه الرحلة بأنها "مضحكة".
وقال المتحدث باسمهم طوني بوزورث "تعد الطائرات أكثر وسائل نقل البضائع تلويثا للبيئة، وبالتأكيد كان من الممكن إصلاح السيارة في مكان أقرب لبلاده (المغرب)".

ملك المغرب يرسل سيارته لاصلاحها في بريطانيا على متن طائرة عسكرية
24-09-2009, 09:18 PM
BUNSH

عااااااااااااادى جداا علشان مش حاسسين بقيمة فلوس:I_angr1[1]:...وكان فى امير قطرى قام بأرسال سيارتة خاصة (( Lamborghini Murcielago LP 670-4 SuperVeloce )) على متن طائرتة خاصة لايطاليا علشان يغير زيت وشوية حاجات لعربية...عااادى:I_angr1[1]:
24-09-2009, 10:25 PM
كابوس الليل

ياهه خسارة كان قالى عشان كان فى قشرة لبة واقعة فى العربية عندى كنت عايز اوديها المصنع شيلوها
ملهوش حق الصراحة
24-09-2009, 10:54 PM
tutankhamoun

أصل البلاد دي ( بلادنا ) مفيهاش حساب ...... الملك أو الرئيس يملك البلد و البلاد بمن فيها و لا يقدر أحد أن يحاسبه .

و مش الملك بس أو الرئيس بس ....... لازم الحاشية اللي بتطرمخ على اللي بيحصل علشان تستفيد طبعا .

و علشان كدا هاتفضل فلسطين ضايعة و بلادنا ملطشة للي يسوى و اللي ما يسواش ......
و نعيش و نحيا في التخلف و الجهل

حتى الصحف البريطانية مش عاجبها البذخ ............... و أتريقوا عليه .........
24-09-2009, 10:59 PM
bemocarlo

هو ده السفه بعينه.ما هي تكيه لقاها جاهزه.ولو كان رئيس دوله اوربيه او حتي مسؤل كانت الصحافه طلعت عينه.
bemo,ire
24-09-2009, 11:07 PM
HAMZAWY

والله انا شايف انو بفلوسو يعمل اللى هو عايزو ده ملك مش رئيس جمهورية يعنى البلد كلها بتاعتو
24-09-2009, 11:08 PM
EslaM_NagY

ومين دافع تمن الوقود بتاع الطيارة ؟!!!!!!!!!!!!!!
24-09-2009, 11:14 PM
tutankhamoun

اقتباس:

المشاركة الأصلية كتبت بواسطة hamzawy

والله انا شايف انو بفلوسو يعمل اللى هو عايزو ده ملك مش رئيس جمهورية يعنى البلد كلها بتاعتو

أولا الفلوس دي مش فلوسه ........ دي فلوس البلد يعني فلوس الناس و هو جزء من الناس .
ثانيا هو أستخدم طائرة عسكرية علشان يبعت عربية تتصلح في أنجلترا و كان عنده بديل في أسبانيا أقرب بكتير

ثالثا ..... هاتلي بلد واحدة في أوروبا فيها ملك يقدر يعمل حاجة زي دي

الملوك هناك لهم مرتبات ......... و بيصرفوا منها ....... غير كدا .......... لاءة .
24-09-2009, 11:21 PM
كابوس الليل

اقتباس:

المشاركة الأصلية كتبت بواسطة EslaM_NagY

ومين دافع تمن الوقود بتاع الطيارة ؟!!!!!!!!!!!!!!

وانت مالك ؟ كل حاجة كدة عايز تعرفها؟:brn:
25-09-2009, 01:38 AM
Abo_Lina

و الله الرؤساء و الملوك محظوظين بالشعوب بتاعتهم
25-09-2009, 01:52 AM
Terrible_DaRsH

هما دول العرب .
25-09-2009, 02:01 AM
Youssef.Awad

ياجماعة حرام عليكم
يعنى الراجل مش لازم يحافظ على العربية ويعملها الصيانة فى التوكيل ... قصدى الشركة الأم
وبعدين كل واحد حر فى اللى يملكه هاتيجى عليه يعنى امال الاخوة فى الامارات يعملوا ايه
مسافتهم ابعد بالتأكيد
25-09-2009, 02:08 AM
blazer

انا مستغرب من ردود الاعضاء !!
الراجل كتر الف خيره بدل اما يشترى واحده جديده
بيوفر للبلد فلوس و بيصلحها فى التوكيل زى ما اى حد فيكم بيروح يعمل صيانه ال 5000 و ال 10000
-بجد قمه التخلف اكيد الرحله دى اتكلفت اكتر من تمن العربيه جديده -
25-09-2009, 02:21 AM
Lord_Fouad

صباح الروقان ..
صحيح هو بيصلحها دة لوحده قمة التوفير ..
عندنا في مصر الوزير بيغير العربية لو الطفاية اتملت
25-09-2009, 02:50 AM
Mostafa.Mahran

يا جماعة ده ملك دولة لو ده معملش كده مين هيعمل و بعدين انا عربيتى ببعتها ايطاليا علشان اعملها الكشف الدورى فمفيش مشكلة
25-09-2009, 03:24 AM
besbescat

حسبنا الله ونعم الوكيل ألهذا جعلت الطائرات الحربية
لك الله يا غزة
لكم الله يا مسلمون
25-09-2009, 03:38 AM
KHALED AYMAN

هو انتو تعرفو العربيه فيها ايه عشان تتكلمو ..
يا جماعه الموضوع خطير ..
العربيه
وصله ال aux بتاعها
فيها مشكله
ان فيها صوت زنه خفيفه ..
و ده بيضايقه لما بييجى يسمع ترنسات !!!
سال عند كل كهربائيه البلد قالوله عليك و على الشركه الام ..
فهو بعتها تتصلح فى الضمان ..
و كمان هيعملو رجلاش على الفرامل ..
و فيها صوت تكه و هى بتاخد التالت ..
شوفتو كميه المشاكل ...
انا بقوله يبيعها ...
25-09-2009, 10:29 AM
mobitic

بجد حاجات تحرق الدم
دا لو فى إسرائيل كانوا دفعوه تمن الطيارة والعربية وتكاليف الصيانة اللى عملها وبعدها يفضحوه فضيحة ..... يوم طلوعه على المعاش ومش بعيد كانوا حطوا السيخ المحمى فى صرصور ودنه :36_1_40[1]:.
25-09-2009, 06:02 PM
شريف

لسة العرب عايشين فى خزعبلات الماضى وملك يملك دولة و مفيش حد يقدر يقف فى وشة
دة ولا السلطان حبظلم
25-09-2009, 06:32 PM
mnabil1980

عندى تعليق واحد

عمر بن عبد العزيز كان بيستخدم شمعتين .. شمعة مملوكة للدولة بيستخدمها فى كتابة المكاتبات الخاصة بالخلافة وشمعة مملوكة له من ماله الشخصى يستخدمها عندما يكتب أشياء خاصة به.
25-09-2009, 06:42 PM
dr_abooody

سيارة تمنها كام مليون مش هتفرق يدفع كام الف يعني عشان يوصلها تتصلح برة دة اقل واجب بدل ما حد يخربهالة في المغرب
26-09-2009, 04:00 AM
Karim_Monir

انتو بتتكلمو جد
بتسالو عن تمن البنزين اللي نقل بيه السيارة
محدش سال جاب تمن السيارة نفسها منين
هاهاهاها
26-09-2009, 04:44 AM
medo_sirion

اقتباس:

المشاركة الأصلية كتبت بواسطة KHALED AYMAN

هو انتو تعرفو العربيه فيها ايه عشان تتكلمو ..
يا جماعه الموضوع خطير ..
العربيه
وصله ال aux بتاعها
فيها مشكله
ان فيها صوت زنه خفيفه ..
و ده بيضايقه لما بييجى يسمع ترنسات !!!
سال عند كل كهربائيه البلد قالوله عليك و على الشركه الام ..
فهو بعتها تتصلح فى الضمان ..
و كمان هيعملو رجلاش على الفرامل ..
و فيها صوت تكه و هى بتاخد التالت ..
شوفتو كميه المشاكل ...
انا بقوله يبيعها ...

اجمد تعليق:E_braces[1]:
26-09-2009, 06:21 AM
Samah AbdAllah

اقتباس:

المشاركة الأصلية كتبت بواسطة karim_monir

انتو بتتكلمو جد
بتسالو عن تمن البنزين اللي نقل بيه السيارة
محدش سال جاب تمن السيارة نفسها منين
هاهاهاها

ده سؤال برضه يا كريم
تلاقيه واخد قرض من البنك بضمان وظيفته :coool::10D5C8~1107:
26-09-2009, 08:51 AM
tutankhamoun

اقتباس:

المشاركة الأصلية كتبت بواسطة baskota

ده سؤال برضه يا كريم
تلاقيه واخد قرض من البنك بضمان وظيفته :coool::10d5c8~1107:

و تلاقيه كمان كان خايف على العربية اللي ثمنها لسة مخلصشي و خايف أي ميكانيكي يخربها قبل ما يخلص القسط علشان كدا تلاقيه قال في عقل باله ....... أبعتها يا واد تتصلح في التوكيل أضمن أحسن أقع في مشاكل مع البنك و التأمين و بتاع .

مع كامل أحترامي لملك المغرب اللي أنا بأحترمه جدا .....

بس ساعات أفعالهم ( ملوكنا و رؤسئنا ) تفقع المرارة ...... :b4_556:
27-09-2009, 05:56 AM
MaZaGAngeE

على الأقل ده ملك أبوه ملك وجده ملك . . الأمراء والملوك بتوع الخليج نضفوا بلادهم و روقوا شعوبهم . . خد عندك دبي بقت من أهم مواني اعادة التصدير . . قطر أكتر بلد عربي فيه ديموقراطية . . السعودية والكويت من أغنى بلاد الدنيا . . يبقى حقهم يعملوا زي مايعجبهم . . الدور والباقي بقى على . . . . . . . . . . . . كل عيش يابني انت وهوه أحسن لك .
27-09-2009, 06:01 AM
أحمد كمال

اقتباس:

المشاركة الأصلية كتبت بواسطة mnabil1980

عندى تعليق واحد

عمر بن عبد العزيز كان بيستخدم شمعتين .. شمعة مملوكة للدولة بيستخدمها فى كتابة المكاتبات الخاصة بالخلافة وشمعة مملوكة له من ماله الشخصى يستخدمها عندما يكتب أشياء خاصة به.

الله يرحمهم جميعا
27-09-2009, 08:04 AM
PRO-DRIVE

ههههههههه و أسمه ملك الفقراء

علي فكره مكتوب ان ملك اسبانيا بيصلح عربيته في نفس المصنع اللي اتبعتت ليه بتاعت محمد السادس :)
27-09-2009, 10:22 AM
banboty

اقتباس:

المشاركة الأصلية كتبت بواسطة tyler_durden

و الله الرؤساء و الملوك محظوظين بالشعوب بتاعتهم

كما تكونوا يولَى عليكم
27-09-2009, 10:28 AM
MohaMed_Refaat

دة كل ملوك وحكام العرب بيتصرفوا نفس هذة التصرفات ولكن محدش يقدر يتكلم ::: فى بلد عربى مثلا دخل قناة ملاحية كاملا بيروح لصالح رئاسة الجمهورية شوف كام مليون دولار ؟!!!!!!!!!!!!!؟
الموضوع دة اتعرف لان وسائل الاعلام الغربية هى اللى نشرت الموضوع .
27-09-2009, 10:50 AM
Michael_Lanos

ربنا يهدي الجميع
27-09-2009, 10:59 AM
Samir Elshahawy

من حكم في ماله و جيشه و شعبه فما ظلم

عادي ماهو ملك

و لا أنتوا عايزينه يصلحها عند غبور ؟؟
27-09-2009, 11:31 AM
A. Ibrahim

فكرين الفلم بتاع بليه و دماغه العليه

الواد المكلبظ لما هنيدي سئلوه اسمك ايه

(بلاهه)
:ma(30):
ده مش بس بلاهه ده

(بلاهه و سفاهه)
:beatdeadhorse5:
27-09-2009, 05:32 PM
Karim_Monir

اقتباس:

المشاركة الأصلية كتبت بواسطة MohaMed_Refaat

فى بلد عربى مثلا دخل قناة ملاحية كاملا بيروح لصالح رئاسة الجمهورية شوف كام مليون دولار ؟!!!!!!!!!!!!!؟
الموضوع دة اتعرف لان وسائل الاعلام الغربية هى اللى نشرت الموضوع .

قصدك على بنما .. صح ؟
اصلي سمعت ان بنما بقت عربية:B4_592:

بقولك: روح ربي عيالك احسن
ولو معندكش عيال
خليني انا اربي عيالي الله يكرمك:khd:
27-09-2009, 05:36 PM
Samah AbdAllah

اقتباس:

المشاركة الأصلية كتبت بواسطة SE_coralsea

و لا أنتوا عايزينه يصلحها عند غبور ؟؟

مثلا.........
وبعدين احنا نحمد ربنا انه هيصلحها اصلا
واحد غيره كان رماها واشترى واحدة جديدة زيرو لسة هيصلح :Ka_che1[1]:
27-09-2009, 07:40 PM
MoToRiZeR

الضرايب .. مصلحتك أولاَ

يا عيني عالمغاربة و عالعرب .. الشعب يدفع ضرايب و الحاكم يصلح عربيته
27-09-2009, 09:57 PM
as01241

على فكرة يا جماعة الموضوع ممكن يكون له أبعاد تانية ومش بالبساطة اللي إتكتبت ديه واللي طبعا تفقع المرارة بس ممكن يكون الموضوع خاص بطبيعة العربيات اللي بتتصنع للرؤساء والملوك في العالم يعني مش كل رئيس أو ملك راكب عربية جاية من توكيل أو معرض سيارات دي العربيات ديه بتتعمل في المصانع مخصوص وبمواصفات معينة ومعايير أمان خاصة جدا والدولة بتخاطب الشركة الأم عشان تصنع لها عربية الرئيس أو الملك - زي مثلا عربية أوباما كلنا غالبا شوفناها على النت وشوفوا كانت عاملة إزاي ومعايير الأمان والحماية فيها إزاي هل تعتقدوا إنها لو فيها حاجة تتصلح عادي كده ولا هيبعتوها للمصنع اللي صنعها عشان تتصلح فيه؟؟ - طب إيه الفرق ؟ الفرق إن عربية أوباما صناعة أمريكية يعني لو باظت هتصلح في المصنع اللي في أمريكا , لكن عربية ملك المغرب زي بقيت رؤساء وملوك العرب صناعة أوروبية !!! وعشان كده بيسفروا العربيات ديه للمصنع الرئيسي تتعمل لها الصيانة وتتصلح , ولأسباب غالبا أمنية.
27-09-2009, 10:20 PM
madoo

اقتباس:

وبعدين احنا نحمد ربنا انه هيصلحها اصلا
واحد غيره كان رماها واشترى واحدة جديدة زيرو لسة هيصلح

ماهو اللى انتى مش واخده بالك منه ان اكيد اكيد
تكاليف الرحله نفسها هتبقى اغلى من تمن العربيه جديده اصلا
28-09-2009, 02:34 AM
MohaMed_Refaat

اقتباس:

المشاركة الأصلية كتبت بواسطة karim_monir

قصدك على بنما .. صح ؟
اصلي سمعت ان بنما بقت عربية:b4_592:

بقولك: روح ربي عيالك احسن
ولو معندكش عيال
خليني انا اربي عيالي الله يكرمك:khd:

عيالى وعياللك ؟!!!!!!!؟ اول مرة اشوفك بتتكلم بالاسلوب دة
ماشى يا كريم مفهوم وعلم .
28-09-2009, 02:43 AM
Ahmed Nouh

حد بص فى الصوره اللى فى الخبر وخد باله ايه نوع العربيه ؟

المفاجاه ان العربيه دى db7 وغالبا النسخه ال gt وهى موديل من اواخر التسعينات او اوائل الالفيه الجديده

معنى كدا انها متاحه للصيانه فعلا فى كل البلدان اللى بتعمل صيانه لأستون مارتن يعنى مش موديل جديد ولسه ما تمش تسويقه فى القطر العربى او خارج اوروبا يعنى , ببساطه كان ممكن يعمل الصيانه فى اماكن كتير قوى قوى داخل القطر العربى

والعربيه دى مفيهاش مواصفات خاصه للشخصيات العامه تتعدى مرحله الكماليات فى المقصوره , لأن استون مارتن مبتسمحش بالتصفيح ولا بأنظمه الامان للرؤساء بعكس شركات تانيه علشان كدا فعلا مجرد ارسالها بريطانيا ما هو الا استعباط او يمكن فى اسبانيا مش راضيين يختمو كتيب الضمان والراجل خايف الضمان يروح عليه

عرض 40 مشاركات من هذا الموضوع لكل صفحة

الساعة الآن 11:25 PM

Content Relevant URLs by vBSEO 3.6.0 PL2