أرجو إفادة من الأخوة الأعضاء
أنا معايا سويفت 94 وعايز أجيب 4 فرد كاوتش جديد
فإيه أفضل نوع؟
أشكركم مقدمًا على حسن تعاونكم
عرض للطباعة
أرجو إفادة من الأخوة الأعضاء
أنا معايا سويفت 94 وعايز أجيب 4 فرد كاوتش جديد
فإيه أفضل نوع؟
أشكركم مقدمًا على حسن تعاونكم
السلام عليكم انا معايا سويفت 1999 وكان عندي مشكله فالزوايا لدرجه اني روحت عند 3 ورش عشان اضبطها ولسه بتصفر المهم اخر واحد قالي ان العجله الشمال مرحله 2سم وعايزه زرجينه عشان العربيه كانت واخده مطب جامد عملت الزرجينه ولسه بتصفر علي اي سرعه حتي لو 30 ك والغريب انها ساعات متصفرش الا علي سرعات العاليه وبعد صعوبه والاغلب طبعا انها تصفر عمال علي بطال مع العلم اني جايب مساعدين ياباني جداد مقصات جداد مغير البلي اللي قدام بس الصنايعي كان قايلي ان عبله الدركسيون عايزه تتغير بس قدام ممكن ده يكون هو السبب ولا لا يارت حد يقولي اعمل ايه عشان والله انا تعبت من الصنايعيه وابتزازهم
وخيرا كنت محتاج اعرف سعه تنك البنزين بتاع السويفت 99 كام لتر وسامحوني علي الاطاله
والسلام عليكم
السلام عليكم
موضوعى ممل و طويل فلو مبتحبش الملل متقراهوش ههههههههه
أنا عربيتى سوزوكى موديل 95 و فيها كذا مشكلة و نبدأ بسم الله:
*العجل و أنا على سرعات بطيئة بيصوصو, و الله باللفظ ده بيحصل عشان بسمع (صوصوصوصوصوصوصوصو) و مش عارف إيه السبب فى الحوار ده
*من كام يوم الفرامل عندى كانت ولا كأنها هنا و كشفت على الزيت لقيت مفيش ولا نقطة فزودته و زى الفل بس عمال أفكر "يكون الزيت القديم راح فين؟"
*إستهلاك البنزين بجد بأة غريب, يعنى فول تانك يعد معايا 300 كيلو و أكتر حاجة كنت بحبها فى عربيتى انها موفرة إهىء إهىء
*دى بقى مهمة عشان تعنينى شخصيا: واحد صاحبى من هواة العربيات و بيشتغل بايديه فيها ركب العربية عندى شاف الزفارة اللى من الزمن و العمر على الطبلوه و ايدين الازاز و الفبر اللى جوة العربية فقالى وصفة و هى (أجيب تمن لتر تينر و أحطه على لتر جاز و بقطنة أمسح التابلوه و الفيبر و هوة هيرجع زيرو) حد يعرف عن الوصفة دى أى حاجة؟
*و عربيتى اتخبطت إهىء إهىء إهىء و ده الفيديو للخبطة رأيكوا تتسمكر بارد ولا سخن؟ أصلى مش عايز أوديها لصنايعى حمار يلبسنى. و ألف ألف ألف (يعنى تريليون) شكر
[youtube]http://www.youtube.com/watch?v=5-eINsqX-pQ&con....=C3de80eaADOEgsToPDskL564EEz-PY7a1WIkk5a9sX[/youtube]
هو في مواتير كبيره للسيوفت ؟؟؟
و كام سيسي و بكام
و ممكن عفشه رياضيه ؟
معلشى هيا الحاجات دى اشتريتها منين ؟
انا لسة شارى سويفت 92 هاتشباك 1000 سى سى وياريت تقبلونى معاكو فى الرابطة
وليا شوية استفسارات كدة بعد اذنكو
1-التكييف راكب فيها بكل وصلاتة بس الكمبريسور محروق ياترى بيتباع لوحدو والاقية فين وبكام ؟؟!
2-العربية محتاجة كوبلن وجوز مساعدين واحد ورا والتانى قدام يعملوا كام وهل فى انواع ولا كلو واحد ؟؟ ؟؟!
3-المكنة 1000سىسى 3 سلندر يا ترى اية هى قطع الغيار اللى تفرق عن السويفت السيدان ؟؟؟
والاقيها فين وبكام ولا هدوخ عليها ؟؟
4-لو حبيت اغير من بنزين 80 ل 92 هحتاج اظبط حاجة ولا اغير على طوول
5- العربية دى كويسة!!! وتفرق اية عن السيدان
معلش انا اسئلتى كتيرة شوية بس دة عشمى فى اعضاء المنتدى المحترمين اللى مابيبخلوش على حد بمعلومة
أولا ألف مبروك على العربية و ربنا يديك خيرها و يكفيك شرها و شر الطريق, أولا أحب أقولك إن السوزوكى عربية ممتازة, من وجهة نظرى لإن قطع غيارها موجودة و مش غاليه و هى صحيح مش بورش لكن لو واخد بالك منها أول بول كده أدائها بيكون ممتاز جدا جدا. أنا بصراحة مش خبير فى كل الأسئلة دى بس هجاوب اللى جربته و عارفه. أنا لما جيت أغير من 80 ل 90 معملتش حاجة غير انى غيرت فيلتر البنزين و بصراحة أداء العربية فرق كتيييير. لكن مفيش أى تجهيزات معينة تتعمل.
الله يبارك فيك ياباشا ,
هو حضرتك اماكانت العربية شغالة بال 80 كان فى اى اعراض غير التجميع البطىء
اصل اناعندى العربية على السلانسية او الاول او التانى بتترجرج ومش عارف دة عيب قواعد ولا كهرباء عايزة تتظبط ولا اكمنوا بنزين 80 فامش ظابط مع كهربتها فبيخليها ترجرج كدة ؟؟!