اقتباس المشاركة الأصلية كتبت بواسطة hytham79 مشاهدة المشاركة
يا باشا ما هو عداد الحرارة ده اللي مجنن امي
مابيزدش عن النص مش فاهم هوا ده الطبيعي ولا دا عداد اهبل ولا ايه بالظبط
افيدونا افادكم الله

معلومة

العداد عمره ما هيعدي النص لو كاوتشات غطاء الردياتير فيها قطع... وممكن الموتور يكون متقطع من الغليان ومش باين قدامك بسبب كده ليه؟؟

نقطة الغليان هي النقطة التي يتحول عندها السائل لبخار

من المعروف نظريا ان الميه بتغلى عند 100... صح؟؟.... احب اقول لك ده مش صح... المعلومة ناقصه... الميه بتغلى عند 100 عند مستوى سطح البحر... بمعنى ان الضغط بيتحكم في درجة الغليان... وبطريقة اخرى... انت لو فرغت الهوا حوالين كباية ميه... هتلاقيها بتغلي عند درجة 20 مئوية والعكس صحيح... لو زودت الضغط حرارة الغليان هتزيد... ودي الفكرة من الغطا

بيخلي الميه تغلي عند 115 درجة (اعلى نقطة في العداد 120)... فلو الغطا بايظ والموتور سخن... الميه عمرها ما هتتجاوز 100 درجة وبالتالي هتلاقي المؤشر ثابت في النص

الغطا له رقم وهو عندنا 0.9 ويستحسن تجيبه ياباني او اصلي وده بالكتير 25 جنيه