الموضوع: استفسار عن سكودا فابيا 2003 1200cc

استاذ احمد احب اطمنك انها 4 سلندر وده اكيد لان اخويا معاه واحدة والعربية اكتر من رائعة واكيد احلى من الابيزا خاصة مع التكييف اما بالنسبة لقطع الغيار فهى يمكن تكون زيها زى اى عربية المانى غالية شوية بس معمرة جدا واستهلاك البنزين ممتاز ولكن بخصوص المواصفات والسعر فده يرجع لحالة العربية ولو هى ممتازة يبقى مش تستخسر فيها 45 بشرط تكون نمرة واحد وربنا يباركلك فيها ويديك خيرها ويكفيك شرها

شكورد جدا يا احمد وبجد طمنتى مع انى لقيت مواقع كتير كتبين انها 3 سلندر ياريت تقلى حضرتك عربيى اخوك فعلا 4 سلندر 1200cc وهى عامله ايه فى السحب وهى متعرفش الهورس باور بتاعها كام والعربيه الى قدامى بص هى فابريكه بره وجوه مش فيها نقطة معجون بس الفوانيس القدام تجس انها مطوسه كده جامد معرفش ليه وكمان فى حكه فى العتب بس بعد كده كلها زيرو يعنى فابريكه ماشيه 109 الف كيلو مش عارف بقى كده كتير ولا ايه بس وفيها طاستين من قدام مش موجودين وعايز اغير لسه سير الكاتينه عشان شكله خلاص بس لكن العربيه كلها نضيفه جدا زيرو فا انت ايه رايك على السعر ده كويس وكمان هى مش احلى من الفيات بونتو ومستنى ردك ومشكور جدا

احمد احب اطمنك ان اخويا معاه 4 سلندر و1200 سىسى وهى ممتازة فى السحب فعلا بس الحقيقة انا مش متذكر الهورس باور بتاعها كام اما بالنسبة للعربية اللى قدامك فبالنسبة للكيلومتر بتاعها فهو متوسط يعنى مقبول طبعا لعربية بقالها 7 سنين وبالنسبة للفوانيس فده عادى لانه غالبا بيسافر كتير فبتتصنفر من تراب الطريق وبالنسبة للطاسات فديه سهله وخبطة العتب هى تزعل بس واردة لكن خد بالك سير الكاتينة بتاعها تغيره قصة كبيرة وعموما حاول تكسر معاه شوية هى على الحالة ديه وكاملة تكييف وباور وسنتر وزجاج كهرباء امامى تعمل حوالى 42 او 43 تمام وبرضه انت ليك نظرة لانك اللى شايفها ومتنساش تبص على الكاوتش والبطارية كمان

مشكور جدا يا احمد انا الى عجبنى فى العربيه انها مفهاش نقطة معجون فابريكه من الاكصدام للاكصدام ويعنى الخرابش والخبطات الى فيها مش كتير لكن هى عايزه فعلا سير كاتينه والكاوتش مش جديد قوى وانا ححاول انزل معاه على 44 الف انت ايه رايك كده او 43 يبقى كويس ولا السعر عادى هى تمنها كده اصلا ولا كويسه كده

انا جبت العربيه بس كان عند بعض الاستفتسارت فى حاجه بتطلع وانا بدور عليها علامة الدركسيون وعلامة تعجب كمان بيدينى انسبكت وبيعد عد الكيلوهات الى بتمشى على الانسبكت ده هو ققدر اعرف العطل منين ازاى وهل ممكن افحص فى التوكيل وايه الاسعار هناك بعد كده العربيه تحفه بجد جميله جدل

اه لا غير بتاعت الفرامل ده مع الباور على ما اظن اه بس بيعمل اتشيك على الحجات كلها لانه بيقفل علطول بعد كده